اتمام حجت امام حسین (ع)
.
✍️ #زبدةالاشعار ✍️
.
🆔: @nohe_torki
.
مرحوم شاکر اردبیلی
.
ایچمین جام محبت میل جانان ایلمز
جان متاعین عشق بازارینده ارزان ایلمز
.
.
عشق کوینده جفا و محنت عدوان ندور
زخم شمشیر و سنان و خنجر برّان ندور
طالب جانان اولان بیلمز عزیزیم جان ندور
عاشق صادق هراس تیر و پیکان ایلمز
.
.
هر قدر اولسا بلا عشق اهلینی مسرور ایدر
عاشق جام محبت وصلی چون مأمور ایدر
جانب یاره چکوب اغیاریدن هم دور ایدر
باش و جان تیر بلادن یعنی پنهان ایلمز
.
.
درک ایدنمز رمز عشقی جان من اغیار اولان
جان و مال ایتمز تصوّر طالب دیدار اولان
طالب اولماز عزّ و جاهه شایق دیدار اولان
عشق کوینده خیال سود و خسران ایلمز
.
.
یتمز ارز مقصودینه بو دهریده جان ایستین
جادّۂ غیرتله گئتمز یار و جانان ایستین
گورمز عالمده به غیر از دوست جانان ایستین
جان ندور جانانه مین شوقیله قربان ایلمز
.
.
عابد محراب عشق آلماز سوئیلان دستماز
دستمازین قان ایدوب قیلسون او نوعیله نماز
حضرت جانانیلن ایتمکلگه راز و نیاز
قوملار اوسته خلوت ایلوب خوف عدوان ایلمز
.
.
بو منای عشقیدور بوردا نه مشعر نه صفا
جمله حیرتده قالوبدور انبیا و اولیا
محو اولوب ذرّات عالم بل جمیع ماسوا
سیریله جلوه وفا کوینده انسان ایلمز
.
.
محنت و ظلمیله تاراج اولدی گلزار حسین
ایچدیلر جام شهادت یار و انصار حسین
اولمادی بیر کس او صحراده اولا یار حسین
بو مصیبت شیعه نون باغرین نجه قان ایلمز
.
.
قالدی تنها ایتمدی امداد او شاهه بیر نفر
گلدی میدان بلایه اول شه خونین جگر
یوز دوتوب سسلندی اول قومه ایا قوم کفر
بیله ظلم آخر مسلمانه مسلمان ایلمز
.
.
آل پیغمبر قانین بیلدوز نه نوعیله حلال
عاق اولوب چکدوز قلج ایتدوز بو صحرادہ قتال
ایلدوز آئین شرع دین حقّی پایمال
هیچ ظالم بیله ظلم ای قوم شیطان ایلمز
.
.
نیلمشدی سیزلره جدّیم رسول عالمین
ایلدوز اولادینه بو قدر ظلم ای مشرکین
بیله ظلم اولموبدی اولماز تا اِلى روز پسین
هیچ مأموم اوز امامین قانه غلطان ایلمز
.
.
«شاکرا» صدقیله ور ال بو شهون دامانینه
پیروی گر اولسا هر کیم کربلا سلطانینه
جسمین اود یاندرماز آند اولسون حسینون جانینه
روز محشرده هراس نار و نیران ایلمز
.
.
#حسینیه_شاکر_اردبیلی
#حسینیه_شهادت #حسینیه_اتمام_حجت
#ایچمین_جام_محبت_میل_جانان_ایلمز
#ترکی
.
✍️ #زبدةالاشعار ✍️
.
🆔: @nohe_torki
نظر دهید