ایلیوب رحلت جهاندان رحمتاً لِلعالمین #پیامبراسلام_عاصی_تبریزی

شهادت پیامبر اسلام
گریز به شهادت امام حسین (ع)
.
بخش اول #پیامبراسلام_شهادت
#ایلیوب_رحلت_جهاندان_رحمتا_للعالمین
.
بخش دوم #حسینیه_شهادت
#بو_قضيه_یادیمه_سالدی_گنه_بیر_ماجرا
.
#زبدةالاشعار
.
: @nohe_torki
.
مرحوم عاصی تبریزی
.
ایلیوب رحلت جهاندان رحمتاً لِلعالمین
دولدوروب آفاقی محنت آغلوری اهل یقین
.
.
عالم امکاندا باخسان باطناً وار انقلاب
کثرت غمدن کسوف ایلوب بو گونده آفتاب
مه خسوف ایلوب کواکب ایچره واردور اضطراب
آغلوری گوگلر تزلزل ایلوری عرش برین
.
.
باش اچوب لاهوتیان اولموش ملائک قاره پوش
ساکنان عرش بو غمدن اولوبلار سر به دوش
جنّو انس آغلار، دوتوب دنیانی فریاد و خروش
خالق عالم اولوب پیغمبره ماتم نشین
.
.
انبیاء و مرسلین باتمیش بو گون یکسر غمه
تک به تک ایلر نوا آغلار رسول اکرمه
چوخ موثّردور بو غم نوح و خلیل و آدمه
هاجر و حوّایه همناله اولوبدور حور عین
.
.
گوردی محبوبی سالوب امّت وجودین زحمته
ایلدی دعوت حبیبین بزم راز و خلوته
گلدی بو دعوتله عزرائیل او باب رحمته
بوینی چگنینده قاپودا دوردی محزون و حزین
.
.
ایلدی چوخ احترامیله او دمده دق باب
فاطمه سسلندی کیمسن ویردی بو نوعی جواب
عرض قیل پیغمبره ویرسه اجازه اول جناب
حاجتیم واردور عربدن بیر غریبم مستکین
.
.
ائتدی فرمایش آتام ناخوشدی یوخ تاب مقال
گئت بیر اوزگه وقته گل اولسا سوزون ایله سوال
عودت ائتدی منزله محزون اوزی پژمرده حال
چونکه اولموشدی خانم بو گفتگودن دل غمین
.
.
بیرده عزرائیل اَلینی حلقه دربه ووروب
وحشتی امّا خانم زهرا وجودین دولدوروب
گلدی پشت بابده صدّیقه کبری دوروب
سسلدی کیمسن سن آخر آرتورور صوتون انین
.
.
عرض ایدوب اول کیمسه یَم یاری یتورّم یارینه
ایندی محتاجم یتَم پیغمبرین دیدارینه
وار نچه عرضیم که مامورم اونون اظهارینه
یول اوزاقدور گلماقیم بیر امر مشگلدور چتین
.
.
آچدی بو هنگامده پیغمبر رحمت گوزین
تا ائشیتدی قابض الاروا حیله زهرا سوزین
ایستدی بولسون نه وار،صدّیقیه دوتدی یوزین
ائتدی فرمایش بودور مامور ربّ العالمین
.
.
اولمیوبدی بیر نفردن ایندیه دین اذن آلا
امر فوریدن و یا بیر لحظه تاخیره قالا
ایستمورم بو درگه والانی حرمتدن سالا
حرمتین بو درگهین هرچند سانماز اهل کین
.
.
یارسول الله گوگول دویماز فغان و دادیدن
یاد ایدندن دشمن بی دین ایدن بیدادیدن
اوج ایدر آهیم ثریّایه دل ناشادیدن
وار یری گر عالمه اود سالسا آه آتشین
.
.
ووردی اود درگاهوه سندن صورا اول نابکار
سینه زهرایه یتدی صدمه اولدی زخمدار
سیندی پهلوسی ز بس دیوار و در ویردی فشار
ضعف ایدوب زهرا یخلدی ایلدی سقط جنین
.
.
سسلدی فضّه منی ئولدوردی بو شوم پلید
داده گل دشمن الینده قالموشام فرد و وحید
آند اولا آللهه آخر محسنیم اولدی شهید
طاقتیم قالموب منی سالدی ایاقدان مشرکین
.
.
دلده یوخ طاقت دیَم بی شرم دشمن نیلدی
ایش یتیشدی بیر مقامه فاطمه ضعف ایلدی
ناقه صبر علینی لشگر غم پیلدی
صبر ایدوب بونلا بئله دُوزدی امیرالمومنین
.
.
اولدی بیر نوعی ولیّ الله دشمنلر جری
ظلموله آخرده باغلاندی یدالله اللری
بیعت اوسته مسجده چکدی ولیّ داوری
باشی اوسته ایلدی مسلوب دشمن تیغ کین
.
.
الغرض زهرا ویروب رخصت او پیک داوره
اَل اَل اوسته وارد اولدی محضر پیغمبره
آچدی پیغمبر گوزین باخدی او نیکو منظره
سویله دی آیا نیه مامور ایدوب جان آفرین
.
.
عرض ایدوب ای سیّد عالم رسول ممتحین
بو ایکی امره منی مامور ایدوبدور ذوالمنن
گلماقیله قالماقوندا سن اوزون مختاریسن
سوز سنوندور اختیار ایتسن اگر هانسی بیرین
.
.
ایتدی فرمایش رسول حق حبیب کردگار
دویموشام منده جهاندان چکمیشم از بس فشار
بیر بئله وقته چکردیم روز و شب من انتظار
ویر او قدری مهلت امّا تا گله روح الامین
.
.
گوزلرین آچدی سالوب صاق و صولا اول شه نظر
گوردی جبریلی یانیندا سویله دی خیرالبشر
قارداشی قارداش قویار یالقوز بو وقتده مگر
بولموسن جان تاپشورور جانانه ختم المرسلین
.
.
عرض قیلدی محضر پیغمبره روح الامین
محض تشریفاتووه مشغولیدیم اولما غمین
سهلدور یکسر بهشته ویردی زینت حور عین
سندن اوتری حق خموش ایتدی جهنّم آتشین
.
.
سندن اوتری روح پاک انبیای ماسلف
ال ال اوستونده چیخوبلار پیشوازه صف به صف
باخما آغلور اهل بیتون ایلور افسوس و اَسَف
فرقتونده ایلوری ناله بنات و هم بنین
.
.
سویله دی روح الامینه حضرت خیرالبشر
قلبیم آرام اولموری ویر امّتیمدن بیر خبر
فکر امّتدور منه بو دمده منظور نظر
حقّ همان دم ایلدی نازل شفاعت آیه سین
.
.
.
#پیامبراسلام_عاصی_تبریزی
#ترکی
.
#زبدةالاشعار
.
: @nohe_torki