زبدةالاشعار

آچدی چو شاه تشنه لبان قان دولان گوزون #حسینیه_صافی_تبریزی

زبانحال حضرت امام حسین (ع) خطاب به خواهرش در دم واپسین
.
✍️ #زبدةالاشعار ✍️
.
🆔: @nohe_torki
.
مرحوم صافی تبریزی
.
آچدی چو شاه تشنه لبان قان دولان گوزون
یاددان چخاتدی زینبی گورجاق ئوزى ئوزون

سویلوب آنام باجی یتوب عمریم تمامه گیت
من که گیدنمرم قاییدوب سن خیامه گیت
.
صیاد مرگ مندن اؤتور یولدا تور قوروب
سالسون اودور خیالی حسینون او دامه گیت
.
گلدون گوزومی باغلیاسان جان وئرن زمان
بو زحمتی قویوب باجی زهرا آنامه گیت
.
من بو یولون مسافرییَم تئز گیدم گرک
سنده گوروب تدارکیوی شهر شامه گیت
.
مرهم پذیر چون دگی بو یاره لر باجی
یتمز نقدر مرهم اولا التیامه گیت
.
هنگام درد دل دگی یاندیرما قلبیمی
دشمنلریم باخور داخی گلمه کلامه گیت
.
گیت تز باشوا جمع ایله اهل و عیالیمی
بو باره ده سن ایلماقا اهتمامه گیت
.
مندن ال اوزگیلن سنه من قارداش اولمارام
قارداش اوغول دیماقلیقا اوغلوم امامه گیت
.
دشمن من ئولَّم ایمدی سویار اهل بیتیمی
آل هر نه واردی وئرماقا قوم لئامه گیت
.
شامه چکر عیالیمی مندن صورا عدو
بیر کاروانی سالماقا نظم و نظامه گیت
.
بو گوز یاشون یارالاریما سوزش آرترور
چوخ آغلاما یارالیم آخر خیامه گیت
.
ایمدی گلر کَسَر باشیمى قاتلیم باجی
دورسان اولور که نقص یته احترامه گیت
.
قویماز سویار لباسیمی بو قوم کفر و کین
اگنیمده پیرهن قالا باشدا عمامه گیت
.
قبر حسین طوافینی سال باشه «صافیا»
زین العباده دوتماقا سن اعتلامه گیت
.
.
.
#حسینیه_صافی_تبریزی
#حسینیه_شهادت #قتلگاه
#آچدی_چو_شاه_تشنه_لبان_قان_دولان_گوزون
#سویلوب_آنام_باجی_یتوب_عمریم_تمامه_گیت
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  آدون اگرچه مصیبتدی غمفزادی رقیه #حضرت_رقیه_کریمی_مراغه_ای

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی