اربعین
.
✍️ #زبدةالاشعار ✍️
.
🆔: @nohe_tork
.
#سبک_گلوم_آغلاما_بالام_آغلاما
.
حاج نادر بابایی
.
اوخورام دعای زیارتی نه گوزلدی مدفنون آی بالا
آنوون گیدوبدی جلالتی نه گوزلدی مدفنون آی بالا
.
.
بالا آلتی گوشه لی قبریون گورورم صفالی نماسی وار
باشیون جراحتی تک اوغول آنوون اورکده یاراسی وار
سنه ساخلارام من ئولونجه یاس باشیمون همیشه قراسی وار
آپاروم مزاره بو محنتی نه گوزلدی مدفنون آی بالا
.
.
دور آنون گلوبدی عیادته بو مصیبته دوزن اولمادی
قره توپراق اولدی سنه مکان طویوی سنون گورن اولمادی
سن ئولونجه من نجه ئولمدیم منه توپراقون وطن اولمادی
دوزرم نجه بو مصیبتی نه گوزلدی مدفنون آی بالا
.
.
آیا من باخاندا چوخ آغلارام واریدی شباهتی چون سنه
اور گیمده کی سوزیمی علی دیرم بو قبره بو مدفنه
دیدیم ئولمرم گوررم گلین نجه تنگ اولوب بو جهان منه
اورگیمده قالدی طوی حسرتی نه گوزلدی مدفنون آی بالا
.
.
آغاجی گول آچسا بو رسمیدی نظر ایلیر گوله باغبان
زحماتینون ثمرین گورر گوله غنچیا باخار هر زمان
ولی اسدی بادِ ستم بالا آنوون یازین ایلدی خزان
هدر اولدی چکدیگی زحمتی نه گوزلدی مدفنون آی بالا
.
.
سنی اوخشویار گجه لر آنون یوزه سیل اشکینی باغلیار
خانم عموویله خانم باجون سنه یاس دوتوب سینه داغلیار
جوان اوغلی ئولسه کیمون بیلر بالاسی ئولن نجه آغلیار
آننون چوخادی ریاضتی نه گوزلدی مدفنون آی بالا
.
.
علی جان وطنده اطاقیون قاپوسین آچوب سنه آغلارام
بالا سن نمازه دوران یرون سیلرم توزون سینه داغلارام
ایدرم مزّن اطاقیوی قاپوسون چیخوب گنه باغلارام
آنوون غمیله وار الفتی نه گوزلدی مدفنون آی بالا
.
.
منه یثرب اهلی دیر یقین گُل نورسین ایتیرن ننه
ولی بیر غمه دوزه بیلمرم ایدورم بو دردی بیان سنه
دیسه گر مریضه باجون بیزه ویرون اکبرین سراغین منه
نجه من دیوم گیدوب عزّتی نه گوزلدی مدفنون آی بالا
.
.
علی قوی دیوم سنه شامیدن غم بیکران خرابه دن
سنی ایستین باجوون سسی گلور آسمان خرابه دن
دیدی حیف اولا چخا بیلمدیم سیزیلن مکان خرابه دن
قالوب ایتدی مسکن او غربتی نه گوزلدی مدفنون آی بالا
.
.
یوخودا گلنده منه قوناق سنه بو گوز اوستی مکان اولوب
آییلاندا اوخشامیشام یواش باجون آغلیاندا فغان اولوب
سسینی قوشوبدی بی بون بیزه یوزه سیل اشکی روان اولوب
گجه باشلانوب غم حکایتی نه گوزلدی مدفنون آی بالا
.
.
سنه «نادرون» وارعلاقه سی گرک آغلیا یازا غم سوزون
سیزه وقف ایدوبدی همیشه لیق اگر اولسا قابل ایکی گوزن
اورگینده واردی چوخ حسرتی قویا آستانووه بیر ئوزون
آنالار کیمی آچا صحبتی نه گوزلدی مدفنون آی بالا
.
#اربعین_نادربابایی
#اوخورام_دعای_زیارتی_نه_گوزلدی_مدفنون_آی_بالا
#ترکی
.
✍️ #زبدةالاشعار ✍️
.
🆔: @nohe_torki
نظر دهید