.
زبدة الاشعار
?: @nohe_torki
.
حاج داود بیدق داری
.
آغلا گوزوم هر زمان ، اشک فشان زینبه
محشر کبرا بو گون ، اولدی عیان زینبه
.
درس شهامت وئروب عالمه زهرا قیزی
دگدی یامان گونده بیر لشگره تنها قیری
یئر گویه لرزه سالوب مکه وبطحا قیزی
فخرائلیوب فاطمه فخر جهان زینبه
.
تلله چخوب سسلدی هاردا قالوبسان حسین
گور نجه بو زینبی درده سالوبسان حسین
دلده کی آرامینی الدن آلوبسان حسین
همدم اولوبدور فقط آه و فغان زینبیه
.
نیلر اگر کیمسه نین اود دوتا کاشانه سی
نیلر او قوش اولمیا آبیله هم دانه سی
غمزده بلبلرین یاندی حسین لانه سی
شعله نی هرقیز گوروب باخدی یانان زینبه
.
گورمه میشم عمریده من بئله بیر منظره
دعوت ائدنلر باخا دعوت اولان جان وئره
لاله دی گویا زبس قان توکولوب هر یئره
ارض و سماده بوگون اغلادی قان زینبه
.
گورنجه اعدا سالوب دامه آدامسیزلاری
آخدی سپهرغم ومحنتین اولدوزولاری
فوج سواره گلور غارت ائده قیزلاری
رحم ائله مور بیر نفر اشکی روان زینبه
.
اوخ ویریلان پیکره اولمادی کیمسه یانان
اوخلاری قورتاردیلار گلدی ولی داش ووران
سن سوروننده گلوب نالیه قددوسیان
گورنجه سخت اولدی ایش قالمادی جان زینبه
.
#عاشورا
#غارت_خیام
#آغلا_گوزوم_هر_زمان_اشک_فشان_زینبه
#بیدقداری
#ترکی
.
#زبدةالاشعار
?: @nohe_torki
: @nohe_torki . مرحوم کاتب اردبیلی . چون اذن جهاد آلدی شهزاده علی اکبر شوقیله اولوب رزمه آماده علی اکبر . . گلدی او وفاپرور تا محضر لیلایه اوّل آناسین گورسون گئتسونبیشتر
سوال و جواب . 
نظر دهید