شهادت حضرت امام رضا (ع)
.
✍️ زبدة الاشعار ✍️
.
?: @nohe_torki
.
حاج مجید امینی تبریزی
.
.
اولوب طوسیده مسموم
بوگون شاه خراسان
باتوب ماتمه آغلار
هامی عالم و امکان
.
.
آچوب خُلدیده باشین بوگون زهره ی زهرا
توکر دُرّ سرشکین عذاره شه بطحا
ایدوب گویده ملکلر عزا مجلسی برپا
اولوب جمله ملائک بو سلطانه نواخوان
.
.
ایدوب ظلمینی افشا بو شاهنشهه مامون
شهی مجلسه دعوت قیلوب جبراً او ملعون
ویروب زهرلی انگور اونی ایلدی محزون
سولوب عارضی گل تک، عذاریندن آخوب قان
.
.
اولوب زهر موثّر زبسکه او فگاره
گیدوب طاقتی، اود تک چکوب قلبی شراره
خیاله دوشوب اوغلی توکوب اشکین عذاره
دولوب قلبی غمیله، او شه ایلدی افغان
.
.
گلوب منزله باشدا عبا شمس امامت
خطاب ایتدی اباصلت ایله منزلی خلوت
اولا محضر جانان یاخیندور منه قسمت
یتم وصل نگاره اولام جدّیمه مهمان
.
.
قوری توپراقا قویدی یوزین ایلدی ناله
سالوب اوغلی جوادی او ساعتده خیاله
او غمله دولی گوگلی باتوب درد و ملاله
اورکده الی، یرده یوزی، حالی پریشان
.
.
گوزی یولدا دیردی گل ای روح روانیم
ایدوبلر منی مسموم چخار عرشه فغانیم
قوری یرده عذاریم یاخوندور چخا جانیم
قالوب ایمدی باباوین اوغول دیده سی گریان
.
.
گر اُلسم قوری یرده کیم احوالیمه آغلار
ائلیم یوخدی یانیمدا منه کیم سینه داغلار
بابان گوزلرینی کیم اُلن وقتیده باغلار
من زار و غریبه اوغول کیم ایدر افغان
.
.
ایدوبدور منی مسموم اوغول ظلمیله مامون
فراقونده علاوه اولوب محنتیم افزون
بو غربتده من اُلسم گر ایله منی مدفون
کفن ایت منه ساخلا اوزون شام غریبان
.
.
اوغول باشیمی گل آل بو جان اوسته کناره
گوزیمده نجه گوندوز دونوب گور شب تاره
غریبم منی گل قوی بو غربتده مزاره
عذاره ایله جاری گوزوندن دُر و مرجان
.
.
دوزوب جمله بلایه دیدی راه وفادی
دیوب دردینی ازبس چخوب گوگلره دادی
باشی اوسته گوز آچدی گوروب اوغلی جوادی
اولوب غملری زائل، باتوب نیّر تابان
.
.
آچاندا گوزین امّا حسین سیّد ابرار
گوروب قاتل الینده دوروب خنجر خونخوار
باشین ایستوری کسسین قفادن او جفاکار
دیدی ویر بیر ایچیم سو دلیم یاندی سوسوزدان
.
.
چخوب شرق خیمدن اودم گون کیمی زینب
قویوب قتلگهه یوز ندور آنلادی مطلب
گوروب شمری، گوزینده ایشیق گوندوز اولوب شب
خطاب ایلدی ساخلا الون دشمن یزدان
.
.
نه قدر ایلدی بحث و جدل زینب غمخوار
گوروب ایستوری کسسین حسین باشین او غدّار
دوتوب خنجری فوراً او محزون و دل افگار
تمام اهل وفایه ایدوب عشقینی اعلان
.
.
یوزی اوستونه قاتل سالوب شاه انامی
باشین کسدی امامین اله گلدی مرامی
الون ساخلا امینی تمام ایت بو کلامی
آچیق یازما که بحر غمه غرق اولورسان
.
.
#سبک_علی_جان_بالا_لبیک
.
.
#رضویه_شهادت
#اولوب_طوسیده_مسموم_بو_گون_شاه_خراسان
#مجید_امینی
#ترکی
.
✍️ #زبدةالاشعار ✍️
.
?: @nohe_torki
نظر دهید