راه شام زبانحال حضرت زینب(س)
..
..
جوانی تبریزی
..
..
رحم ائله آهسته گئت ای ساربان
قالدی یولدا دخترشیرین زبان
اشگ دیدم اولدی قان
ساربان گیتمه دایان
..
..
ساخلا بیردم کاروانی عمه سی
آختاروب تاپوسون اوزیبانورسی
بلمورم هارداقالوب گلمورسسی
سسلورم سس وئرموراول دُر گران
اشگ دیدم اولدی قان
ساربان گیتمه دایان
..
..
خوفلی صحرا قرانلوق منظره
آرتیراروحشت سراسر دللره
نیلراوچ سینیده قیزبوغملره
واریری ایتسون نوائیله فغان
اشگ دیدم اولدی قان
ساربان گیتمه دایان
..
..
قالدی بحرغمده طوفاندا بالام
تکدی ایمدی بوبیاباندا بالام
واریقینیم آغلور الاندا بلام
آختارور غملی قطاری ناگران
اشگ دیدم اولدی قان
ساربان گیتمه دایان
..
..
باغلانوبدورقیدظلمیله قولی
آختاروربوچولده صاقیله صولی
تاپموری اوُل نازدانه قیزیولی
داده سسلورهارداسان گل عمه جان
اشگ دیدم اولدی قان
ساربان گیتمه دایان
..
..
بودل شبده ائدرناله حزین
دودآهیندن یانارعرش برین
غملی رخساره توکر اشگ ترین
قطره قطره ژاله مثلی بی امان
اشگ دیدم اولدی قان
ساربان گیتمه دایان
..
..
روزعاشوراده شاه مشرقین
زینب غمدیدیه نور دوعین
تاپشوربدوربوقیزی مظلوم حسین
ساخلیام گوزمنزلینده هرزمان
اشگ دیدم اولدی قان
ساربان گیتمه دایان
..
..
ابرغم سایه سالوبدورباشیمه
رحم ائله باری آخان گوزیاشیمه
بو بالا استکلیدورقارداشیمه
کربلا زهراسیدور روحه روان
اشگ دیدم اولدی قان
ساربان گیتمه دایان
..
..
باخ اوشیرین دیل قیزین اقبالینه
خط بطلان چکدیلر آمالینه
جنت اهلی آغلیار احوالینه
سینه چاک ایلرغمینده قدسیان
اشگ دیدم اولدی قان
ساربان گیتمه دایان
..
..
بیریتیمه قیزدی رنجوربلا
ئولدورب قارداشلارین اهل جفا
عزتین الدن آلوبدور اشقیا
یاندورب ظلمیله قلبین کوفیان
اشگ دیدم اولدی قان
ساربان گیتمه دایان
..
..
سسله امداده(جوانی)زینبی
عاجزانه عرض ائله بومطلبی
آلماسین سندن بوعالی منصبی
نوکرآل الله اول فخرایت عیان
اشگ دیدم اولدی قان
ساربان گیتمه دایان
..
..
#راه_شام #جوانی_تبریزی #ترکی #زبدةالاشعار
نظر دهید