جهانی خلق ائدوب خدا فقط حسینون عشقینه #حسینیه_کریمی_مراغه_ای

حسینون عشقینه …
.
.
.
مرحوم کریمی مراغه ای
.
.
جهانی خلق ائدوب خدا فقط حسینون عشقینه
یاراندی جمله ماسوا فقط حسینون عشقینه
.
.
حسیندی مظهر خدا حسیندی مشعل هدا
حسین سفینهُ آلنّجا حسین شهید اشقیا
حسین معین انبیا قتیل دشت کربلا
یازیلسا صبحیله مسا کتاب فضلی جابه جا
خدا دیوبدی مرحبا فقط حسینون عشقینه
.
.
تمام اهل عالمه حسینون امتیازی وار
عموم خلق اولانلارین او سروره نیازی وار
خدای ذوالجلالیدن شفاعته جوازی وار
ئورکده سوز و سازی وار دیلینده کشف رازی وار
ائده لله غبطه انبیا فقط حسینون عشقینه
.
.
حسین خلیل عشقیدی مناسی کربلاده دی
منالرین فدالرین فداسی کربلاده دی
صفا و مروه نین گوزل صفاسی کربلاده دی
خلاصه شیعه دردیون دواسی کربلاده دی
مریض لر تاپار شفا فقط حسینون عشقینه
.
.
حسینون آدینا فدا بالالاریم آتام آنام
ولیّ امریدور بیزه مباد حقّینی دانام
مصیبتینده روز و شب گرکدی آغلیام،یانام
صفالی کربلاسینه گوزل مزاره قربانام
او بارگاه اولوب بنا فقط حسینون عشقینه
.
.
خدای حیّ لم یزل حسینی انتخاب ائدوب
او آلتی گوشه قبرینی بهشتدن حساب ائدوب
سپهر آل عصمته حسینی آفتاب ائدوب
حسین قیام نهضته مقدّس انقلاب ائدوب
دل ایستر اولسون آشنا فقط حسینون عشقینه
.
.
کریمی ام آقام وئرن پایا قناعت ائتمشم
نه مصلحت ائدوب خدا اونا کفایت ائتمشم
حسین حسیندی ازبریم حسینه عادت ائتمشم
اون آلتی دفعه قبرینی گئدوب زیارت ائتمشم
سورونّم ایلرم نوا فقط حسینون عشقینه
.
.
.
#دحوالارض
#حسینیه_مدح
#جهانی_خلق_ائدوب_خدا_فقط_حسینون_عشقینه
#کریمی_مراغه_ای
#ترکی
#زبدةالاشعار