زبدةالاشعار

اهلِ یثرب بو نه سس دیر کویِ جانان دان گلور #فاطمیه_قیزیل_قلم

«شهادت حضرت زهرا سلام الله علیها»

.
✍️ #زبدةالاشعار ✍️
.
🆔: @nohe_torki
.
اکبر ستاری
.
اهلِ یثرب بو نه سس دیر کویِ جانان دان گلور
نالۀ زهرادی شاید بیت الاحزان دان گلور
.
.
تَرک ائدیب دنیانی پیغمبر یتیم اولدی بتول
مرتضی عزلت نشین قالدی خانم زهرا ملول
چوخ جفالر گؤردی بو دنیاده دلبند رسول
نکته لر باریک؛سؤزلر هانسی عنوان دان گلور؟
.
.
آغلادی زهرا گئجه گوندوز رسولِ اکرمه
قونشولار شِکویٰ ائدیب هردن ولیّ اعظمه
یا علی آرامشی سلب ائیله ییب دیر فاطمه
آغلییان ساعت ده زهرا ناله هریاندان گلور
.
.
سن بویور زهرایه آخشام یا کی گوندوز آغلاسین
قؤیما هر صبح و مسا قلبِ جهانی داغلاسین
بوندان آرتیق خوش دگول اَشکین عذاره باغلاسین
آغلییور زهرا حزین سس روح و وجدان دان گلور
.
.
حرمتِ زهرایه خاطر شهریارِ انس و جان
بیر آغاج اَکدی کنارِ شهرده اُول باغری قان
بلکه زهرا اگلَشن ساعت ده اولسون سایه بان
بیت الاحزان صحبتی فکر ائتمه آسان دان گلور
.
.
فاطمه بیت الحزن ده آغلییان گون دن دئیوم
قلبینی حق اوسته دشمن داغلییان گون دن دئیوم
گؤزیاشین هردم عذاره باغلییان گون دن دئیوم
دخترِ پیغمبره ایذا مسلمان دان گلور!
.
.
اعتراض عنوانی اولدی دودمانین دن کنار
حقی نی انکار ائدن لر ائتمسینلر افتخار
بیت الاحزان دان شعارِ حقی ائتدی آشکار
نالۀ مظلومه غوغا ائیله ییب جان دان گلور
.
.
اُول مسلمانلار کی ائتمیشدی نفاقه اتّفاق
اتّفاق ایله ائدیب شورا عیان اولدی نفاق
شیخ بی ایمان نفاق اوسته سالیب دیر افتراق
لعن حق اهل نفاقه متن قرآن دان گلور
.
.
باخ همان شوراچیلار دین اوسته شورا قوردولار
شهر یثرب ده خانم زهرایه سیلی ووردولار
بدعت اولدی خیمه گاهِ زینبی یاندیردیلار
نالۀ واغربتا قانلی بیابان دان گلور
.
.
احتجاج ایلن خانم آلدی فدک اسنادینی
ثبت ائدیب تاریخ عالی خطبه نین اعدادینی
اَلده مدرک منزله ساری سالیب فریادینی
گوهر اهل کساء کانون بحران دان گلور
.
.
ظالم اوّل او گون کی کسدی زهرانین یولون
سدّ راه اولدی کسیب دلبند طاهانین یولون
هیکل نحسی دوتوب هم کفّوّ مولانین یولون
گؤردی کی ناجیّ امّت بطنِ طوفان دان گلور
.
.
بیر سؤال ائتدی خانیم دان شیخِ نادیده ادب
خیر اولا یا فاطمه خوشحالسن یاللعجب!
گؤردی زهرانین الینده مدرکی دوتدی غضب
وئر دئدی امضا ائدیم چون حکم فرمان دان گلور
.
.
سدّ راه اولما دئدی خاتون محشر؛ثانیه!
گئچ کناره اَمر ائدیب دخت پیمبر ثانیه
وار نه علت هئچ اثر ائتمیردی سؤزلر ثانیه
چون کی ملعون زاده یه دستور شیطان دان گلور
.
.
قوللارین آچدی دوتوب دور کوچه نین ساق و صولون
چون ایتیرمیشدی او بی انصاف انصافین یولون
دختر پیغمبره آچدی او بی ایمان قولون
ناله دی؛نفرین؛او نامرده هر انسان دان گلور
.
.
بیر سؤزوم وار نیسگیل اولسون جمله آلِ یاسینه
نیش سوزن دیر بو ضربت شیعه لر احساسینه
دگدی زهرانین نئجه سیلی رخِ زیباسینه
بانگ وا مظلومه زهرا دیل دئیور جان دان گلور
.
.
بیر نجیب عورت آغیر اَل آه یابن العسکری
کاش او ساعت ده اولئیدی شَل او ملعون اللری
ووردی بیر سیلی کی زهرانین قارالدی گؤزلری
سؤزدی کی نوکِ قلم ده سینه سوزان دان گلور
.
.
دوشدو تپراقه خانم دنیا دولاندی باشینه
بستر اولدو کوچه نین تپراقلاری گؤز یاشینه
شیشۀ عمری او ساعت دگدی هجرت داشینه
غملی احساسات شیعه چشم گریان دان گلور
.
.
ضربت سیلی ایله وئردی تازیانه اَل اَله
هر ایکی ضربت سالیب عرش ایله فرشه ولوله
بیلمیرم علت نه دیر واضح دئییلمیر مسئله
اَل یوزون ده فاطمه کانون بحران دان گلور
.
.
#فاطمیه_قیزیل_قلم
#فاطمیه_شهادت
#اهل_یثرب_بو_نه_سس_دیر_کوی_جانان_دان_گلور
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  اولسون سلام غم سوروسوندن قالان قیزا #حضرت_رقیه_ساعد_زنجانی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی