شاهکار عرفانی – خبر
عیدی خواستن حسنین (ع) از پیامبر (ص)
#گریز به #عاشورا و #قتلگاه
.
.
.
مرحوم سعدی زمان
.
ایستورم بو عجز بی پایانیله
طبعده کامل اولان نقصانیله
.
دولدورام دنیانی مشک و عودیله
اسم پاک احمدِ محمودیله
.
بیر خبر دور بو سوزوم چوخ معتبر
طاقدیسینده نراقی نقل ائدر
.
نقطه به نقطه اونوندور بو بیان
ایلیوبدور نظم «سعدیِّ زمان»
.
علت غائیِ کلِّ ممکنات
احمدِ محمود، فخر کائنات
.
اؤز ائوینده اگلشوب بیر گون او شاه
ائو نه ائو نور اِلاهه جلوه گاه
.
وه نه منزل مطلعِ خورشید جان
وه نه منزل مَکمَنِ جان جهان
.
وه نه منزل مشرق شمسِ ازل
مَطلعِ نورِ خدا ، عزّ و جلّ
.
وه نه منزل عرش اونا بیر آستان
آستانینده ملائک پاسبان
.
وه نه منزل عرش اونا اولماز قرین
عقل اوّلدور اونا کرسی نشین
.
وه نه منزل قاف ملک لاماکن
اوندا جان سیمرغی دوتموش آشیان
.
بزم او اَدنی اونون همسایه سی
قاب قوسینون او ائو پیرایه سی
.
حجره یوخ فانوس بزم کن فکان
شمع نور حقّ ائدوب اوردا مکان
.
علّت خلق ثریّا و سَمَک
اگلشوب اول رشگ جنّات ائوده تک
.
ناگهان گوردی او نور دادگر
اولدی منزلده ایکی گون جلوه گر
.
گون نه گون رشگ خورِ چرخِ کهن
روح پیغمبر ، حسینیله حسن
.
گون نه گون اُول گونلرین شرقی علی
گورمیوب افلاک ایله نُورِ جَلی
.
ائتدی انوارِ خداوند غفور
منزلی مصداق نورٌ فَوقَ نور
.
جدّینه شهزاده لر وئردی سلام
ایلدی ردّ سلام اُول نیکنام
.
گلشن دینون ایکی زیبا گُلی،
باغ زهرانون خوش الحان بلبلی
.
ائتدیلر عرض اُول ایکی ماهِ تمام
ای بابا ای شاهِ اَو اَدنی مقام
.
ای بیزه جدّ عالمه یکسر پدر
نه پدر اونداندا مین غمخوارتر
.
آری آری هاردا ممکن دور آتا
مصطفی تک مهربان و مُرتَجی
.
✔️ تفاوت پدر با پیامبر (ص)
.
باعث تن دور بو عالمده پدر
لیک بوندان جانه یوز مین زیب و فرّ
.
او سنی گتدی بو فانی عالمه
سالدی یوز مین محنت و درد و غمه
.
بو ولی روحون بیر آیری عالمه،
سوق ائدور تا دوشمَه سون درد و غمه
.
بیر یره ایستور سنه اولسون دلیل
غیر ممکندور ی جبرئیل
.
سندن اؤتری او ائدر روشن چراغ
تا که ظلمتدن تاپا جسمون فراغ
.
جهد ائدور امّا بو رأفت معدنی
ایلسون خورشید نور افکن سنی
.
او سنه تحصیل ائدر بیر جرعه آب
ائتمه سون سندن عطش تا سلب تاب
.
جهد ائدر امّا بو فخر کائنات
ایلسون روحون سنون عین الحیات
.
او سنه بش گون جهاندا یاردور
بو ولیکن تا ابد غمخواردور
.
✔️ توسل به پیامبر (ص)
.
یا رَسولَ الله یا غَوثَ الوَری
جانیوه جانلار تمام اولسون فدا
.
یا رَسولَ الله یا شَمسَ الظُّلَم
یا شَفیعَ الذَّنبِ فِی یَومِ النَّدَم
.
یا رَسولَ الله یا حَبلَ النَّجاة
یا رَجاءَ الخَلقِ یا مُنجِی العُصاة
.
بارگاه لی مَعَ الله خلوتون
شأنیوه قربان گنهکار امّتون
.
ای گناه عاصیانه عذر خواه
روسیاهم ائتمیشم چوخ چوخ گناه
.
کشتی جُرمم سراسر گر چه من
سن ولی لطف و کرم دریاسی سن
.
ایلَسَم عُمریمده مین دریا گناه
بحر لُطفُونده اولانماز پرّ کاه
.
جانِ نالایق سنون یا ذَالعُلاء
لعل گوهر باریوه اولسون فدا
.
آچ لب لعلِ گُهر افشانیوی
تاپشور اللّهه، سگِ دربانیوی
.
دئ ائدوب گر چه #حسینی چوخ گناه
وار امیدی من اولام امّا پناه
.
بیر یوزی قاره خطالی بنده دور
ائتدیقی اعمالیدن شرمنده دور
.
یا رَجائی اَنتَ عَلّامُ الغُیُوب
ائتمه رسوا اَنتَ سَتّار العُیُوب
.
اؤز کتابینده خدای مستطاب
سَوفَ یُعطیکَ سنه ایلوب خطاب (1)
.
صاحب اولسان سن منه روز جزا
خاک پاییمده اولار شهلر گدا
.
سن دئسن گر بسته دور بو ایت منه
من یتورّم مجرمینی مأمنه
.
گوزلریم جرمیمدن اولدی اشکبار
دوشدوم اَوّل که سوزیمدن چوخ کنار
.
اَلغَرض نوباوگان بوتراب
عقل کلّه ائتدیلر بیله خطاب
.
✔️ ادامه روایت
.
عید دور ای شاه اقلیم وجود
بیزلره جود ایله ای دریای جود
.
گورموسن ای شاه ، اطفالِ عرب
خرّم و خوشحال ایلولّر طرب
.
سربسر اطفال اولوب ناقه سوار
گردش ایلولّر قطار اندر قطار
.
بیزده طفلوق ای شهِ گردون مدار
گوگلیمیز ایستور اولاق اشتر سوار
.
تا ائشیتدی بو سوزی ختم رُسُل
ائتدی اظهار محبّت عقل کل
.
هوش باشیمدن کنار اولدی گینه
مُجتبانی میندیروب صاق چیگنینه،
.
وئردی صول چیگنینده محبوب اِلاه
کربلا شاهی حسینه جایگاه
.
ائتدی اؤز اوغلانلارین تا زیب دوش
عالم لاهوتیدن گَلدی خروش
.
باخدیلار قدّوسیان افلاکدن
گوردولر نور عرشه قالخور خاکدن
.
هم حسن چیگنینده شاهین هم حسین
گوئیا بیر چرخده وار نَیّرین
.
علویان سفلایه تا ائتدی نگاه
گوردولر بیر بُرجده بیر جفت ماه
.
ای دلیم لال اول بو نه تشبیه دور
قَدح دور مَدحون بو نه تنزیهدور
.
نه لیاقت واردی مهر و ماهیده
ایلسون جلوه جمال اللّهیده
.
مهریله مه دور ایکی قرص جوین
بونلارین خوان نعیمینده یقین
.
تازه دن نوباوگان باغ ناز
ائتدیلر بو دللریله کشفِ راز
.
ای بابا ای ماسواللّهه امید
ای محبّی هر ایکی دنیا سعید
.
ای طُفیلی عالم امکان سنه
ای سراسر انبیا دربان سنه
.
هاردا اطفال عرب خرد و کبار
فکر عیشیله اولوب ناقه سوار
.
ناقه لرده وار تک و پو سربسر
ناقه میزده یوخ بیزیم اما اثر
.
بیز مینَن ناقه ندن یول گئتموری
بیزلری اطفال تک شاد ائتموری
.
تاج لولاکیله شاهِ تاجدار
اوّلین و آخرینه افتخار،
.
اولمادی راضی حسینیله حسن
آغلاسون ، اولدی او سرور گام زن
.
ائتدی اشتر تک، تک و پویه قیام
شور و شیون دوتدی افلاکی تمام
.
باشلادی یول گئتماقا اول عقل کُلّ
هَروَله ائتدی شهنشاهِ رُسُل
.
تازه دن بیر جفت شمع بزم خاصّ
جمع خاصّاندان تاپانلار اختصاص
.
مَطلَعِ اَنوارِ نُورِ لایَمُوت
دُرجِ لبدن گوتدولر مُهرِ سکوت
.
ائتدیلر داد و فغان و آه و زار
گوزلری نرگس تک اولدی اشکبار
.
ائتدیلر عرض ای شهِ دنیا و دین
وی مُلَقَّب رَحمَةً لِلعالَمین
.
ای وئرن خورشیده رُخساری ضیاء
مَحرَمِ خلوت سَرایِ کبریا
.
ناقه لر که مینمیش اطفالِ عَرَب
گه ائدولّر وَجد و گَه عیش و طَرَب
.
ناقه میز ائتمور ولیکن جَست و خیز
بیزلری بو غصّه ایلور اشک ریز
.
سیّد عَالَم خداوند جهان
گَتدی بیر اطوار آنلار عاقلان
.
تازه دن شهزاده لر گلدی سوزه
یاغدروبلار ژاله عنبردن یوزه
.
ای تراب راهی، کُحل حور عین
پاسبان درگهی روح الامین
.
اشتر اطفالیده واردور مهار
اللرینده بو سببدن اختیار
.
هر یانا ایستولّه گئتسون ناقه لر
اول مهاریکه چکوللر مختصر،
.
ناقه آنلور راکبین نه قصدی وار
گوسترن راهه اولولّار رهسپار
.
بیز مینَن اشترده ده اولسا مهار
بیزده اولّوخ شاد و صاحب اختیار
.
عقل اوّل شهریار مُلکِ دین
قویمادی شهزاده لر اولسون غمین
.
بند گیسو آچدی شاه تاجدار
حُقّۀ لؤلؤ ده ائتدی برقرار
.
گاو عنبردن گئدوب فکر متاع
آهوی مشگ اولدی صیّاده مطاع
.
عالم امکانی دوتدی مشگ ناب
نافه لرده مشگ لردن گئتدی تاب
.
تا ایکی سنبل ایکی گلزاره زیب
وئردی ، گردون تا قیامت گوردی طیب
.
تازه دن اولدی ایکی گل ژاله بیز
ائتدیلر عرض ای شَهِ مُلکِ حَجیز
.
ای هامی مخلوقه باب مهربان
حکمویله کشتی گردون روان
.
ای وجود پاکی دریایِ کَرَم
ساحل رحمت نَبیِّ مُحتَرَم
.
سَسلَنولّر گورموسن بو ناقه لر
بیزلری بو حسرت ایلور دیده تر
.
بیز مینَن اشترده یوخدور بانگ نای
وار نه بانگِ نای و نه بانگ درای
.
مجرمینه شافع و فریاد رس
ایلدی ظاهر بسان ناقه سس
.
درج رحمتدن ائدوبدور فتح باب
سویلوب اَللهُمَ اَلعَفو اُول جناب
.
اولدی جرم امّتیندن عُذر خواه
بیرده اَلعَفو ایلدی تکرار او شاه
.
ائتدی لرزه عرش حیّ کردگار
اولدی چون سیماب گوگلر بیقرار
.
اَنفُس و آفاقه دوشدی انقلاب
ما سِوَاللهه گوروندی اضطراب
.
آغلادی ارواح پاک انبیا
نالیه گلدی سراسر اولیاء
.
شوریله دولدی حجابات برین
خلدده رقص ائتدی یکسر حور عین
.
آز قالوب خاموش اولا نارِ سَقَر
نارِ دوزخدن تاپا کافر مَفَرّ
.
نازل اولدی اول زمان روح الامین
ائتدی عرض ای رَحمَةً لِلعالَمین
.
امر ائدور خلّاق حیّ لاینام
ای حبیبیم بسدی قیل خَتمِ کلام
.
امّته هر قدر سن اولسان رَؤوف
اولماسان من تک خطا بخش و عَطوف
.
امّتین جرمین گذشت ائتدوخ تمام
بیر مُحبّون ایلمز اوندا مقام
.
ایستوسن خاموش اولا نار سقر
یانماسون کفّاردنده بیر نفر؟
.
گوستروم بیر نوع غفّاریّتی
محو ائدوم قانون قهّاریّتی
.
قهر اودین ایستورسن اودلاندرمیوم؟
روز محشر شمریده یاندرمیوم؟
.
هر کسی مشمول ائده رحمیم یقین
بوشلاماز قهریم حسینون قاتلین
.
تا حسینون آدینی یازدی قلم
قلبیمی دولدوردی دریا تک الم
.
✔️ گریز به روز عاشورا
.
یادیمه دوشدی دیار #کربلا
اوردا شمر ائتدی حسینه نه جفا
.
بیر جفا اول شومدن اولدی عیان
ایلدی لرزه زمین و آسمان
.
یازماقا اول ماجرانی بر ملا
ایلورم زهرا آناسیندان حیا
.
جلوه گاه عشقده شاه حجاز
ایسته دی جانانه قیلسون کشف راز
.
گوردی شوق عشق برق کاملی
یاندیروب یکسر حجاب و حایلی
.
ایلوری ذرّات عالَم اضطراب
شاهد غیبی آتوب یوزدن نقاب
.
کربلا صحراسی رشگ طوریدی
عرشدن فرشه سراسر نوریدی
.
قانلو گوزلر هر یانا سالدی نظر
صورت جانانی گوردی جلوه گر
.
آری آری عشق ائدنده فتح باب
عاشق و معشوق آرا قالماز حجاب
.
بیر یره عاشق اؤز عشقینده چاتار
کلمۀ ما و منی گوزدن آتار
.
ما و من مابینیدن اولسا کنار
خار اولار گل ، گل اولار معناده خار
.
قطره گر دریایه اولسا متصل
قطره نی دریا بُلَلَّر اهلِ دل
.
ممکن اولماز قطره و دریایه فرق
قطره نی ایلر اوزینده بحر غرق
.
پَرتوین بیضایه اولسا رجعتی
عین بیضادور اونون ماهیتی
.
نکته چوخ باریک دور بُلمَز عَوام
اهل سرّ آنلار ندور جانِ کلام
.
اولمیوب اولماز بشردن عین ذات
بُل امامی مَظهرِ اسم و صفات
.
نه حسین اللهدور نه ذات حق
نه اولار مرئی خداوند فلق
.
لیک بو معصومدن مرسوم اولوب
معتبر اخباریده مرقوم اولوب
.
عرض ائدور معصوم: «ای ربّ جلیل
ای یارانمیشلار سنه عبد ذلیل
.
ای کمالات و کرامت معدنی
کور اولا بیر گوز که درک ائتمز سنی» (2)
.
سوز بُیوکدور خاتمه تاپماز مقال
ختم ائدوم تا ختم اولونسون قیل و قال
#قتلگاه
شه یخلمیشدی تن صد چاکیله
قتلگهده دیدۀ نَمناکیله،
.
باش یارا صورت یارا اللّر یارا
تک نه باش نه یوز بدن یکسر یارا
.
باشدا بیر کاری یارا شمشیریله
جسمی قنفذ تک دولیدی تیریله (3)
.
زخم تیغیله یارالی چوخ یری
سجده گاه انورینده اوخ یری
.
وجه وجه اللّهی دوتموش لخته قان
نحرینی منحور ائدوب نوکِ سنان
.
قلب بی آلایشی مَهمُوم چوخ
بزم یاره یول تاپوب اوچ شعبه اوخ
.
دل دوداق قانلو آغیز قاندان دولی
گرد و خاکیله دوتولموش سوز یولی
.
وصل جانانه اولان منظوریله
دولدوروب دشت عراقی شوریله
.
دل شکسته ، جسم خسته ، تشنه کام،
مَحرَمِ خَلوت سرای لایَنام
.
شاهباز اوج اعزاز و جَلال
جسمده اوخدان آچوبدور پرّ و بال
.
عالم کثرتدن افراز آختارور
عالم وحدتده پرواز آختاارور
.
عشقده عشّاق ایچینده بی بدل
باشدا شوق وصل محبوب ازل
.
صورت مجروح و خون آلودیله
دل مناجاته آچوب معبودیله
.
✔️مناجات حضرت در قتلگاه
.
عرض ائدوب ای بو دل مجروحه یار
ذاتی گیزلین صنعی گون تک آشکار
.
ای مبرّی ساحتی هر عیبدن
ای مقدّس ذاتی عاری ریبدن
.
ای منزّه عقلدن اوهامدن
ذاتی گیزلین درک خاص و عامدن
.
واحد و فرد و احد انبازی یوخ
ذاتنون انجامی یوخ آغازی یوخ
.
مُدرِک و فعال و حی و لایری(4)
وصفینه عاجز عقول اولیا
.
سن حسینه یاخشی احسان ایلدون
ابتلای عشقه شایان ایلدون
.
سینَمی ائتدون خدنگ آماجی سن
باشیمه قویدون کرامت تاجی سن
.
دسته دسته سینَمی اوخ دولدوروب
قان آخوبدور مصرعیمده گول دوروب
.
مالک ، ابن ملجم کافر کیمی
باشیمی منشقّ ائدوب حیدر کیمی
.
سنگیله بیر سنگدل دنیاپرست
آنّیمی آئینه تک قیلدی شکست
.
صورتیمده زخمِ شمشیر جفا،
تیغ خونریزیله کتفیمده یارا،
.
بیر ستمگر ناوکِ پیکانیله
آغزیمی دولدوردی لخته قانیله
.
عشقیوه قلبیم که جلوه گاهیدی
سرّ عشق اللّهدن آگاهیدی
.
ووردیلار اوچ شعبه لی اوخ قوم کین
اولدی داغِ اکبریله همنشین
.
خاک و خون ایچره یارالی یاتمیشام
هر ایکی دنیانی گوزدن آتمیشام
.
ای خدای باد و آتش آب و خاک
ایلدیم عشقونده ترک ماسواک
.
گوزدن آتدیم عالم ایجادی من
ترک قیلدیم عترت و اولادی من
.
هر قضایه اولموشام تسلیم محض
کوی وصلوندن منه گوسترمه رفض(5)
.
✔️مناجات حضرت در قتلگاه
.
تک سنی گورماقدی مقصودیم منیم
سندن اوزگه یوخدی معبودیم منیم
.
من دئمم عشقونده اکبر وئرمیشم
مَظهَرِ حُسنِ پیمبر وئرمیشم
.
من دئمم لیلانی مجنون ائتمیشم
برج حُسنه ماه انور وئرمیشم
.
من دئمم آرام دل ماه چگل(6)
صورتی آی زلفی عنبر وئرمیشم
.
من دئمم بیر جمعی آغلار قویموشام
بیر پریشان زلف دلبر وئرمیشم
.
من دئمم قارداشلاریمدان گئچمیشم
جان تک عون و فضل و جعفر وئرمیشم
.
من دئمم آئینۀ حیدر نما
بیر اوزون قولّی برادر وئرمیشم
.
من دئمم دعوا گونی حصن حصین
سنمیان بیر سدّ و سنگر وئرمیشم
.
من دئمم سقّای آلِ مصطفی
وارث ساقیّ کوثر وئرمیشم
.
من دئمم بیر مشگ بیر قانلو علم
عالم اسلامه رهبر وئرمیشم
.
من دئمم آرامِ جانِ مجتبی
بیر جوانِ ماه منظر وئرمیشم
.
من دئمم قاسم یاخوب قاندان حنا
حجله تک قتلایه زیور وئرمیشم
.
من دئمم یتمیش نفر بو دشتیده
پیر و برنا یار و یاور وئرمیشم
.
من دئمم آغلار قالوب بیکس رباب
سود امر شش ماهه اصغر وئرمیشم
.
من دئمم بو یولدا باشدان گئچمیشم
تیغیله صد پاره پیکر وئرمیشم
.
کلمۀ من گلمیوب گلمز دیله
سن وئرنلر دور سراسر وئرمیشم
.
جلوه گاه عشقده اکبر سنون
باش سنون پیکر سنون اصغر سنون
.
ظاهراً لشگر ووروب خنجر، سنان
باطناً نیزه سنون خنجر سنون
.
هر بلا پیکانی بیر پیک وصال
تیریله مملوّ اولان پیکر سنون
.
قلبیمی اوچ شعبه لی پیکان دلوب
اوخ سنون بو خاطر مضطر سنون
.
نحریمی منحور ائدوب رُمحِ سنان (7)
من سنون نیزه سنون حنجر سنون
.
من دئدیم قارداش آدی عذر ایستورم
عون و فضل و قاسم و جعفر سنون
.
قیزلاریم قول باغلی قوی اولسون اسیر
اهل بیتیم عترتیم یکسر سنون
.
گلدی ناگه سس مقام قدسدن
ای حبیبیم یر سنون گوگلر سنون
.
سن اگر بو یولدا اکبر وئرموسن
خونبهاسی عالَم اکبر سنون
.
تشنه سن سو وئرموری اعدا سنه
جنّت المأوی سنون کوثر سنون
.
ما و من یوخ سن منیم سن، من سنون
سوؤگلوم اوّل سنون آخر سنون
.
آستانونده #حسینی صفر دور
سوز سنون خامه سنون دفتر سنون
ــــــــــــــ
(1) ضحی آیه 5 : به تو عطایی میکند که راضی شوی
(2)عَمِیَتْ عَیْنٌ لا تَرَاکَ عَلَیْهَا رَقِیبا ( فرازی از دعای عرفه ) : کور باد چشمی که تو رانبیندباآنکه تو همیشه مراقب وهم نشین او هستی
(3)قنفذ = خارپشت
(4)مُدرِک : خدای تعالی که دریابنده ٔ همه ٔ امور است ، از صفات ثبوتی خداست
(5)رفض = طرد کردن
(6)چگل = زیبارو
(7)رمح = زوبین نیزه
.
#پیامبراسلام_مدح #حسنیه_مدح #حسینیه_مدح #عید #غدیریه_بهاریه #سعدی_زمان
#ایستورم_بو_عجز_بی_پایانیله #پیامبراسلام_سعدی_زمان #حسنیه_سعدی_زمان
#کنزالحسینی1 ص 96
#ترکی
.
✍️ #زبدةالاشعار ✍️
.
🆔: @nohe_torki
نظر دهید