میلادیه حضرت زهرا (س)
.
✍️ زبدة الاشعار ✍️
.
🆔: @nohe_torki
.
#احمد_پوریا
.
آسماندان – نازل اولوبدی – باران رحمت
سالدی سایه – اهل زمینه – باعث خلقت
عرشین اهلی اولدی خندان
جنت الاعلا چراغان
باغ و بستان جلوه تاپدی
اولدی بلبلّر نواخون
آینه ی خدا گلوبدی
شرف ماسوا گلوبدی
مژده عزیز عالمینه
پیمبره بالا گلوبدی
لطف ایلیوب حیِّ تبارک
میلاد فاطمه مبارک
.
.
.
نور عصمت – صفای جنت – گل آدی زهرا
مام امت – همسر مولا – ام ابیها
عفتین معناسی گلدی
باغ عشقون یاسی گلدی
دلبر شاه ولایت
غیرتین دریاسی گلدی
گنجینه ی نایابیمیزدی
خورشید عالمتابیمیزدی
فخر ایلروخ کلِّ جهانه
اوغلی بیزیم اربابیمیزدی
لطف ایلیوب حیِّ تبارک
میلاد فاطمه مبارک
.
.
.
گوز آچوبدی – بوگون جهانه – دخت پیمبر
عرشیده سس – دوشدی گلدی – زینبه مادر
مژده اولسون عاشقانه
مسلیمین و شیعیانه
ایلیون شادی اورکدن
گوز آچوب زهرا جهانه
حسن ،حسین آناسی گلدی
حیدر ایوین صفاسی گلدی
الله ایدوب بیزه عنایت
دردیمیزون دواسی گلدی
لطف ایلیوب حیِّ تبارک
میلاد فاطمه مبارک
.
.
.
بو گجه بایرامدی کلِّ شیعیانه
ایسته (پویا) مهدیدن سن عیدیانه
عشقی قلبینده فریضه
یاز اونا دیلدن عریضه
آند ویر صاحب الزمانه
قوی شفا ویر سون مریضه
ای شهِ باجود و کرامت
مهدی بیزه ایله عنایت
بو جمع حسینه عشقی چوخدی
ویر بیزه کربلا زیارت
.
.
#سبک
.
#فاطمیه_میلادیه
#آسماندان_نازل_اولوبدی_باران_رحمت
#ترکی
.
✍️ #زبدةالاشعار ✍️
.
🆔: @nohe_torki
نظر دهید