اولاً حمد خالق یکتا #حیدریه_دلریش

در مدح حیدر کرار شیر پروردگار امیرالمؤمنین (ع) و معجزات آن بزرگوار
.
#زبدةالاشعار
.
: @nohe_torki
.
مرحوم دلریش
.
اولاً حمد خالق یکتا
صانع و ذوالجلال و بی همتا
.
ائدن ایجاد عالم و آدم
جاعل جنّ و انس و ارض و سما
.
لامکان و قدیم و لم یزلی
گوندرن بیزلره نبیّ و ولی
.
بعد حمد خدای لیل و نهار
فرض دور مدح احمد مختار
.
خاتم انبیا شه لولاک
اوندان اوتری یاراندی نه افلاک
.
جانشین و وزیر دور برحق
وئردی دین پیمبره رونق
.
شاه مردان و ضیغم الغزوات
اونیلان یتدی خضره آب حیات
.
اونیلان دین حق اولوب کامل
اولا هر کیمسه حقّینه جاهل
.
ایلیوب وعده چون خدای قدیم
ایلسون سکنینی نار جهیم
.
سووَسن گر علینی وئر منه گوش
قیل و قال ائتمه اولگیلان خاموش
.
عرض ائدیم بو شهون فضائلینی
شیعه نون روشن ایلسون دلینی
.
نقل ائدر راوی خجسته لقاء
شهر یثربده بیر گونی مولاء
.
واریدی خدمتینده خورد و کبار
گلدی بیر شخص با هزار وقار
.
ایلدی اول شهه درود و ثنا
دیدی ای پادشاه هر دو سرا
.
واردی بیر مشگلیم منیم دلده
مزرعه م واردی شهر بابل ده
.
نئچه مدت دی ای شه والا
اوردا بیر شیر اولوب شها پیدا
.
چوخ قوی شیردور مهابتی وار
گئتمک اولماز اورا صلابتی وار
.
قورخودور عالمی صلابت دن
بیزی منع ایلیوب زراعتدن
.
ائشیدوب بو جوابی شیر خدا
سسلیوبدور اباذری مولا
.
وئردی انگشترین شه مردان
دئدی اول دم اباذره یاران
.
گئت بو شخصیله ایندی سن باهم
اول مکانه الونده بو خاتم
.
وئر بو انگشتری او شیره نشان
دئ او شیره دئدی شه مردان
.
دورماسون داخی شهر بابلده
قالماسون لحظه ای او منزلده
.
یتوروب چون سوزین تمامه او شاه
اولدولار اول زماندا عازم راه
.
ائتمسون کیمسه بو فضائله شک
گلدیلر تا او شیر اولان یره تک
.
قالدی بیر میل مکان شیره تمام
ایلدی اول زمان او شخص قیام
.
دئدی یوخ منده طاقت و یارا
گوتوروم بیر قدم به حق خدا
.
سنه هر حکم ائدوبدی شیر خدا
گوروسن شیری ایله جا بر جا
.
باخدى بو حاله چون اباذر او دم
گئتدی اول شیره ساری نئچه قدم
.
شیر آلوب چون اباذر همهمه سین
سالدی اول پیر عشقه بیر نفسین
.
ساندى سلطان عشقى اهل مجاز
گوتوروب اوستینه اونون انداز
.
یوز قویاندا اباذر اوستینه شیر
اول زمان چاکر بشیر و نذیر
.
اوزوگی گوستروب او بی باکه
شیر گورجک یوزین قویوب خاکه
.
ساخلادی خاتمینون حرمتینی
بوندان آنلا علینون عزّتینی
.
دیدی ای شیر شیر لم یزلی
جانشین نبی علیّ و ولی
.
گوندروبدور سنه بو نوع پیام
شهر بابلده داخی ائتمه قیام
.
اوزیوه اوزگه یرده ایله وطن
بیله فرمایش ائتدی شاه زمن
.
شیر ائشیتدی سفارش شاهی
اگدی باش باشلیوب او دم راهی
.
ظاهراً شیر باطناً انسان
اوزی که اولمیوب او روگردان
.
یوزی خاتم ده شیر حکم خدا
او قدر گنتدی اولدی ناپیدا
.
دوتوب اول دم اباذری حیرت
نادم اولدی گینه همان ساعت
.
شک قلبیندن ایلمیشدی خطور
یاندیروب ظلمتینی شعلۀ نور
.
سینه مه دیدی شیعه تیر منیم
یادیمه دوشدی اوزگه شیر منیم
.
بیرده بیر شیر صبح عاشورا
کربلایه چکوبدی واویلا
.
گور بونیلن ندور اونون فرقی
شیعه اولسون غم و بلا غرقی
.
اوندا کیم کوفیان کینه شعار
اهل بیتی قویوبلا بی غمخوار
.
ایلدیلر حسینی تشنه شهید
بئله حکم ائتدی ابن سعد پلید
.
صبح اولاندا سپاه ال تاپسون
شاه دین پیکرینده آت چاپسون
.
صبح اولوب کوفیان گلوب جوشه
گوردیلر بیرجه شیر آغوشه
.
چکوب اول نعش پاکی ناله کنان
گه ائدر ناله گه ائدر افغان
.
گه چکر یاعلى و گاه دورار
گاه بیردن یره اؤزینی وورار
.
گه ویرار اللرینی بیربیرینه
گاه ایلر نظاره اللرینه
.
گاه آغلار غم درازینه
گه یوزینی قویار بوغازینه
.
آغلادور عالمی فغانیلن
گه اوزینی بویار او قانیلن
.
ووردی از بس اسد یره دیرناق
تاپدی بیر قانیله دولی قونداق
.
یاندی آرتوق او طفل غصه سینه
گتدی قویدی حسین سینه سینه
.
باخدى حلقینه چکدی بیر آخ وای
اوز دیلیلن دیوب اونا لای لای
.
گر او شیر اوردا احترام ائتدی
بوردا اؤز حرمتین تمام ائتدی
.
اونا گوستردیلر بیر انگشتر
اؤپدی بو شیرده کسوک اللر
.
گر او شیر اوردا مهربان اولدی
بوردا اوغلینه پاسبان اولدی
.
الغرض اول اباذر ائتدی خرام
خدمت شاهه یتدی ائتدی سلام
.
گوردی مولا اباذری حیران
بویوروب اول امام کون و مکان
.
گل ائدک خالقیله راز و نیاز
یا اباذر گئچوب دی وقت نماز
.
قیمادیم سن سیز ای خجسته لقا
ایلیم من نماز ظهری ادا
.
پاک قیل قلبون عیب و علتینی
ایسته سن ظهرون ار فضیلتینی
.
اوزادوب دست پاکینی او جناب
گوئیا آفتابه قیلدی خطاب
.
قیتروب شمسی تا او شاه حجاز
ظهر وقتی اولوب قیلوبلا نماز
.
غرق دریای حیرت اولدی او پیر
تاپمیوپ سوز خجالت اولدی او پیر
.
چون شک ائتمیشدی شهر بابلده
اونیده مخفی خانۀ دلده
.
گوردی اعجاز شاه بطحانی
ایلدی شکر حقّ یکتانی
.
بولدی حیدردی واقف اسرار
گوییا اولدی خوابیدن بیدار
.
یاتمیسان شیعه سنده بیدار اول
آنلا شأن ولینی هوشیار اول
.
بارالها به آبروی علی
به حق رتبۀ جلال ولی
.
هر قدر واردی مادح شه دین
اونی شرمنده ائتمه روز پسین
.
درد حضّاره ائت دوا یارب
ایله زوّار کربلا یارب
.
سیّما «دلریش» ثناخوانه
قسمت ایله گئده او ایوانه
.
.
.
.
#حیدریه_دلریش
#حیدریه_مدح
#اولا_حمد_خالق_یکتا
#ترکی
.
#زبدةالاشعار
.
: @nohe_torki