یا مهدی
.
زبدة الاشعار
.
: @nohe_torki
.
مرحوم غمکش
.
اولار کی باش اگوب حقّه جهاندا پایدار اولسون
طرفدارانِ مهدینی گوروم عالی تبار اولسون
.
ریاکاری گوروم یا رب ایکی دنیاده خوار اولسون
اونون دشمنلری دائم که پست روزگار اولسون
.
.
یالان تعریفه سس وئرمه مجالس حرمتین ساخلا
گروه فتنه نین دائم باجارسون سینه سین داغلا
قرا پرچملره باخسون حسینه هر زمان آغلا
گرکدی عاشق مهدی جهاندا بی قرار اولسون
.
.
حسینه نوکر اولماقدا علامت واردی ای نوکر
نماز شب قیلار عاشق بو عشقی سینده بسلر
ئولر ظلامه باش اگمز دوز عاشق دادینه سسلر
بو خُلق و خوی «غمکشدی» جهاندا یادگار اولسون
.
.
فقط سنگ محک دیندی قالان عشق ولایتدی
خانم زهرا گلر داده او خاتون قیامتدی
اولار کی خلقی سیندیرماز اولار مرد عدالتدی
گرکدی عاشق مهدی بو گون چشم انتظار اولسون
.
#اولار_کی_باش_اگوب_حقه_جهاندا_پایدار_اولسون
#یادگار_غمکش
#ترکی
.
#زبدةالاشعار
.
: @nohe_torki
نظر دهید