آه او ساعتدن یخیلدی شاه مظلومان یئره #حسینیه_زائر_تبریزی

شهادت امام حسین (ع)
.
.
مرحوم زائر تبریزی
.
.
آه او ساعتدن یخیلدی شاه مظلومان یئره
علّت ایجاد عیسی وئردی تازه جان یئره
.
.
آلدیلار اطرافینی صف صف سپاه کفراو دم
نیزه و خنجر قلج اوخ سربسر اولدی قلم
یازدیلار شمشیریله جسم شریفین چون رقم
جلد سیز قرآن کیمی دوشدی شه عطشان یئره
.
.
یخدیلار اعدای دین، دین مبینین پایه سین
سالدیلار بی سایبان میدانه الله سایه سین
ثبت ائدوب صدرینده کتاب قضا ذبح آیه سین
خورد اولوب گویا دوشوب شیرازه سیز قرآن یئره
.
.
واله اولدی ماسوا جسمینده تحریراتینه
زخم خنجرمدّ تک تمدید اولوب کلماتینه
نوک نیزه اوخ قویوب نقطه تمام آیاتینه
ثبت اولوب صدرینده گویا آیه قربان یئره
.
.
دین پیغمبردن اول کفّار کوفه ال چکوب
ازدحامیله تماماً تیغ پرصیقل چکوب
هربیری او صفحه قرآنه بیر جدول چکوب
قطعه قطعه ایتدیله دوشدی شه دوران یئره
.
.
دوغرانوب پیغمبر اوغلی ریزه ریزه بند بند
توکدولر قانین همین قان ائتدی دینی سربلند
ظاهراً بو ظلم اولوب اعدایه گر چه دلپسند
باطناً جبریل گلدی واله و حیران یئره
.
.
زینت عرش خدانی ایلیوبلر زیب خاک
ووردولار ازبس یارا اولدی وجودی چاک چاک
جایز اولسیدی دئیردیم غملنوبدور ذات پاک
لرزه افلاکه دوشوب گوگدن یاغوبدورقان یئره
.
.
نازنین جسمه قلج اوخ نیزه دگدی اتصال
زخم ثارالهیدن سو تک آخوبدورخون آل
قلب عالم قلبینه مستولی اولدی ضعف حال
حال شهدن یوزویروب حال وله اول آن یئره
.
.
قلب عالم قلب میداندا قالوب بی اختیار
سیردن سیّاره دوشدی یئربه یئردوردی مدار
بهت آپاردی عالمی یوز وئردی حال انکسار
سرنگون اولموشدی قلب عالم امکان یئره
.
.
یئر به یئر دورموشدی دشمن دوست یکسر محو و مات
اولمیوب یاره ووران حاله گلوب عین الحیات
صاق صولا باخدی سپاه کفره ائتدی التفات
ایستدی دورسون یخلدی قانینه غلطان یئره
.
.
اولمادی حالی امامین ایلسین بیرده قیام
ابن سعد حکم ایلدی امرحسین اولسون تمام
دسته لردن آیریلوب شمر ایلیوبدور اهتمام
آز قالوب فکرینده اول شومین دوشه لرزان یئره
.
.
کفرمطلق نورحقّین قتلینی منظور ائدوب
جایزه آلماق اونی بو جرأته مجبور ائدوب
عالم گریان یزید کافری مسرور ائدوب
گلدی پیغمبرعلی زهرا اولان گریان یئره
.
.
نه جفا ائتدی نه ظلم اولدی اونا یوخ منده حال
کاش اولیدی عالم امکان او وقته پایمال
جبرئیل نازل اولوب تا ایلسین کشف مقال
اولدی «زایر» گوردی مولاسین ییخوب عدوان یئره
.
.
#حسینیه #زائر_تبریزی
#حسینیه_شهادت
#آه_او_ساعتدن_یخیلدی_شاه_مظلومان_یئره
#ترکی
#زبدةالاشعار