آند ایچوب قانه باتان پرچمه اکبر باجیسی #راه_شام_فکری_اردبیلی

زبانحال حضرت رقیّه (س)
در راه شام
..
..
..
#سبک_ای_منیم_آرخام_ایلیم (با اضافه کردن واگیر) … #سبک_یارالی_جان_یارالی … #سبک_شهریاریمسن_آقا … #سبک_کربلا_منتظر_ماست … 4 سبک …
..
..
..
..
مرحوم فرهاد فکری اردبیلی
..
..
..
..
..
آند ایچوب قانه باتان پرچمه اکبر باجیسی
ویرمز ال ئولسه ده نامحرمه اکبر باجیسی
..
..
..
..
..
باخما سن بو گیجه نی یالقوزام ای زجر دنی
یا منیم فکریمی باشدان آتوب عمّم علنی
ال آتوب قمچیه اینجیتمه بو ماتم زده نی
ایتمیوب ایتمیه جک واهمه اکبر باجیسی
..
..
..
..
..
چونکه پابندم ازلدن شرف و عفّتیمه
قویمارام لطمه دگه دامن حیثیّتیمه
زجریله بیر آتا مینمک توخونار عصمتیمه
عفّتین ایلر عیان عالمه اکبر باجیسی
..
..
..
..
..
من گرک فخر اولام هر یرده علی اکبریمه
دگسه مین قمچی اگر گونده منیم پیکریمه
خوشدی نامحرم الیندن دگه تا اللریمه
اگمدی باش گوره لر ظالمه اکبر باجیسی
..
..
..
..
..
سنده ثانی کیمی چوخ ظلمیده طغیان ایلمه
ویرما سیلی یوزومه اشکیمی قانه بلمه
منی اوخشاتدی فلک دهریده یالقوز ننمه
عجبا اولدی کیچیک فاطمه اکبر باجیسی
..
..
..
..
..
کوکب بختیمه باخ دشت و بیابانی گزور
گوزلریم بو گیجه وقتی دل صحرانی گزور
خسته پهلوسی سینان حضرت زهرانی گزور
اونا خاطردی دؤزوب هر غمه اکبر باجیسی
..
..
..
..
..
هر بلا نعمت عظمادی یقین عشق آراسی
تاج عزّتدى منه باشداکی اکبر قاراسی
نوشیدور عاشقه چوخ خار مغیلان یاراسی
یوخ نیازی بیلوسن مرهمه اکبر باجیسی
..
..
..
..
..
غم اکبر منی دنیاده ایدوب خانه بدوش
او شهید اولدی ولی من غم هجرانینه توش
هر بلا گلسه یولوندا منه چوخ نوشیدی نوش
دائماً آدین ایدر زمزمه اکبر باجیسی
..
..
..
..
..
من بو صحراده گرک مکتب حرّیّت آچام
پا برهنه علم همّتی مردانه ساچام
ایاقیم قانه ده باتسا بو تیکانلقدا قاچام
دوزر عشق عالمی بیش و کمه اکبر باجیسی
..
..
..
..
..
پا پیاده گیدورم شامیده اعجاز ایلیم
کنج ویرانه ده بیر نهضتی آغاز ایلیم
خرداجا قیزلاری بو مکتبه سرباز ایلیم
قوراجاق شامیده بیر محکمه اکبر باجیسی
..
..
..
..
..
قاره معجرله صف عشقیده اوّل چیخارام
پنجۀ منطقیله قلب عدونی سیخارام
تختین اوستن یره آخرده یزیدی یخارام
فخر اولار قوم بنی هاشمه اکبر باجیسی
..
..
..
..
..