او گجه …
.
✍️ #زبدةالاشعار ✍️
.
🆔: @nohe_torki
.
عیسی ثاقب بخشایش
.
او گجه آسمان یثربده
آی بلوت آلتدا گیزلدیردی ئوزون
.
بی¬ صدا یل اسوردی سرگردان
گوش دهره اوخوردی غصّه سوزون
.
غم اجاقینده یاندریردی قضا
شرر ابتلاده سینه کوزون
.
شَطّ شوقی بلا قوروتموشدی
معرفت چشمه ایلمیشدی گوزون
.
.
شدّت غصّه دن زمین و زمان
گردش ایلوردی مات و سرگردان
.
.
.
.
او گجه آسمان یثربدن
النوردی ترابه گرد محن
.
غرق خواب خوشیدی ایولرده
غفلتیلن تمام اهل وطن
.
هامی یاتمشدی یاتمامشدی هله
جُغد شوم نفاق و کین و فتن
.
بله بیر شام پُر محن هرگز
گورمیوب هیچ زماندا چشم زمن
.
.
غصه¬ دن قلب دهر تنگیدی
پای هستی یریشده لنگیدی
.
.
.
.
او گجه ماجرای محنتدن
آسمان ماتیدی زمین مبهوت
.
ناله ایلوردی عرشیان یکسر
شیون ایلوردی عالم ناسوت
.
ناگهان بیر یانان قاپی آچیلوب
نیمه ی شبده سندی جوّ سکوت
.
او یانان دربیدن اولوب خارج
دوش احباب اوسته بیر تابوت
.
.
اوندا کوه وقار یاتمشدی
عصمت کردگار یاتمشدی
.
.
.
.
گجه نین عالمی قرانلقدا
یار حیدر ایدوردی عزم سفر
.
نه مسافر که گتماقین هرگز
ایلموردی دل علی باور
.
او مسافر دالیجا سو یرینه
هی گوزوندن سَپوردی خون جگر
.
روح هستی گدوردی قبر ایوینه
اونی تشییع ایدوردی یدّی نفر
.
.
آز قالوردی که ضعف حالتدن
یخلا یولدا شیر خیبر کن
.
.
.
.
ناله لر سینه لرده حبسیدی
دیده لردن آخوردی لعل مُذاب
.
یولدا گِتدوقجا هر قدم مولا
شمع آسا اولوردی غمدن آب
.
داغ سنگین فرقت زهرا
قویمامشدی ابوترابیده تاب
.
دیزی گلموردی گِتماقا اما
چاره سیز لقدان ایلیوردی شتاب
.
.
آغلیا آغلیا او شاه غریب
یول گئدوب ایلیوردی درده شکیب
.
.
.
.
مدفنه حمل اولوبدی گیزلینجه
ماحصل نیمه شب او مفخر حور
.
سینه سین چاک ایدوبدی خاک بقیع
اولا تا دفن اوندا آیه ی نور
.
گوردی مولا گئدور نگار الدن
یار دلداریدن اولور مهجور
.
دیدی آغلار گوزیله اصحابه
اولون السّاعه سیزده مندن دور
.
.
گئدوب انصار آه و زاریلن
تک قویوبلار نگاری یاریلن
.
.
.
.
قالدی بیر مرتضی و جسم بتول
زینت افزا دیار خاموشه
.
گوردی ابراز درده فرصت یوخ
گوز یاشی سیل تک گلوب جوشه
.
چکدی دلدن بیر آه حسرت بار
باخدی بیر دلبر کفن پوشه
.
جان کیمی جان عالم هستی
یارالی یارین آلدی آغوشه
.
.
اَریَن جسمی اللری اوسته
ئوز ئوزیلن دیوردی آهسته
.
.
.
.
من گرکدور بو نیمه شبده خدا
پیکریمدن لباس وصلی سویوم
.
گلمیوم داده آغلیوم سس سیز
تیر آهیمله قلب دهری اویوم
.
واریمی گیزلدیم بو توپراقدا
درد الیندن بو یرده جانه دویوم
.
هاموسی سهلدور و لیک نجه
بو گوگرمیش یوزی ترابه قویوم
.
.
هر نه دن باش منه بو محنتدی
مصطفادن علی خجالتدی
.
.
#فاطمیه_شهادت
#او_گجه_آسمان_یثربده
#ثاقب_بخشایش
#ترکی
.
✍️ #زبدةالاشعار ✍️
.
🆔: @nohe_torki
نظر دهید