زبانحال حضرت امام حسین علیه السلام به
حضرت زینب سلام الله علیها درشب عاشورا
.
✍️ #زبدةالاشعار ✍️
.
🆔: @nohe_torki
.
.
مرحوم غلامعلی باقری الهامی (هوشی تبریزی)
.
صبرایله بوقدری آغلاماتوکمه اشک آلی زینبیم
واردی چوخ بلاسی باشیوون ای باشی بلالی زینبیم
.
گلمه نالیه آنام باجی توکمه اشک چشم دامنه
آغلاما گوزون فداسی سن آغلیندا غم یتور منه
صاغدی قارداشون حسین هله گلمه بیله دادو شیونه
باتمایاسه اولماایمدیدن سن هله عزالی زینبیم
.
.
آخرین شبیمدی صبحونون واردی بیربیوک حکایتی
واردی منله صبح ایدنلرین ای آنام باجی سعادتی
باشلانان زمان عصریده آل حیدرین قیامتی
نیرهدایتین یترچون دم زوالی زینبیم
.
.
گرچه ترک ایدوب منی گیدرجمله بوگروه اشقیا
نه روادی بزم عشقه گرغیراهل عشق یوتاپا
بسدی قالسا یتمیشه کیمی باجی جان صحاب با وفا
خوشدی گرسچلسه بو گجه بی وفا وفالی زینبیم
.
.
یاتمیوب باجی اسورهله عَلم ساغدی سرسپاه لشکریم
صف بصف دوشوب کناریده سربسربویارو یاوریم
قاسم وعلی اکبریم ساغدی باجی عون وجعفریم
قارداشون هله داغلمیوب شوکت وجلالی زینبیم
.
.
وارنه علتی آنام باجی بیله اوزگه حاله قالموسان
صرصرغم وملالیله گل کیمی سولوب سارالموسان
بوشکسته حالیلن منی آیری بیرملاله سالموسان
بولموسن مگرحسینوون واردی چوخ ملالی زینبیم
.
سینوی شرار دردوغم وار یری بو چولده داغلاسا
ویر تسلی اهل بیتیمه آغلاما رقیم آغلاسا
اول اسیر صبر ایله دایان اهل کین قولوی باغلاسا
عازم اول باشیم دالینجا گل شامه کربلالی زینبیم
.
.
قانلی باشیمی گورن زمان گونکیمی جداده صبرایله
یولمازلفون اچماباشیوی گلمه شوروداده صبرایله
سال آنام بتول صبرینی بوچولده یاده صبرایله
آی آنام بتول اطهره هرصفتده تالی زینبیم
.
.
اونداکه باتاربودشتیده قانه جمله یارویاوریم
دوغرانارعلی اکبریم اوخلانارعلی اصغریم
گورسن عوردورآنام باجی قتلگهده قانلی پیکریم
اوندا توک عذاره خون دل ای باشی بلالی زینبیم
.
.
باخما قلب بیقراریوه اهل کینه تیرغم ساچار
من شهادته یتن کیمی غارت خیامه اَل آچار
اودوُرللارخیمگاهیمه قیزلاریم چیخارچوله قاچار
هرطرفده تک تکی ملرچون حرم غزالی زینبیم
.
.
باخماحسرتیله چوخ منه توکمه اشک حسرت آغلاما
بیله دیزلرون قوجاقلامااولما غرق محنت آغلاما
بوگروه کینه دن هله واربوگجه مهلت آغلاما
دردوغمدن اهلبیتیمون وارهله مجالی زینبیم
.
.
ایستراهل کین جفاسینی عرشه ای باجی دایاندورا
عابدینیمی شرارۀ آتش بلاده یاندورا
قویما همت ایله عشقوی همتین جهانه آندورا
آفرین ایده اوهمته عالمون رجالی زینبیم
.
.
هرنه ظلم ظاهرا منه بو گروه کینه دن گلر
باطنا سنون یقینیدو قلب بیقراریوی دلر
ابرغم او قدراوستوه بارش بلا وغم الر
باردرد وغصه اولار قامتون هلالی زینبیم
.
.
باخ بوقلبیمه نه نوع گوروصل یاره بی شکیب دور
قارداشون حسینه بو بلا دشتی محضرحبیب دور
لیک بو سعادت ای باجی بیرجه عدّیه نصیب دور
آنلامازبوسرّی اولمیا عشقیده کمالی زینبیم
.
.
(هوشی) نوکریمدی هرزمان لطف بی نهایت ایلرم
دلده واردی هرنه حاجتی لطفیله اجابت ایلرم
دهریده عزیزایسترم حشرده شفاعت ایلرم
چونکه بیزدن اوزگه دادرس یوخدوراحتمالی زینبیم
.
.
#شب_عاشورا_هوشی_تبریزی
#صبر_ایله_بو_قدری_آغلاما_توکمه_اشک_آلی_زینبیم
#ترکی
.
✍️ #زبدةالاشعار ✍️
.
🆔: @nohe_torki
نظر دهید