عرض ارادت محضر حضرت اباعبدالله الحسین علیه السلام
#گریز به #کوفه_راه_شام
.
.
حاج داود بیدق داری (داور)
.
منیم قبله م منیم کعبه م صفای مهر ومحرابیم
منه یول گوسترن اولدوز ایشقلی مهرومهتابیم
سنون عشقونله سینه مده وورار بوقلب بیتابیم
ایکی عالم سرافرازم حسینیم سنسن اربابیم
.
آدون گویلرده پیدادور سنه فطرس دیوب مولا
سنه قربان دیوب لعیا سنه لایلای چالوب زهرا
.
.
.
ائله یاننام شرار عشقیوه ای یار روحانی
کولوم فریاد ائدر آغوش صحراده بوعنوانی
سنه نوکر اولان والله ائدردنیاده سلطانی
نه من عشقون اوجالدوب چرخ چارمده مسیحانی
.
منیم سهمیم بو دور آدون دئیوم اشک ایلیوم جاری
یازوم شان ومقاموندن وئریم زینت بو اشعاری
.
.
.
نجه مولا که نوری چلچراغ عرش اعظمدور
اول آدم گلوب اما بونون نوری مقددمدور
ملک فرمان آلار بوندان، خدیو هردوعالمدور
ئوزی باشدان باشایاره ولی هردرده مرهمدور
.
بومولایه گوزوم قربان ئوزی معنای قرآندور
اوناسائل اولاهرکیم یقینیم وارسلیماندور
.
.
.
نجه آلاله تک قان جمع اولار گویچک یاناغلاردا
نجه گللر بهارین فصلی باغلار بوقچا باغلاردا
نجه یای فصلی باش باشه وئرور میوه بداغلاردا
نجه ضرب المثل اولموش صلابت واردی داغلاردا
.
گلون بیزده اولوب باهم ،صلابتله دئیک دنیا
سنون اولسون زر وزیور بیزه بس دور فقط مولا
.
.
.
حسین مبنای وحدتدور حسیندور عشق پرگاری
گلنده نام زیباسی ائدر روحُ القُدُس یاری
اونون عشقیله عارفلر تاپوبلار روح بیداری
ملائک قالدیلار حیران گورنده روح گلناری
.
ویروبلار نیزیه باشین اوخور آیات قرآنی
قاچور آردیجا بیر دختر ائدور گوزدن دُرافشانی
.
.
.
نئجه مجنون گئدر لیلا گئدن یولدان شتابیله
نئجه آشفته بیر عاشق اولار بیگانه خوابیله
او نوعی یول گئدور بو قیز ایکی چشم پرآبیله
باخور حسرتله محملدن اونا زینب ربابیله
.
ایاقلار یاره دور اما فراموش ایلیوب گویا
گوزی سرنیزه اوستونده دیلی دائم دیور بابا
.
.
.
نئجه یازدا جوشار چشمه اولار جاری طبیعتدن
او نوعی گوزلریندن یاش آخور پهنای صورتدن
ئنجه بیر قوش پری سنسا قاچا بیلمز اسارتدن
او قوش مثلی دوشور گاهی تیکانلیقدا جراحتدن
.
یخلجاق تئز دورور یئردن باخور بیرده جدا اوسته
یارالی باشه ئوز دردین دیور آهسته آهسته
.
.
.
کرامت کانی سن بابا اودور که انتظاریم وار
آچوب گوللر ایاقیمده خزان فصلی بهاریم وار
سنیله شام ویراندا گئجه وقتی قراریم وار
ولی الان گرفتارم غم و درد هزاریم وار
.
بو طرزیله مینم عمریم یتیرمز شام ویرانه
قراری سال بو مأوایه یتور بیماری درمانه
.
.
.
اولوب عمَّم دییَن سوزلر گوزومده منظره بابا
دیوبدی سن شفا وئردون یهودی دختره بابا
شفا تاپدی کنیز اولدی سنون تک سروره بابا
حساب ایله کنیزم ، باخ یارالی اللره بابا
.
ئوزون گوردون بو یوللاردا مغیلانه سخلدیم من
الیم اوخشور ایاقیمه ز بس دوردوم یخلدیم من
.
.
.
#حسینیه_مدح
#منیم_قبله_م_منیم_کعبه_م_صفای_مهر_و_محرابیم
#بیدقداری
#ترکی
.
✍️ #زبدةالاشعار✍️
?: @nohe_torki
نظر دهید