آچمیشام ماه دعاده باب رحمت بنده گل #رمضانیه_زلفی_تبریزی

ماه دعا
..
..
..
..
زلفی تبریزی
..
..
..
..
آچمیشام ماه دعاده باب رحمت بنده گل
ایتمیشم بیرده مهیا خوان نعمت بنده گل
..
..
..
..
وعده ویردیم وارگناهین گل منیم درگاهیمه
عفو ایدن من عفو اولان سن ایتمه بیله واهیمه
جرمیوی عفو ایلرم آند اولسون عز و جاهیمه
اولماقا بی واسطه صاحب سعادت بنده گل
..
..
..
..
سن چاغیر العفو یارب من سنه احسان ایدیم
خوان فضل و رحمتیمده یر ویریم مهمان ایدیم
هر نه دردین وار اروکده سهل ایدیم آسان ایدیم
خالقونله باغلا دیلدن انس و الفت بنده گل
..
..
..
..
قدرت مطلق منم من خالق سر و علن
گویلومی شاد ایلیر درمانده گوزیاشین سیلن
تیز آلار منظور قلبین بوینی چیگنینده گلن
درگهیمدن سنده بیر آن ایله همت بنده گل
..
..
..
..
من همان جان جهانم ماسوانی خلق ایدن
هم زمینی خلق ایدن هم آسمانی خلق ایدن
آب و آتش خلق ایدن باد وزانی خلق ایدن
بزم انسی ایتمیشم بو آیدا خلوت بنده گل
..
..
..
..
مهربانم هم آتاندان هم آناندان من سنه
بوشلا خلقی اولماقا حاجت روا یالوار منه
استغاثه ایله دیلدن اشکین آخسون دامنه
سن دعا ایت منده ایلوم استجابت بنده گل
..
..
..
..
ماه رحمتده چالیش سیر الی اللهه قوشول
درگهیم باب عنایتدی بو درگاهه قوشول
خیل عشاق سزاوار و دل آگاهه قوشول
سنده اول عشاق تک مشمول رحمت بنده گل
..
..
..
..
زلفی آه سرد چکمه درد دنیایه گوره
چوخ داریخدیرما اوزون فانی بو ماوایه گوره
یاز سوزون مندن اوتور باب تولایه گوره
سن منیم درگاهیمه گر دوشسه صحبت بنده گل
..
..
..
..
#مناجات #رمضانیه #ترکی #زلفی_تبریزی #زبدةالاشعار