وداع حضرت امام حسین (ع)
.
✍️ #زبدةالاشعار ✍️
.
🆔: @nohe_torki
.
مرحوم منعم اردبیلی
.
اخیامیدن آیریلدی زهرانون او دلبندی
بیر خیرداجا قیز قاشدی دالدان بابا سسلندی
.
.
ای قلبیمون آرامی، گور دیده ترم بابا
بیکس بالووام گوزدن قان یاش الرم بابا
گئتمه سو آدین والله ، بیرده دیمرم بابا
هی سسلدی جان بابا، قوللارین آچیب قاشدی
گلدی او کفن گئیمیش سلطانه یاخونلاشدی
.
.
راکب بویانوب قانه ، مرکبده آچوب شهپر
سرعتله گیدور باشدا ، وار شوق علی اکبر
بیر سس ایشیدوب سالدی، کشتی خدا لنگر
دوندی دالا بیر باخدی، یاشیله دولوب گوزلر
گل آغلاما جان بالا ، مندن صورا آغلارسان
باشسیز بدنیم گورسون میداندا قوجاقلارسان
گلدون نیه بس گلدون اولما بالا عطشانسان
.
.
سو یوخ بابا دردیم وار، چیخمیش عطشیم یاددان
آیا ندی؟ بس دردون ده باغریمی ائتدون قان
عرض ایلمرم بابا تا دوشمه میسن آتدان
شاهین اتگین دوتدی عرض ائتدی یانایانه
گوز یاشلی قویوب گئتمه، رحم ائت من نالانه
.
.
دوشدی آلوب آغوشه اوپدی قوری لبلردن
بو اوپدی او القانی ، پاک ایلدی پیکردن
بیر سوز دئدی یاش توکدی کیپریک سانی گوزلردن
یاندیم بابا جان یاندیم، ای وای بو بلالردن
گئتسون منی دشمنلر یالقوز گورجئک بابا
وای قمچی‌لر آلتیندا شمر اولدورجک بابا
.
.
دردین دیوب آغلاردی اول قانلی کفن پوشه
شاهون غمی دریا تک موج ائتدی گلوب جوشه
توپراق ایده اگلشدی محکم باسوب آغوشه
ناگه یومولوب گوزلر، دینجلدی گیدوب هوشه
بیردن دوروب عرض ائتدی، دردون آلارام بابا
مانع دگولم واللاه ، گئت آغلامارام بابا
.
.
الدن منی قویموردون ای دردی اولان دریا
ایندی دیوسن دور گئت نه اولدی سبب بابا
عرض ایلدی اینجیتدیم عفو ایله منی بابا
الان یوخودا گوردوم گلمیشدی آنام زهرا
امر ایلدی اینجیتمه مهمانیمی قوی گلسون
آغلاتما یول اوستونده جانانیمی قوی گلسون
.
.
#حسینیه_وداع #وداع
#اخیامیدن_آیریلدی_زهرانون_او_دلبندی
#ترکی
.
✍️ #زبدةالاشعار ✍️
.
🆔: @nohe_torki
نظر دهید