زبانحال حضرت فاطمه زهرا (س)
..
..
..
#سبک_دل_شب_ایلیوب_سفر … (4 سبک سینه و زنجیر)
سبکهای مشابه دیگر (با اضافه کردن واگیر) #سبک_الهی_دفن_ایدیم_نجه … #سبک_الهی_غملی_کوفه_نون … #سبک_تا_مشکتو_تو_آب_زدی … #سبک_حسین_دوشوبدی_مقتله …
..
..
..
حاج یحیی فغانی تبریزی
..
..
..
..
آچون عم اوغلومون قولون دوزنمورم وفالییم
آپارمیون دالینجا من گلنمورم یارالییم
..
..
..
..
توکولموسوز گول اوستونه گلی چمندن آلماقا
قصاص بدر و خیبری شه زمندن آلماقا
ویرا ویرا بو خسته نی علینی مندن آلماقا
محالدور که ال چکم اگر چه من یارالییم
..
..
..
..
خزان یتنده گلشنه یتیشدی جان دوداقیمه
پوزولدی غنچه صدمه لر یتیشدی قول بوداقیمه
عم اوغلوم آز قالوبدی کیم دچار اولا فراقیمه
آچوبدی قنفذ ال منه یخلموشام یارالییم
..
..
..
..
آتام وفاتینه گوره قورولدی ایوده انجمن
عزایه گلمه دوز اودور گلوب نوایه بوالحسن
قاپی دویولدی من دئدیم بو یاسه اولما وار گلن
وروبدی ثانی تسلیت عجب منه عزالییم
..
..
..
..
علیدن اؤتری باشیمی بو گون بلایه سالموشام
قاپی دالیندا دردینی بو خسته جانه آلموشام
گلینجه فضّه دادیمه بیر اوزگه حاله قالموشام
نلر گلوبدی باشیمه دیمم نچون حیالییم
..
..
..
..
سوزوم نه بو یانان قاپی نه بو سنان گهرده دی
نه محسنوم نه قوللاریم نه اوز حالیم نظرده دی
عم اوغلوم احترامی چون بو شهرده خطرده دی
یاخندی غصّه مرگ اولام که قلبیدن یارالییم
..
..
..
..
یاخندی جان ویروب ئولم فشار روزگاردن
فلک ولیّ ذوالمنی سالوبدی اعتباردن
گلوبله بیعت آلماقا بو غملی شهریاردن
بو بیعت اوسته اود دوتوب قاپوم یانار بلالییم
..
..
..
..
ابوترابین اللرین ابو قحافه باغلیوب
جفا ایدوب عیالینه دل علینی داغلیوب
او ساعت اولمیه علی او کان صبر آغلیوب
اؤزوم فدای گوز یاشی او چشمۀ زلالییم
..
..
..
..
علی یوزونده من نئجه گوروم سینخلوق ایخدا
یاخندی روح فاطمه بو جسمدن اولا جدا
شهنشه ولا هارا بو شال و بو رسن هارا
بو بهت و حیرت ایچره من تعجّبم خیالییم
..
..
..
..
بو مسجده ایچره اهل کین کسوبله چاره مین یولون
قلجلار الده حیدرین کسوبله ساقیلن صولون
باخور بالالارین گلون آچون عم اوغلومون قولون
باشیندا یوخ عمامه سی بو غصّه دن نوالییم
..
..
..
..
دایان بو یرده سوز داخی « فغانی» یازما ختم ایله
دوشوبدی تنگه قافیه اگر چه اود ورار دیله
ایدوبله اوزلری نظر بو نوحه آدلی نسگیله
آچون عم اوغلومون قولون دوزنمورم وفالییم
..
..
..
#فاطمیه #فغانی_تبریزی #فاطمیه_شهادت #ترکی #زبدةالاشعار
02 فاطمیهترکیحسن رسالورراقم اردبیلیشاکر اردبیلیشعاعی اردبیلیضیائی اردبیلیعندلیب اردبیلیفغانی تبریزیقدسی قفقازیمبکی اردبیلیمحمد سیمزاری
نظر دهید