زبدةالاشعار

السّلام ای بانوی صحرای محشر فاطمه #فاطمیه_بیدقداری

مدح و شهادت حضرت زهرا (س)
.
✍️ زبدة الاشعار ✍️
.
🆔: @nohe_torki
.
حاج داود #بیدقداری
.
السّلام ای بانوی صحرای محشر فاطمه
السّلام ای باعث خلق پیامبر فاطمه (1)
.
السّلام ای معنی قاموس عشق جاودان
السّلام ای نور پاکی ، تاج نور آسمان
.
السّلام ای راز هستی معنی الله و نور
السّلام ای گرد راهی توتیای چشم حور
.
مومنون و قدر و یا و سین و معنای یقین
گوهر بهر عفاف و یاور حبلُ المتین
.
روح خاتم نوح عالم وجه اللهُ الصَّمد
آدلانان محبوبه ی ذات خداوند احد
.
بسکه وار قرب و جلالی محضر داداریده
نورینی اول یاراتدی گنبد دَوّاریده
.
اهل یثرب حیف اولا قدر وجلالین بیلمدی
قالدی بیر حاله وطنده کیمسه حالین بیلمدی
.
بی وفالر رشته ی عهد و وفانی قیردیلار
جبرئیل اذن ایستین درگاهینه اود ووردیلار
.
گویده عرش اعظمه زینتدی نام فاطمه
یرده اما درگهین یاندیردیلار بی واهمه
.
گر دئسم بیجا دگل اهل سما آغلوردیلار
یرده اما حیدرین قوللارینی باغلوردیلار
.
گویده تسبیح ملک دور نام پاکی حیدرین
یرده قنفذ تازیانِیلن ووروردی دلبرین
.
گویده حسرتدور ئوپه حیدر قدومیندن ملک
یرده اما فاتح خیبر قالوبدور بی کمک
.
گویده آغلوللار گورنده حیدرین احوالینی
یرده اما بوینونا امت سالوبدور شالینی
.
شالی بوینوندا یتوبدور مسجده جان جهان
مردی نامرده گرفتار ایلیوب دور زمان
.
پرده نین ناگه دالیندان گلدی واویلا سسی
مسجدی شوره گتیردی حضرت زهرا سسی
.
قیلدی فرمایش که من دردانه ی پیغمبرم
جانفدای ایده و مَشیُ و مرام حیدرم
.
بوهمان حیدردی خیبرده قیامت ایلدی
غیرتندن سیزلری دارای غیرت ایلدی
.
گوردی بو سوزلر اثر قویمور صفاسیز دللره
بیر ولایت عشقینه ال آتدی باشدا معجره
.
معجری قالخیزمامیش قوزاندی سقفی مسجدین
صبره دعوت ایلدی زهرانی تئز حبل المتین
.
بیلمیرم نه صبر واردور بو علیده ای خدا
قوللاری باغلاندی اما دینمدی وقت بلا
.
بیرزمان گلدی بولود مثلی دولوب چشم علی
اونداکی ظلمیله سینمش سینیه دگدی الی
.
طاقتین وئردی الیندن شیر داور آغلادی
کوینگین اوستن الین چکدی مکرر آغلادی
.
سسلدی یافاطمه یاندیردی بو هجران منی
سالدی گرداب غمه سیندردی بو توفان منی
.
گوزلریم بوندانصورا آغلار قالار یا فاطمه
قلبیمه دنیا غم اوستن غم قالار یا فاطمه (2)
ـــــــــــــــــــــــــ
(1)«یا أَحْمَدُ! لَوْلاک لَما خَلَقْتُ الْأَفْلاک، وَ لَوْلا عَلِىٌّ لَما خَلَقْتُک، وَ لَوْلا فاطِمَةُ لَما خَلَقْتُکما»
(2)قالار =به معنی قالاماق ، روی هم ریختن
.
.
#فاطمیه_مدح
#فاطمیه_شهادت
#السلام_ای_بانوی_صحرای_محشر_فاطمه
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای سایه لی سرویم سنی کیم سالدی ایاقدان #عباسیه_حسین_ساکت

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی