توسل به حضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
محمدرضامحمدی(ناعم)
.
.
ای آدی هر درده دوا یا حسین
وی شرف آل عبا یا حسین
منبع احسان و سخا یا حسین
درگهی درگاه عطا یا حسین
سسلیروک صبح و مسا یا حسین
قارداشین عبّاس فدا یا حسین
.
.
ایله نظر درد فراوانه باخ
غصّه سالوبدور بیزی حرمانه باخ
دلده اولان آتش سوزانه باخ
شیعه نی درده سالان هجرانه باخ
قسمت ائله کرب و بلا یاحسین
قارداشین عبّاسه فدا یاحسین
.
.
گلدی بلا غرق ائلدی عالمی
وئردی بنی آدمه درد و غمی
دللره یایدی محن و ماتمی
ای آدی هر درد وغمون مرهمی
لطف ائله گئتسون کرونا یاحسین
قارداشین عبّاسه فدا یاحسین
.
.
سن آقا جان خلقته پیرایه سن
مکتب حرّیته سرمایه سن
گاه خود نور گهی سایه سن
کیمله دیوم دهریده همپایه سن
یوخ سنه همتا ابدا یا حسین
قارداشین عبّاسه فدا یا حسین
.
.
قلبیمیزی چوخلاری ایستیر سیخا
قلعۀ مستحکم دینی ییخا
نقشه چکور سینه دن عشقون چیخا
کیمدی سنون پرچمووه چپ باخا
ایلیروک خصمی فنا یا حسین
قارداشین عبّاسه فدا یا حسین
.
.
بیز سود امندن دئمیشوک یا علی
نطقه گلندن دئمیشوک یا علی
قوت ییندن دئمیشوک یا علی
بیر آقا سندن دئمیشوک یا علی
دهریده سنسیز نه صفا یاحسین
قارداشین عبّاسه فدا یا حسین
.
.
بیز آقاجان عشقه ریا قاتماروخ
آندا اولا زهرایه سنی آتماروخ
عشقووی بیر داغ قیزیلا ساتماروخ
آغلامینجا گجه لر یاتماروخ
گوزیاشیدور روحه جلا یاحسین
قارداشین عبّاسه فدا یا حسین
.
.
شیعه گرک دائمی پرشور اولا
کبر و منیّتدن اوزی دور اولا
آغلیا تا قلبی دولی نور اولا
بوردا غمین،حشریده مسرور اولا
فخر ائلیه روز جزا یاحسین
قارداشین عبّاسه فدا یاحسین
.
.
مهدی آقام سرور نیکو سیَر
بو سوزی فرمایش ائدوب دیده تر
ماه محرم اولارام خونجگر
غم اوخی بو قلبیمی دائم بُولر
ایلیرم آه و نوا یا حسین
قارداشین عبّاسه فدا یاحسین
.
.
من غمووه صبح و مسا آغلارام
ایلیرم آه و نوا آغلارام
تک قورارام بزم عزا آغلارام
گوز یاشیم حتی قوتارا آغلارام
غصّه لی گوزدن قان آخا یاحسین
قارداشین عبّاسه فدا یاحسین
.
.
گوز سوزی گلدی دلیمی داغلادی
شعریده چاره یولومی باغلاری
داده گلوبدور قلمیم آغلادی
چیخدی گریزه جگریم داغلادی
حقی اولار شعرین ادا یا حسین
قارداشین عبّاسه فدا یا حسین
.
.
گوز سوزی هر بزمیده آرام آلار
گوز سوزی هر بیر اوره گه اوت قالار
گوز سوزی والله اوره گی پاچلار
گوز سوزی عبّاسوی یاده سالار
اولدی گوزی توش اوخا یاحسبن
قارداشین عبّاسه فدا یا حسین
.
.
اوخ که دگوب دیدۀ شهلا سینه
قان سوزلوب صورت زیبا سینه
بیر نظرائت دشمنین ایذاسینه
آغلادی زهرا او گل یاسینه
اولدی آنون نوحه سرا یا حسین
قارداشین عبّاسه فدا یاحسین
.
.
باخدی ملکلر او گلِ آفاقا
چکدی دیزیلن اوخی گوزدن آقا
ایلمدی شکوه داخی مطلقا
اولدی اولان ،دوشدی اودم تپراقا
یاندی دل اهل سما یا حسین
قارداشین عبّاسه فدا یا حسین
.
.
نه سویی قالمیشدی، نه سالم قولی
بیر گوزی یوخ بیرگوزی قاندان دولی
وا اسفا گورمدی ساق و صولی
کرب و بلا شیری ایتیردی یولی
قالمادی جسمینده قوا یاحسین
قارداشین عبّاسه فدایاحسین
.
.
لشکر کفار ائلدی هلهله
داشدی یاغیر باشینه بی فاصله
نوبه چاتوبدور او زمان نوفله
گلدی عمود آهنیله مقتله
ایندی گرک باش یاریلایاحسین
قارداشین عبّاسه فدا یاحسین
.
.
آهن عمودی ائله کی قوزادی
فاطمه جنتده گوزین باغلادی
شیر خدا یاندی ،جگر داغلادی
دیسگینب اصغر یوخدان آغلادی
باش یاریلب گلدی ندا یا حسین
قارداشین عبّاسه فدا یا حسین
.
.
دولدی نوائلین او دم علقمه
آلدی دیزی اوسته باشین فاطمه
سسلدی آی غملی بالام غم یئمه
منله دانیش اوزگیه دردون دئمه
قوردی خانیم بزم عزایاحسین
قارداشین عبّاسه فدا یا حسین
.
.
همدموم ایندی سنون جان بالا
من سنه یانّام، منه سن یان بالا
آغلاما، گوزلردن آخور قان بالا
یاره لی زهرا سنه قربان بالا
منظریه باخ عجبا یا حسین
قارداشین عبّاسه فدا یا حسین
.
.
سسلدی زهرا دِلی غمدن دولی
آغلاما ای دینه فدا صاق سولی
آغلاما ای عشقینه قربان قولی
حقه طرفدار اولانا، ظلم اولی
منده بالا بیرگون ایتیردیم یولی
کوچه غمی دوشدی یادا یا حسین
قارداشین عبّاسه فدا یا حسین
.
.
#عباسیه_محمدی_ناعم
#حسینیه_مدح #عباسیه_شهادت
#ای_آدی_هر_درده_دوا_یاحسین #یاحسین
#ترکی
✍️ #زبدةالاشعار ✍️
.
🆔: @nohe_torki
نظر دهید