هجرت اهلبیت از مدینه
زبانحال امام به حضرت زینب(س)
.
.
.
مرحوم میرزا عبدالوهاب حقیرخویی
.
#سبک_یارالی_جان_یارالی … 4 سبک ( #سبک_کربلا_منتظر_ماست … #سبک_شهریاریمسن_آقا … )
.
.
اهل کوفه منی قویمازلا بو حالتده باجی
وطنیمده اولام آسوده فراغتده باجی
.
.
منی اؤز حالیمه قویمازلا باجی قوم لئام
ملک یثربده دوتام روضهٔ جدّیمده مقام
گجه گوندوز ائلیم موقف طاعتده قیام
صرف ائدم عمریمی اوقات زیارتده باجی
.
.
اؤزومه چون بولورم مَحرم اسرار سنی
رمزیله کشف ائدرم معنی حبّ الوطنی
بیر یره دشمن الیله آپارا دوست منی
که وطندور منه اول بقعه حقیقتده باجی
.
.
ای آنام نایبی اهل حرمه ایله خبر
گورون اوضاع تدارک یتیشوب وقت سفر
گئده جاق آل علی قالمیاجاق کیمسه مگر
بیر علیله قالاجاق بستر محنتده باجی
.
.
عهدنامه یازیلان عهدوه قدرت قلمی
نقش ائدوبدور آدیما عهد شهادت قلمی
سینه ده یازدیلا عالمده اولان درد و غمی
ثبت اولوبدور آدیمیز لوح محبتده باجی
.
.
بو سفرده بیزه اقسام مصیبت یتیشور
سالک مرحله ی عشقه چوخ آفت یتیشور
سنه ویرانه منه یاریه قسمت یتیشور
هره اؤز حقّینه مالکدی بو قسمتده باجی
.
.
کربلا تپراقی هرچند منه مدفن اولور
آلتی آی شامیده ویرانه سنه مسکن اولور
مطبخ خولی منیم نوریمیله روشن اولور
قالاسان شامیده سن منزل غربتده باجی
.
.
حلقیمه خنجر بیداد قویار شمر دغا
دولانور حلقه سنون بوینوا زنجیر جفا
ائدروق عهدیمیزه کوی محبتده وفا
سن اسیر اولماقا من عهد شهادتده باجی
.
.
اسرا سلسله سی جمع اولی وابسته سنه
شهدانین یارالی نعشلری بسدی منه
سن گینه آخری بیرگون قییدرسن وطنه
من سوسوز جان وئررم وادی غربتده باجی
.
.
مندن اوتری قوراجاق مجلس شاهانه یزید
سنه تعیین ائده جاق منزل ویرانه یزید
ووراجاق چوب جفا بو لب و دندانه یزید
سنیده ساخلیاجاق محفل عشرتده باجی
.
.
قولی باغلی آپارار شامه سنی لشگر کین
گوزوم‌اوستونده‌جداده گئدرم شامه کیمین
سن‌منیم‌حالیمه‌قان آغلا باجی منده سنین
سس‌اوجات ناله ده سن منده تلاوتده باجی
.
.
وار تمنّاسی«حقیرین» بولورم حاجتینی
باغلیوبدور بیزه بیر نوعیله اؤز نسبتینی
جان وئرن وقت مراعات ائله سن حالتینی
باشی اوستونده من اولّام دم رحلتده باجی
.
.
#خروج_مدینه
#حقیر_خویی
#اهل_کوفه_منی_قویمازلا_بوحالتده_باجی
#ترکی
.
.
متن های پیشنهادی برای شما
شکر اللها عشقیم منه یول گورسدن اولدی #عباسیه_مهدی_فعال
ولادت ذیسعادت قمر منیر بنی هاشم (علیه السلام) . . . #مهدی_فعال . . شکر اللها عشقیم منه یول گورسدن اولدی آل اللهه دیوانه لیغیم فطرتا اولدی . شیطان دئدی گل عاقل اول الله دیدی مجنون شکر اللها آخرده ده الله دین اولدی بیشتر
جهان غمیله دولوبدی جهانه رهبر ئولوب
سالروز رحلت حضرت امام خمینی (رحمت الله علیه) – 
زبدة الاشعار ?: @nohe_torki – حاج علی جعفری زنجانی . جهان غمیله دولوبدی جهانه رهبر ئولوب هامی قرا گیینوبدی مگر پیمبر ئولوب . یتیملر هاموسی غمگسارسیز قالدی امیداهلبیشتر
آغلیان گوگلردی یا زهرا بوگون #عاشورا #سعدی_زمان
رجز #عاشورا_گونی . #زبدةالاشعار . 
: @nohe_torki . مرحوم سعدی زمان . آغلیان گوگلردی یا زهرا بوگون زینبه محشردی یا زهرا بوگون . . اکبره باشدان ورولدی بیر یارا باشی منشق اولدی چون شیر خدا منقذین ظلمیله شبه مصطفیبیشتر
مدینه شهری اوّلده پیمبرله صفا تاپدی #حسینیه_نوحه_خوان
میلاد امام حسین (ع) گریز به شام غریبان . . . مرحوم حاج علی اکبر مارالانی نوحه خوان . مدینه شهری اوّلده پیمبرله صفا تاپدی ایدوب ترویج اسلامی عجب محکم بنا تاپدی . اون ایل ظرفینده دنیانی مسخّسر ایلدی اسلام هامو اطرافبیشتر
رحمت یزدانه باخ مشکل نه آسان ایلوری #مناجات_پندیات_عدلی_تبریزی
فی التوحید زبدة الاشعار ?: @nohe_torki حاج اصغر فرشچی (عدلی تبریزی) رحمت یزدانه باخ مشکل نه آسان ایلوری گلشن پژمرده نی آنی گلستان ایلوری جویبار رحمتیندن رزق خوردی انس و جان کون و عرشی ذیحیاته چون شبستان ایلوریبیشتر
بارالها درد و غم اوّلدن عادتدور منه #رضویه_رجایی_تبریزی
زبانحال حضرت امام رضا(ع) . #زبدةالاشعار . : @nohe_torki . مرحوم رجایی تبریزی . بارالها درد و غم اوّلدن عادت دور منه من رضایم زهرلن ئولماق سعات دور منه . . دین یولوندا وعده ویرموشدوم ویرم بیر امتحان صبر قیلّام هربیشتر
نظر دهید