حالات حضرت زهرا (س)
با مقدمۀ پندیات
.
.
.
مرحوم میرمحمود آقا شوری تبریزی
.
اویان گوزوم نه یاتوبسان نه خواب غفلتدور
نه عمردور بو نه دنیا نه استراحتدور
.
مُوحّدم دیوسن دلده بندۀ معبود
عمللرون ولی شیطان ایچون عبادتدور
.
نه حرص دور نه طمعدور نه کبردور نه حسد
آز عمریله بو جهاندا بو نه منیّتدور
.
بو قدر بول که بو دنیاده عزّت آختارما
تمام عزّتی باللهی عین ذلّتدور
.
نه قدر سعی ایلیوب مال و دولت اخذ ائده سن
یقین ایله که قالور اوزگیه امانتدور
.
نقدر عالی عمارتلر ایلیوبله بنا
قویوب گئدوبله تماماً غریبه عبرتدور
.
بیریسی گر اولا سلطان تمام دنیایه
گئدنده دار فنادن گورون نه حسرتدور
.
یاننجا بیرجه کفن ممکن اولسا گر آپارور
توکوب گئدر هامسین هر نه مال و دولتدور
.
غرض بو ظاهر دنیادن اؤتری تولانما
تدارک اخذ ایله دار بقایه فرصتدور
.
#گریز #فاطمیه
.
گتور خیاله غمِ اهلِ بیت طاهانی
عذاره اشگیوی توک بیر بویوک تجارتدور
.
تفکُّر ایله رسول خدا عزیزه سینه
نلر یتیشدی بو عالمده جای حیرتدور
.
ووروبلا اود قاپوسین یاندروبلا قوم شرور
ائدوبله هر نه او خاتونه هتک حرمتدور
.
سنوب قابورقالاری محسنی اولوبدی شهید
گوروبدی هر نه جهاندا بلا و محنت دور
.
گلور خیالیمه بیر سوز ولیک معذورم
اورک دوام ایلمز چوخ بیوک مصیبت دور
.
گرک اورکده قالا ایلینمرم اظهار
بیری بو سرّی اگر کشف ائده جسارتدور
.
ولیک پرده لی عرض ایلیوم او صدمِیله
اولوبدی گُل بدنی یاره گور نه حالتدور
.
او ائو که روح الامین رخصت اولمیونجا اونا
نزول ائتمزیدی خاندان عصمتدور
.
توکولدیلر او ائوه دشمنان دین مبین
ائدوبله هر نه که دلخواه اهل بدعتدور
.
خیال ائتگیله خردا اوشاقلارین حالین
دوشوبله رعشیه بولمم نه نوعی وحشتدور
.
باخوب گورولَّه آنا بیر طرفده غشّ ایلیوب
آتا یانندا گئدنمیله بسکه کثرتدور
.
گهی گورولَّه آتا دستگیر دشمن اولوب
ائدولَّه هر نه خیاله گلن اذیّت دور
.
او قدر گئچمدی حاله گلوبدی بنت رسول
گوروبدی کیمسنه یوخ ائو غریبه خلوتدور
.
بویوردی فضّه منیم بس عم اوغلوما نه گلوب
دئدی خانم آپاروبلا که وقت بیعت دور
.
دوروب ایاقه او دمده شفیعۀ محشر
حسن حسینی گوتوردی زمان نصرتدور
.
گلوبدی مسجده نه نحویله او مظلومه
آچوخ دیولسه امام زمانه خجلتدور
.
باخوب نه گوردی ایاق اوسته ساخلیوبدولا خوار
او سروری که وجودی جهانه عزّتدور
.
نه وار باشیندا عمامه ایاقدا نه نعلین
تمام ذلّتیله دستگیر امّتدور
.
دوروب الینده قلج ثانی ستم پرور
دیور که یاعلی بس سنده بو نه جرأتدور
.
بو گون گرک ائده سن بو خلیفیه بیعت
ولیِّ امردی بو لایق خلافتدور
.
گر ائتمسن بو قدر بول بو امر مشگل اولور
بو امر مصطبۀ عالی ریاستدور
.
او دمده زهرۀ زهرا ال آتدی معجرینه
بویوردی ال گوتورون سیزده بو نه غیرتدور
.
امام عصر گله بو خبیثه بیعت ائده
نجه روادی نه انصاف نه مروّتدور
.
خلاص ایلمه سوز ایلرم جهانی خراب
آتام سیزه بئله تاپشوردی بو نه حرمتدور
.
نه گوردیلر او زمان لرزیه گلوب یرلر
بیر انقلاب اولوب گوئیا قیامتدور
.
بویوردی سیّد کونین دورما یا سلمان
دئ فاطمه بیزه بو ظلم لر سعادتدور
.
گلوبدی سرعتیله عرض ائدوب او دم سلمان
تحمّل ایله بو امر شه ولایتدور
.
بویوردی من نجه صبر ایلیوم اوزون گوروسن
عم اوغلومی یتورور قتله بو نه صحبتدور
.
.
#گریز #مجلس_ابن_زیاد
.
بو یرده زادۀ مرجانه یزمی یاده دوشوب
تفکّر ائت نجه مجلسدی نه ضیافتدور
.
اولا بو شیعه لرون جانی زینبه قربان
گوروبدی هر نه بو عالمده جور و زحمتدور
.
امام قتلینه فرمان وئرنده ابن زیاد
گورون نه نوعی ائدوب صبر جای حیرتدور
.
بو مجلبسین سوزینی «شوریا» آچخ یازما
همین اشاره ایچون بسدی بو کفایتدور
.
#پندیات
#فاطمیه_شهادت
#مجلس_ابن_زیاد
#اویان_گوزوم_نه_یاتوبسان_نه_خواب_غفلتدور
#شوری_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید