زبدةالاشعار

الهی وصلون عشقینده همیشه بی قرار اولدوم #حیدریه_هدایت_تبریزی

راز و نیاز حضرت علی علیه السلام با حضرت رب الارباب
.
✍️ #زبدةالاشعار ✍️
.
🆔: @nohe_torki
.
#سبک_علی_اصغر_مه_انور
(بیش از 7 سبک شامل سبک های منیم ای تشنه قربانیم … حسین تعجیلیلن گئتمه … بزن بر سینه و بر سر … )
مشابه
.
محمد هدایتی تبریزی
.
الهی وصلون عشقنده همیشه بی قرار اولدوم
سنه شکر ایلورم قانه بویاندیم رستگار اولدوم
.
.
آدین ورد زبان اولدی حساب عشق باز ایتدیم
آلشدیم شعلهء عشقه ئورکدن سوز و ساز ایتدیم
قیروب بیگانه دن سنله گلوب راز و نیاز ایتدیم
هزاران شکر اولا پایان خوش اولدی پایدار اولدوم
.
.
سنی دوتدوم نظرده هر عملده غیره نی آتدیم
گیچوب جاندان پیمبر بسترینده عشقیله یاتدیم
شهادت آرزیلاردیم حمد اولا ئوز آرزیما چاتدیم
فنا اولدوم سنون عشقنده یا رب ماندگار اولدوم
.
.
ئوزون شاهد سن عشقنده نه لر ویردیم نه لر آلدیم
غذامی سائله ویردیم سنین عشقنده آج قالدیم
گذشته عادتیم اولدی رضا ملکنده یول سالدیم
مقام ارتضا حاصل اولوندی کامکار اولدوم
.
.
فیوضات عبادتدن فیوض و بهرمند اولدوم
سنه باش اندیروب سجده گتوردوم سر بلند اولدوم
بویاندیم قانیمه محراب ایچنده دل پسند اولدوم
سنه ساری قدم گوتدوم یولومدا استوار اولدوم
.
.
رضا اولدوم سنه خاطر نقدری ابتلا گلدی
محبت ایلدیم محنت نصیب اولدی بلا گلدی
سنین عشقنده تاب ایتدیم یارا اوستن یارا گلدی
یارا گوردوم خوش اولدوم که مطیع امر یار اولدوم
.
.
سن آگه سن دل شبده دعاده چوخ صفا گوردوم
کچیلدیم سجده حالنده مقام اعتلا گوردوم
بو سوزان قلبیمه سنله دانشماخدا دوا گوردوم
جهانی نیلورم شادم سنیله سازگار اولدوم
.
.
منه جنت نه لازم که وصالون باشدی جنتدن
شراب عشقیله مستم قوتاردیم درد و محنتدن
سنین وصلین منه بسدور تمام ناز و نعمتدن
خوشام یوز قبله ده وصلت شرابیله خمار اولدوم
.
.
بو یاره تاج وصلت دور باشمدا ، باش سنوب سنسین
آخوب قان رنگ عشق آلمش ، جبین ،گوز ، قاش سنوب سنسین
شهادت جامی میل ایتدیم اولوم بشاش سنوب سنسین
سنوب باش لایق وصل نگار گردگار اولدوم
.
.
طلاقین ویردیم اوچ دفعه بو دار پست و ولگردین
وفاسیز دور یامان گونده اولار حامی سی نامردین
ایاقندن چکر یخسین مزلت تپراقا مردین
جهانه پشت پا ووردوم شهیر و نامدار اولدوم
.
.
دریغا عاقل آللانسین جهاندا تخت و اورنگه
دریغا حددن چخسین نقدری دوشسه ده تنگه
علی عمرونده نفسیله گجه گوندوز چخوب جنگه
جهاد اکبری باشه یتوردوم بر قرار اولدوم
.
.
حراموندان اوزاق گزدیم حلاله ایلدیم رغبت
تناول ایلدیم تاپسین عباداته بدن قدرت
تلاشیم اولدی خیر ایشده جماعتدن دوتام سبقت
دوتوب سبقت قرین اعتبار و افتخار اولدوم
.
.
بو فخریمدور که عبد اولدوم سنه ای خالق رحمان
نظرده جلوه لندین سن چخارتدیم نفسمی یاددان
بو وسعتده جهان اولدی علینون نفسینه زندان
مرید عشق اولوب نفسه مسلط آزگار اولدوم
.
.
اولوالامر عنوانین ویردین قرین امتیاز ایتدین
بو کمتر بنده وی لطف و کرمدن اعتزاز ایتدین
سنه هر دمده شکرم وار علینی سرفراز ایتدین
قالوب عاجز سنون شکرونده دائم شرمسار اولدوم
.
.
نگاریم ، سن غنی سن من فقیر مطلق و سائل
علینی عفو ایله سندن اولوب چوخ وقفه ده غافل
قبول ایت توبه می ایله منی ئوز لطفوه شامل
ویر عزت قدریمی آرتیر گوروم که باوقار اولدوم
.
.
شهادت شاملیم اولدی بحمدلله سعید اولدوم
نماز اوسته پیام وصلی اخذ ایتدیم شهید اولدوم
آخوب محرابه آلقانیم قاپوندا رو سفید اولدوم
یوزوم رنگین اولوب قاندان نگاریم گلعذار اولدوم
.
.
سن اول راضی بالالاریم شکسته دل قالور قالسین
چکوب سس گویده جبرائیل فغان عرشه سالور سالسین
یارانین زحمتی ، جسمیم قرار و طاقتین آلسین
خوشام باشیم یاریلدی لایق وصل نگار اولدوم
.
.
نیه سن راضی سن قلباً اونا منده رضایت وار
شهادت فیض عظمادور چاتوب هر کس لیاقت وار
خبردارم بو خواهشده نه مدتدور ( هدایت) وار
شهادت فیضینه چاتدیر دیسین که رستگار اولدوم
.
.
#حیدریه_شهادت
#الهی_وصلون_عشقنده_همیشه_بی_قرار_اولدوم
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  دام هوس و نفسه گرفتارم الهی #مناجات #بابک_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی