اویان کونول هئچ آغاجدا همیشه بر قالماز #پندیات_بیدقداری

پندیات
.
.
حاج داود بیدق داری
.
.
اویان کونول هئچ آغاجدا همیشه بر قالماز
یارانمیش آخر ئولن دور گلن گئدر قالماز
.
جهالتیله چوروتمه عومور ساپین کونلوم
بشرده معرفت اولسا عملده شر قالماز
.
عومور ثمرلی گراولسا آدون قالار دائم
ئولر اوکی عملیندن گوزل ثمر قالماز
.
اویان ، بو ئولکه ده اوتراق ائدن دوام ائتمز
کوچر هامی یئرین اوسته بنی بشر قالماز
.
نه خیمه دور که قوروبسان ستونی گوهردن
اجل یئلی سنی دوتسا ستون زر قالماز
.
بو آندا دوز یولی تاپ چون سحربلینمزدی
نه چوخ بشر گجه اوینار ولی سحرقالماز
.
چالیش بوعمریده داور حقیقی انسان اول
گذر محلی دی دنیاده رهگذر قالماز
.
.
#پندیات_بیدقداری #ترکی #زبدةالاشعار