شهادت حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.
#سبک_ای_ویرن_ویرانه_یرده … 4 سبک
.
مرحوم صافی تبریزی
.
اکبرین میداندا نعشین شاه عطشان آختاروردی
جان ویروردی،لیک جان اوستونده بیر جان آختاروردی
.
.
دوغریوبلار خنجریله گل کیمی جسمین بولوردی
زخم تیرین زخم شمشیرین هامی قسمین بولوردی
جان دیوردی دم به دم گر چه اوغول اسمین بولوردی
باغبان پیره باخ گلبرگ خندان آختاروردی
.
.
بیر سس آلمشدی حرمده ایلمیشدی مایه غم
ظاهرا غملیدی اما عالم باطنده خرم
دشت و صحرانی گزردی عالم باطنده هردم
قانیله سس صاحبین حیران او سلطان آختاروردی
.
.
چهره سی افروختیدی داد و فریاد ایلموردی
فکر زخم تیر و خنجر تیغ جلاد ایلموردی
یاد ایدردی حق رضاسین اکبرین یاد ایلموردی
درد هجرانه دوزوردی وصل جانان آختاروردی
.
.
گر چه کسمیشدی یولون شاهون سپاه بی حمیت
نه اورکده صبری نه جاندا واریدی تاب و طاقت
ذلفقارین ضربتیله رد اولاندا ابر ظلمت
گون طلوع ایلردی گویا ماه تابان آختاروردی
.
.
تیغ و خنجرله بولوردی پیکرین ایلوبله گل گل
اوخ یاراسی سینه سینده باش آچوب مانند سنبل
اوغلینی بیر گل حساب ایله آتاسین خسته بلبل
دی که بیر شوریده بلبل خوش گلستان آختاروردی
.
.
گه دولانوردی صاقا گاهی سولا حیران گزردی
عرصه هیجانی هر بیر لحظه ده هر یان گزردی
قلب مجروحی پریشان دیده سی گریان گزردی
بیر یوزی محبوب بیر زلف پریشان آختاروردی
.
.
مصرعینده یتدی آخر اکبرین تاپدی یارالی
ذولجناح اوستن یخلدی خانه زین قالدی خالی
دوشدی حال احتضاره گورجاخ اوغلوندا او حالی
ایله بیر وقتین امامین قوم عدوان آختاروردی
.
.
«صافیا» ختم ایله بسدور اکبر مه پاره حالین
یاده سال آغلار گوزیله متصل یاز غم ملالین
زاد عقبادور یقینا ذکر ایله آخر ملالین
اکبرین میداندا نعشین شاه عطشان آختاروردی
.
.
#اکبریه_شهادت
#اکبرین_میداندا_نعشین_شاه_عطشان_آختاروردی
#ترکی
.
✍️ #زبدةالاشعار ✍️
.
🆔: @nohe_torki
نظر دهید