رمضانیه
.
✍️ زبدة الاشعار ✍️
.
🆔: @nohe_torki
.
قیزیل قلم ( تضمین، ملا محمد فضولی غزلینه )
.
اؤن بیرآی سسله میشم صدقیله یاحق یاهو
شوقِ وصلونله ووْروب قُمریِ جانیم کوکو
گؤزیاشیم صورتِ گلناره اولوب آبِ وضو
چیخدی شعبان آیی گؤرسندی هلالِ مَهِ نو
«رمضان اولدوچکیب شاهدِمئ پرده یه رو
مئ ایچون چنگ توتوب تعزیه آچدی گیسو»
.
.
گؤرسنیرگؤزلره بیرده رمضان اِعجازی
آزقالیب عاشق ومعشوقون آچیلسین رازی
جان گلیب رقصه،سماع ائتمه دی هئچ آوازی
مئ طلب قیل کی گؤزل ساقی چوخ ائیلرآزی
«بیلدی مطرب کی نه دیر حال گؤتوردوسازی
بزم دن چکدی اَیاغینی صُراحیّ و سبو»
.
.
قورولوب بزم ضیافت چوخالیروَجدوشَعَف
درِمیخانه ده اصحابِ وفا باغلادی صَف
ساقی لراَلده قَدَح چرخ ووروربیردی هَدف
باشلانیب رقص وسماع یوخدو داخی جایِ اَسَف
«بزم قانونی پوزولدو نه ایچون چنگ ایله دَف؟
ییغیشیب ائتمه یه لرحاکم ائشیگین ده غُلُو»
.
.
باغلی قالمازاؤن ایکی آی بیزه رحمت قاپی سی
هرکیمه ایسته سه مفتوح دی قسمت قاپی سی
خادمِ جمع آچار اُمّته خدمت قاپی سی
فَـتَـحَـیَّواْ آچیلیب فیض و کرامت قاپی سی
«رمضان آیی گرک آچیلا رحمت قاپی سی
نه رواکیم اولا میخانه قاپی سی باغلو»
.
.
ختمِ اَنعام توتوم یوخساآلیم فاتحه لر
اوخویوم شیشه ی جان ایچره سالیم فاتحه لر
درِمیخانه ده افطاره قالیم فاتحه لر
فیضِ افطاری اوباشدانه چالیم فاتحه لر
«فتحِ میخانه ایچون اوخویالیم فاتحه لر
اولاکیم اوزوموزه آچیلابیرباغلی قاپو»
.
.
عارفه لازم وشایسته دی هردَم ده خضوع
عابده لحظه ی افطار گؤزلدیرآچا جوع
عاشقه واجب وبایسته دی عشقینده خشوع
زاهدین عادتیدیرزهدین ائده رَفع ورجوع
«آفتابِ قَدح ائتمزرمضان آیی طلوع
نه بلادیربیزه یارب نه قراگون دوربو»
.
.
منتظردیرگؤزوم اُوْل شاهِ جهانین پایینا
قیمازالبته ده کی بیرکیمسه گؤزوندن یایینا
باخمازایستکلی لرین،رنگ ولِسان وسایینا
هوصداسین اوجالاندیرگؤیه پای آل هایینا
«انتظارِمئیِ گلگون ایله بایرام پایینا
باخه ـ باخه اَنَه جَک دیر گؤزوموزه قره سو»
.
.
عشقه باغلاندی رَگ ولَحمی فضولی نین کیم
واردی هرعصرده خوش فهمی فضولی نین کیم
گلدی«ستّاری یه ده»رحمی فضولی نین کیم
وار«قیزیل بیرقلمه»سهمی فضولی نین کیم
«رمضان اولدوبودوروَهمی«فضولی نین»کیم
نئچه گون ایچمه یه مئ زهدایله ناگه توتاخو»
.
.
.
.
.
#رمضانیه
#اون_بیر_آی_سسله_میشم_صدقیله_یاحق_یاهو
#رمضان_اولدو_چکیب_شاهد_مئ_پرده_یه_رو
#ترکی
.
✍️ #زبدةالاشعار ✍️
.
🆔: @nohe_torki
نظر دهید