اربعین
.
✍️ #زبدةالاشعار ✍️
.
🆔: @nohe_tork
.
#سبک_زینبم_جان_اوستیم … 4 سبک
مشابه
.
ابراهیم کاظمی
اربعینون گلدی مهمانی حسین آچ گوزلرون
خسته جانم سن آنام جانی حسین آچ گوزلرون
.
.
بیر به بیر سالم گتوردوم قیزلارون دور ائت شمار
بیر رقیّه ندن سوال ائتمه چون اولام شرمسار
سینه ن اوستونده علی اصغر ائشیتسه آغلیار
قوزانار اکبرله افغانی حسین آچ گوزلرون
.
.
قوی دیوم سندن کی آیریلدیم نه گلدی باشیمه
آغلیاندا مانع اولدی زجر دون گوز یاشیمه
باشیمی محملده یاردوم آخدی قان گوز قاشیمه
باشیوین گوردوم آخور قانی حسین آچ گوزلرون
.
.
دور ئوزون بیرگورحسین جان قیزلارون یورقون گلور
گوللرون پرپر اولوبلار یوزلری سولگون گلور
باخ ربابین اللری قونوندادور پوزقون گلور
وار سنه چوخ حرف پنهانی حسین آچ گوزلرون
.
.
فکر ائدردوم قبریوین اوستونده چوخ زائر اولار
دسته دسته شیعه لر بزم غمی دائر اولار
بولمدیم زائر عطییّلن فقط جابر اولار
خوار اولا بیر بیله دنیانی حسین آچ گوزلرون
.
.
سویله قارداش بس منیم رخشنده الماسیم هانی
قارداش اوغلوم قاسم عبدالله گل یاسیم هانی
زینبون ئولسون دوشن قوللاری عباسیم هانی
قویما سرگردان بو نالانی حسین آچ گوزلرون
.
.
کوفه اهلی دیللره قارداش حسین اوت سالدیلار
خارجی آد قویدولار بیزدن قراری آلدیلار
نیزه اوسته باشیوه داش ووردولار اَل چالدیلار
منده سالدیم آیری غوغانی حسین آچ گوزلرون
.
.
صبر ایوین یخدیم او دم منده دوروب ائتدیم قیام
لرزه سالدیم کوفیه حیدر کیمی وئردیم پیام
سویلدیم ابن زیاده شرم ایله ای بد مرام
ایلدوم رسوا من اعدانی حسین آچ گوزلرون
.
.
شامیده مجلسده دوردوم کفری رسوا ایلدوم
بی پدر ناکس یزیدین ذاتین افشا ایلدوم
نیزه اوستونده ئوزون گوردون نه غوغا ایلدوم
زنده ائتدیم آل طاهانی حسین آچ گوزلرون
.
.
خطبه ایراد ایلدوم ملعون ایتیردی سوزلرون
اَل چالانلار شرم ائدوب گیزلتدیلر تئز ئوزلرون
گوردوم اوندا نیزه نون اوستونده آچدون گوزلرون
باشلادین صوتیله قرآنی حسین آچ گوزلرون
.
.
شبلر اولدوم خیردا قیزلاره نگهبان یاتمادیم
کفری سیندیردیم حسین عشقین باشیمدان آتمادیم
حقّی اعلام ایلدوم من وقتی ارزان ساتمادیم
تنگه سالدیم آل سفیانی حسین آچ گوزلرون
.
.
قوی دیوم قارداش خرابه شامیده چکدوم نَلَر
خیردا قیزلارون نئجه قالمیشدیلار باشسیز مَلَر
هانسی قیز سندن سوال ایلوردی سویلوردوم گَلَر
محنتیم آغلاتدی جانانی حسین آچ گوزلرون
.
.
دور باجون الله رضاسی صلۀ ارحام ائله
گلدی یورقون کاروانون شامیدن اکرام ائله
غصه دن آز قالدی جان ویرسون رباب آرام ائله
شاد ائدر سن روح زهرانی حسین آچ گوزلرون
.
.
وار یقینیم کوسمه سن ، سن زینبیدن بی دلیل
وار گناهیم اولموشام دوزدی رقیّه ندن خجل
ایندی اما اولموشام ششگوشه قبرَن دخیل
گئچ گناهیمدن حَسَن جانی حسین آچ گوزلرون
.
.
گلماقا قارداش رقیّه بیزله مایل اولمادی
زینبون نازلی قیزان فکر ائتمه حایل اولمادی
بی رقیّه زائرون دوزدور که کامل اولمادی
عفو ائله بو قلب سوزانی حسین آچ گوزلرون
.
.
کاظمی قلبی حسین جان محنتیندن یاره دور
اولماسا بو دهریده عشقون سنون آواره دور
جان وئرنده باشی اوسته گلمه سن بیچاره دور
وار سنیلن بیله پیمانی حسین آچ گوزلرون
.
.
.
#اربعین_ابراهیم_کاظمی
#اربعینون_گلدی_مهمانی_حسین_آچ_گوزلرون
#ترکی
.
✍️ #زبدةالاشعار ✍️
.
🆔: @nohe_torki
نظر دهید