در مدح جناب شاه مردان شیر یزدان علی ابن ابیطالب (ع)
.
.
مرحوم قمری
.
.
اى وجودى کونده پیدا و ناپیدا على
جذبۀ عشقونده عالم واله و شیدا على
.
خلقتونده عاجز و حیراندى اوهام نفوس
مبتداسن منتها هم اوّل و عقبا على
.
عقل اوّل صادرِ اوّل نفوس اوّلین
مطلع ماهیّتوندن اولمیوب اصلا على
.
اولموسان معلول علّت علّته معلول سن
لاجرم سندندى کلّاً خلقت اشیا على
.
چون وجودوندن اولوب ابداع طرح اختراع
کلّ موجوداته حکمون جارى مجرى على
.
جلوۀ ذاتونده سرگرداندى نفس ناطقه
آن واحد خالى سندن اولمیوب دنیا على
.
ظاهراً عنصر لباسینده بشر باطنده نور
دار کون کن فکاندا منشى الانشا على
.
سن دگلسن که اولان السّابقون السّابقون
هم خدا سن رب سن لا ربى الاعلا على
.
نوریوون بیرذرهّ سى خورشید عالمتاب اولوب
ذرهّنون عکسیله ماه اولموش جهان آرا على
.
یر یوزُنده اولماسیدى تیغ لا سیفون علم
چوخ چتین رونق تاپاردى ملّت غرّا على
.
سن دگلدون تا احدده سس گلوردى آشکار
وصفیوه دُردیمجى گوگدن لافتى الّا على
.
سندن ایتمیش قدرت عین یداللّهى بروز
گوسترنده مرحبه شمشیر برق آسا على
.
سن دگیلدون که سلاسل قلعه سین ویران ایدن
قالع خیبر امیر والى والا على
.
یر یوزنده جبرئیل فرش ایتمسیدى شهپرین
ضربیوه تاب ایلمزدى صفحۀ غبرا على
.
شبهه سیز برهم اولوردى یدّى یر گاو و سمک
محو اولوردى کن فکان دنیا و مافیها على
.
جلوۀ افلاکه قیلسا ذوالفقارون شعله سى
حدّتیندن اودلانور بو خرگه مینا على
.
ایله سون انگشت قهریله اشارت گوگلره
دانۀ خشخاش اولور نه گنبد خضرا على
.
یوخ نه انگشت اشارت غیظیلن باخسان اگر
برقرار اولماز فلک یا عالم بالا على
.
مدّعى اولسا بو مطلبدن دلیلیم وار متین
یوخدى باکیم مدّعیدن ذرّه جه اصلا على
.
لاجرم عرشون ستونى اسم پاکیندور سنون
ایلمز هیچ کس بونون تصدیقینه حاشا على
.
اولدى میلاد شریفون چونکه بیت اللّهیده
کیمدى سن تک خانه زاد قادر یکتا على
.
گر سنه آدم دیسم حاشا معاذ اللّه خطا
مستزاد طینتیندور آدم و حوا على
.
علم آدم جنبۀ علمونده دریا قطره سى
آدمه اولموش وجودون علّم الاسما على
.
نوحه نسبت ویرسه هرغافل سنى گمراهیدور
نوح مولادور سنه سنسن اونا مولا على
.
سن هارا عیسا هارا، هاردا نصارا و نصیر
فى الحقیقه یوخ نظیرون عیبدور معنا على
.
چخدى مذهبدن نصارا بیلدیلر اوز خالقى
مرده احیا ایلمکلن حضرت عیسى على
.
رفعت شأنون دگل یا مرتضى احیاى موت
قیلموسان سلمانى موت احیاسینه احیا على
.
وار تکوین صیت اجلالونله مالا مالیدور
هیچ کسون یوخ حدّى قیلسون مدحیوى احصا على
.
عقل قاصرلى مع اللّه سیرینه اولموش خبیر
نسبتى وار لفظ خالقلن اولا گویا على
.
گورسنور سنده الوهیت صفاتى آشکار
خلق آرا دوشموش سنون شأنونده چوخ غوغا على
.
اولماسیدى سنده گر ترکیب ابعاد ثلث
بی مهابا من دیردیم خالق الاشیا على
.
طعن قیلمازدوم سنه خالق دیَن مخلوقه من
اولماسیدون سن عبودیّتده بی همتا على
.
من سنه اللّه اگر اطلاق ایتسم کفر اولور
بنده ذکر ایتسمده اولّام خلق آرا رسوا على
.
قالمیشام حیران و سرگردان سنون اجلالیوه
وار باشیمدا شور عشقونله عجب سودا على
.
نه غلات و صوفیم نه شیخى و نه رافضى
شیعۀ کامل عیارم نوکر مولا على
.
سن نه خالق سن نه رازق نه اِلاه لم یزل
بنده سن معبودیوه سلطان دین آرا على
.
اعتقادیم وار سنون جاه و جلال و وصفیوه
چون امامتلن اولوبسان فرد مستثنى على
.
قمرى بى خانمانم وصلوون مشتاقیم
تا دوتام خاک درونده منزل و مأوا على
.
.
.
#حیدریه_قمری #حیدریه_مدح #ترکی #زبدةالاشعار #حیدریه
نظر دهید