دعای اختتامیه مجالس
.
.
مرحوم حاج قدرت اله نادری
.
.
الهی کرب و بلا ماجراسی حرمتینه
حسین تشنه لبون کربلاسی حرمتینه
.
.
بیزی همیشه حسینیله ایتگلن مشغول
حقیر تعزیه نی،لطف ئوزیله ایله قبول
قیامتین گونی قویما اولا، بو جمعی ملول
وزیر کرب و بلانین وفاسی حرمتینه
اونون او قانه بلشمش لواسی حرمتینه
.
.
توسُّلاتی قبول ایله ای خدای غفور
مراد و مطلبنی ویرمگیله ائت مسرور
بیزی حسینله محشرده ایتگلن محشور
حسین تشنه لبون ئوز بالاسی حرمتینه
علیِّ اکبرِ گلگون قباسی حرمتینه
.
.
نقدر دردی اولان وار، اونا دوا ایله
تمام قرضدارین قرضنی ادا ایله
مریض اونلارا الله، ئوزون شفا ایله
مریض کرب و بلانین دعاسی حرمتینه
امام ساجد زین العباسی حرمتینه
.
.
دوشنده مشگله ایشلر، بیزه سن ایله علاج
محمّد امّتنی، ایتمه ظالمه محتاج
بیزی بلا اوخونا، قویماسن اولاق آماج
ربابِ خونجگرین آه واسی حرمتینه
علیِّ اصغرینین اوخ یاراسی حرمتینه
.
.
الهی بوردا اولان، دردمندلر غمنه
حسین مصیبتنه، پای بندلر غمنه
دوشن کمند حسینه، حسینچیلر غمینه
جناب زینبون اول وا اخاسی حرمتینه
او باغلی قولاری یدّی قراسی حرمتینه
.
.
بیزی بو پیچ و خم روزگاره، سالماگلان
جهاندا ذلّته، عقباده ناره، سالماگلان
همین حسین علیدن، کناره سالماگلان
رقیّه نسگلی، خردا بالاسی حرمتینه
خرابه شامده کهنه لباسی حرمتینه
.
.
نجیب شخصدی بانی، الهی قیل احسان
نه دردی اولسا ئوزون، ایله دردینه درمان
حسین عاشقیدور ویر حسینوه مهمان
او ساربان کسن اللر جفاسی حرمتینه
تنور خولیده خیرالنّساسی حرمتینه
.
.
حسین صداسی گلن ایولری، سن آباد ائت
حسینچیلر ئورگین، ای خدا ئوزون شاد ائت
پیمبر امّتینی، درد و غمدن آزاد ائت
جناب فاطمه نون مجتباسی حرمتینه
جوان او قاسم نوکدخداسی حرمتینه
.
.
الهی قویما یته رخنه دین و ایمانه
ئوزون توجه ایله، جمله اهل قرآنه
الهی مرحمت ائت سن بو ملک ایرانه
رسول امجدیوین مرتضاسی حرمتینه
باشندا شیر خدانون یاراسی حرمتینه
.
.
#مناجات
#دعای_اختتامیه
#الهی_کرب_و_بلا_ماجراسی_حرمتینه
#نادری
#ترکی
#زبدةالاشعار
نظر دهید