زبدةالاشعار

ظلمیله قارداش قوللاریم باغلى طنابه #مجلس_یزید_صحاف_تبریزی

حالات مجلس یزید
زبانحال جناب زینب (س) به امام حسین (ع)
.
.
سبک اصلی :#سبک_ای_درد_بی_درمانلارا
سبک های دیگر : #سبک_ای_کربلانون_تشنه_لب#سبک_یا_فاطمه_من_عقده_دل_وا_نکردم … 10 سبک
.
.
مرحوم صحاف تبریزی
.
.
ظلمیله قارداش قوللاریم باغلى طنابه
چکدی باشون عشقی منی بزم شرابه
.
دوندردی شامی تیره شامه گوزلریمده
آهیم اوجالدی داغلی دلدن نه قبابه
.
.
کسدی قفادن باشوی شمر ستمگر
وردی جدایه گون کیمی بو قوم کافر
نوک جداده باشلادی قرآن برادر
برپا قیامت اولدى آل بوترابه
.
.
ئولدی ئولن اولدی قالان دشمن اسیری
آل پیمبر شمر کافر دستگیری
عالمده کامه یئتمسون قوم شریرى
دوشسون منیم تک داغلى دلدن التهابه
.
.
بیرباش که بسلردی آنام زهرا گل اوسته
که سینه سی اوستونده که گل سنبل اوسته
قویدی او باشی کوفه ده خولی کول اوسته
یانّام ئولونجه من او ظلم بی حسابه
.
.
هر بیر دیاره ایلدی باشون اراده
گلدیم دالنجا نی کیمی فریاد و داده
شامه کیمی گه ناقه ده گاهی پیاده
هر بیر یری گزدیم قولى باغلى طنابه
.
.
شامه گیرنده آتش ظلمیله یاندیم
هر گونه رنگ محنته دلدن بویاندیم
کوچه به کوچه شامی قول باغلی دولاندیم
باخدوقجا یاندیم حال لیلا و ربابه
.
.
کوچه بکوچه شامی ظلمیله حسین جان
جبراً دولاندیردی بیزی بو قوم عدوان
بیرصبح ، شام اولدی پریشان سینه سوزان
منزل بنات عصمته اولدی خرابه
.
.
ویرانه منزل آج سوسوز یورقون اوشاقلار
نه حاله قالدى یوخ ئولن ای شاه ابرار
هر تکه تکی ائتدی منه اوز دردین اظهار
اوخشاردی آغلار گوزلری دولموش سحابه
.
.
صبح اولدی حکم ائتدی یزید شوم و کافر
باغلاندی یکسر قول قولا آل پیمبر
بو بزم شربه عترتون چکدی برادر
رحم ائتمه دی بی کس بنات دلکبابه
.
.
جام شراب الده یزید پست فطرت
ایلور یارالی باشوا قارداش اهانت
بو خوردا قیزلاردان گنه چکمزخجالت
چوب جفا الده سالور اود نُه قبابه
.
.
ورودوقجا قانلو لبلروندن خیزرانی
آل رسولین اوج ایدر عرشه فغانی
کامه گوروم من یئتمسون بو بی حیانی
سالدى حریم عصمتی بو اضطرابه
.
.
«صحاف» شامین ظلمینی سالدوقجا یاده
توک عارضه اشگ بصر گل آه و داده
ائیلر عوض بو خدمته روز جزاده
صدقاً عزا دوتسان شه مالک رقابه
.
.
#مجلس_یزید #صحاف_تبریزی #ترکی #زبدةالاشعار

متن پیشنهادی:  باشون جداده گورمورم قارداش اباالفضل #کوفه_کهنمویی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی