مدح و میلادیه حضرت امام حسن مجتبی علیه السلام
#گریز به #حسنیه_شهادت
.
.
#سبک_نقش_من_چرا_نقش_ماتمه (میلادیه)
.
.
نویدی
.
ای اولان سپهر ولایتین
نیر فروزانی یا حسن
روشن ایلیوب مه جمالیوین
نوری کون و امکانی یا حسن
.
ای عزیز زهرا
مقدمون مبارک …
.
.
.
ماهیله قیاس ایلدیم سنون
عارضون اگر ایلدیم جفا
عرض ایدم اگر گوندی صورتون
شبه سیز اولار بو سوزوم خطا
مهر و مه او طلعتدن اخذ ایدوب
نورونی سالوب عالمه ضیاء
چون جمالیوین نوریدور سنون
نور حی سبحانی یا حسن
.
.
.
قطره ده اولانماز نقدری من
گر یازام بو طغراده مدحتون
حیف اولا هله کشف اولونمیوب
سیدی بو دنیاده مدحتون
ذکر ایدن یقین اهل عرشیدور
عرش حی اعلاده مدحتون
دولدوروب ملائک بو ذکریله
عرش حی رحمانی یا حسن
.
.
.
اسم پاکیوی ذکر ایدنده من
قلبیمه دولور شوریله شعف
سنله تاپموشام چون بو دهریده
شأنیله وقار ،عزیله شرف
تیر عشقیوه قلب زاریمی
مین امیدیله اتمیشم هدف
خوشدورعشقیوین تیری قان ایده
بو دل پریشانی یاحسن
.
.
.
ذات لا یُری ،حی داورین
بحر لطفونه سن شمولیسن
میوۀ دل شاه لافتا
نور هر دو عین بتولیسن
دامنوندن ال چکمرم، نچون
سن کریم آل رسولیسن
ایتمه نا امید حق رضاسینه
مستحق احسانی یا حسن
.
.
.
هر صفاتیده بی نظیریسن
کیم چاتار جهاندا حصالیوه
حیرته دوشر یوسف نبی
دوشسه گر گوزی خد و خالیوه
آرزو ایدر ریزه خوار اولا
سفرۀ کمال و جلالیوه
ششدر تحیرده ماتیدور
ماه دشت کنعانی یاحسن
.
.
.
گر چه حاتم تایی اخذ ایدوب
بخشش و سخاوتده اشتهار
لیک سن کیمی بذل و جودیده
بیر کسی گورنمز بو روزگار
خوان لطفیوه هر کیم ال تاپوب
ریزه خوار اولوب ایلر افتخار
بذل و جود و احسانیوه فدا
عالمین اولا جانی یاحسن
.
.
.
ای جلالتین کانی ارثیدور
بدویدن سیزه عزت و حشم
قلۀ رفیع جلالیده
همتیله سن ویرمیسان علم
حضرت سلیماندا جاهیده
سنله سیدی اولماز همقدم
واله ایلیوبدور جلالتون
حضرت سلیمانی یا حسن
.
.
.
بیر بیله جلالیله قدریوی
حیف بولمدی دشمن دنی
داد و الامان اول زمانیدن
ایتدی محرمون خونجگر سنی
زینبین باشی اوستونه گلوب
سسلدون باجی درک ایله منی
بو غم و محن گتدی نالیه
زینب پریشانی یا حسن
.
.
.
آچدی گوزلرین خواب نازیدن
ناگهان گوروب قانلی لبلرون
لخته قان دوداقینده گورجاقین
بیر بیره ویروب حسرت اللرون
پوزقون حالتین پوزدی حالینی
باشدان آچدی تیز قاره معجرین
زینبون ئوله سسلدی ندن
لبلرون آخور قانی یا حسن
.
.
.
سسلدون باجی یولما زلفووی
توکمه گوزشین ایلمه فغان
نور عین زهرا حسینیمه
فوری حالیمی قیل اوزون بیان
قارداشیم گله باشیم اوستونه
فرقتینده قلبیم اولوبدی قان
زهر کینیدن سانمیسان چتین
درد و رنج هجرانی یا حسن
.
.
.
دهریده یوروب غصه لر سنی
ای «نویدی» چوخ اولما دل ملول
واردی مشکلون صدقیله چاغور
دادیوه یتر زادۀ بتول
هر ایکی جهان ایلر اکتفا
خدمتون اگر ایلسه قبول
عارضه توکوب اشکون ازبر ایت
دمبدم بو عنوانی یاحسن
.
.
.
#حسنیه_میلادیه
#ای_اولان_سپهر_ولایتین
#نویدی
#ترکی
نظر دهید