ایا نور خدا یاحجة الله #مهدیه_خلیل_آسانی

یا مهدی
.
#زبدةالاشعار
.
: @nohe_torki
.
خلیل آسانی (حائر)
.
ایا نور خدا یاحجة الله
سنه جانلار فدا یاحجة الله
.
.
گوزی یولدا قالانلار جانه گلدی
ئورک یاندی گویول افغانه گلدی
نظام عالمه آیا نه گلدی؟
پوزولدی برملا یاحجة الله
.
.
گدیب الدن ئورک صبر و قراری
غم هجران آلوبدور اختیاری
بو درد جانگداز انتظاری
بیزه بولمه روا یاحجة الله
.
.
دوتوبدور آتش ظمت جهانی
یانیر گه برملا گاهی نهانی
پریشان امت خیرالورانی
ئوزون ایله دعا یاحجة الله
.
.
دوشوب شور قیامت کایناته
خزان اود سالدی گلزار حیاته
نظر ایله بو فلک بی ثباته
که سن سن ناخدا یاحجة الله
.
.
جگر قانی آخیر رخساره گوزدن
اولور دامانه جاری یاره گوزدن
بو دردی گل گوتور آواره گوزدن
تاپا بلکه شفا یاحجة الله
.
.
زبس اولدی مُطوّل عهد غیبت
سپاه غم ائدیبدی صبری غارت
نفاق اهلی ورور تیر شماتت
ئورکده وار یارا یاحجة الله
.
.
گل ای اسلام و قرآنین پناهی
اولوبدور حمله ور نوره سیاهی
چاتیبدور گویلره مظلومین آهی
دوتولدی نه سما یاحجة الله
.
.
یانیر نار فراقه قان ئوركلر
می وصل آختاریرعطشان ئوركلر
غمينده بی سر و سامان ئوركلر
ائديرآه و نوا ياحجة الله
.
.
دمی بر ما بتاب ای مهرجانبخش
بر این گلزار پژمرده توان بخش
زمین را جلوه ای از آسمان بخش
ز پرده رخ نما یاحجة الله
.
.
سنه قربان اولوم ای سبط طاها
گوزومده نور یوخدور دیزده یارا
فراقیندا نجه صبر ائتسين آیا
بو آماج بلا یاحجة الله
.
.
عیاندور (حائرین) خجلت تریندن
که یوخدور خیری عمرون دفتریندن
روادور اشک خونین گوزلریندن
آخا صبح و مسا یاحجة الله
.
.
#مهدیه
#ایا_نور_خدا_یا_حجة_الله
#ترکی
.
#زبدةالاشعار
.
: @nohe_torki