قتلگاه
..
..
..
..
بلادی اردبیلی
..
..
..
..
آه او ساعتدن یئخیلدی عرشه لنگر مقتله
عرشیدن قویدی قدم الله اکبر مقتله
..
..
..
..
یاریلن دلدار اولوبدور روبرو آئینه تک
عشق تک اخلاص تک مقصود تک منظور تک
اولموش الله و احدلن واحد عکسی عرشه حک
گلدی آدم جام الینده سالدی محشر مقتله
..
..
..
..
هاتف عقبی دئدی ائت سجده آدم مقتله
دون دالا باخ سو گتورموش کل عالم مقتله
هر دمینده دم وئرور بو فاطمه دم مقتله
رکن خلقتدور دوشوب آدم بو سرور مقتله
..
..
..
..
قطب عالمدور یاتوب قان ایچره بو باشسیز بدن
باعث ایجاد وحدتدور بو تاج پنج تن
کعبۀ اسرار حقدور ئوپ یارالی سینه دن
سجده ایلورلر تماماً بحریلن بر مقتله
..
..
..
..
ساجده سجاده صف صف سرو رضوان ایلیوب
مقتدایه اقتدا مقتلده قرآن ایلیوب
محفل عرفانینه جانانی مهمان ایلیوب
ذکر ائدیب آدم دوشوب رضوانی پرپر مقتله
..
..
..
..
دوقوز ایوان، روضۀ رضوانه سن پیرایه سن
یاره سینون تک تلاوت ایلیورسن آیه سن
جسمووی گون یاندیرور سنکی جهانه سایه سن
سالموسان ای ناخدای هستی لنگر مقتله
..
..
..
..
دم وئرن عیسایه یاروندن سوزور تپراقه دم
قویمیور قان ، چکمگه مولا حسین بیر آنی دم
تشنه لبلر ذکر ائدورالله اکبر دمبدم
تیتره دی قانلی عباده باخدی اکبر مقتله
..
..
..
..
نیلیر زینب باجون مطبخده سن باتسون کوله
کیمده وار طاقت بو قدری یاریه یارا گوله
جسموون هر یاره سی اوخشور حسین قرمز گوله
عطر جانانی یایور ذکرون مطهر مقتله
..
..
..
..
غنچۀ خندان اولور یارون شاخاندا گون سنه
گون یانور آغلور حسین جان سو سنه سوسن سنه
آلتی یئردن سن گلور زوار عشقم من سنه
باخمادی خلّاقه گلدی بیر ستمگر مقتله
..
..
..
..
منبر عرفانه چیخدی دوقوز ایوان آغلادی
نصّ قرآن کریمه متن قرآن آغلادی
زینب اسدی تلین اوسته قانلی میدان آغلادی
گتدی روح انبیانی شمر کافر مقتله
..
..
..
..
عشقی سیز هر مذهب اولسا چاتمیوب چاتماز باشا
تلّیدن زینب اَننده ال آتوب زهرا باشا
گوردی قارداش پیکرینده یاره چاتموش باش باشا
باش آچیخ نعلینی سیز گلدی پیمبر مقتله
..
..
..
..
گوردی فرعون زمانی عرش حقون اوسته دور
دوش یئره قارداشی ئولموش سینه سی بشکسته دور
یئخما زهرانون ائوین سسلندی ظالم خسته دور
سو گزن گوزلن باخوبدور دیلسیز اصغر مقتله
..
..
..
..
یومدی طاها گوزلرین شمری چکنده خنجرین
آتدی یا صاحب زمان شمشیره عممون اللرین
تیتره دیب اعظم بو غم قولسوز دلاور پیکرین
گوزلرینده گئتدی سو ساقی کوثر مقتله
..
..
..
..
آچدی گوز شاه شهیدان باخدی غم یولداشینه
گوردی خنجردن دوتوب زینب باتوب گوزیاشینه
یوخ ابالفضلیله اکبر شمر اولوب ئوز باشینه
گه باخوب نهر اوستونه گه غملی خواهر مقتله
..
..
..
..
حشره جک واردور یئری زینب بو محنتدن یانا
کیمدی چکسون قانلی دریادن سنی قارداش یانا
کاش ابالفضلیله نهر اوسته یاتیدوز یان یانا
یا دوشیدی گوز یارالی قانلی پیکر مقتله
..
..
..
..
زخم خنجردن سوزوردی گودی گوداله قان
زینبه خاطر حسین نیم خیز اولیدی نیمه جان
خنجری بوشلا دئیوردی، فاطمه سسلوردی جان
سالدی زینب فاطمی قانیله بستر مقتله
..
..
..
..
اللری پهلوده زهرا باخدی پرپر یاسینه
قدی خم سینه یارا گلدی حسینون یاسینه
زخم مسمار آغلیوردی فخر آل یاسینه
محشر کبری سالوب غمدیده مادر مقتله
..
..
..
..
زینبون آخدی اَلیندن قان سینان گنجینیه
ایشلدی خنجر یاراسی دوغرانان آئینیه
سینه ویردی، حضرت زهرا یارالی سینیه
آچدی باشدان آتدی زهرا قاره معجر مقتله
..
..
..
..
خیمه لر تک اود سالوب آفاقه اودلی مسله
هم حسین هم فاطمه ناگه بئله گلدی دیله
گئت خیامه یولدا اَلسیز اللره سن اشگ اله
گئتمسون زینب ، گلر اوغلی ئولنلر مقتله
..
..
..
..
شیعیه اوخدور بو غملی منظره یا فاطمه
یاندی قلبون حنجره یا اللره یا فاطمه
کربلاده سن باخوبسان محشره یا فاطمه
سن دئنن گلدی نئجه اوچ یاشدا دختر مقتله
..
..
..
..
سسلدی سس وئر منه بابا سنون نالانووم
ای قوناقی چوخ سوون دیندیر منی مهمانووم
سس چوخور یئردن گلوب گل سینمه قربانووم
اللرین آچدی قاچوب زهرایه بنذر مقتله
..
..
..
..
تاپدی، گوردی غارته انگشت و انگشتر گئدیب
سوله دی تاراجه بابا ظلمیلن معجر گئدیب
اکبریم قانلی عباده پس هارا اصغر گئدیب
پر شکسته قمری ویردی عشقیلن پر مقتله
..
..
..
..
قان آخان حنجردن ئوپدی روح زهرا آغلادی
یاره قبله قویدی ئوزوای دیلده طاها آغلادی
نهریدن سو داشلانوب شرمنده سقا آغلادی
قورماقا یاس آفرینش گلدی یکسر مقتله
..
..
..
..
قانلی دیرسکلر آلوب آغوشه غم سردسته سین
قورخولی غارت اولان ساعت بلالر خسته سین
اولمادی امکان حسین ئوپسون گل بشکسته سین
آهیلن چکدی قیزی قاره سراسر مقتله
..
..
..
..
آندی وئرروک یا حسین پایین پاده اکبره
باخ او قانلی گولریلن دردمند عاشقلره
درد دل یازدی «بلادی» گوز یاشیلان دفتره
کاش اولا هیئتله ، ئوز قویسون بو نوکر مقتله
..
..
..
..
#حسینیه #بلادی_اردبیلی #حسینیه_شهادت #ترکی #قتلگاه #زبدةالاشعار
نظر دهید