زبدةالاشعار

ایلییب قلبیمده هجرون خانه یا صاحب زمان #مهدیه

یا مهدی
.
✍️ زبدة الاشعار ✍️
.
🆔: @nohe_torki
.
علی شهودی
.
ایلییب قلبیمده هجرون خانه یا صاحب زمان
خانه قلبیم اولوب ویرانه یا صاحب زمان
.
بار هجرانون ائدیب خم قامت عارف لری
من کیمم تاب ایلیم هجرانه یا صاحب زمان
.
هر سحر شوق طواف شمع رویونلا سنون
مهرعالمتاب اولار پروانه یا صاحب زمان
.
لحظه لربی تاب اولوب دیداره ایلیرلرشتاب
قلبلر مقرون اولوب القانه یا صاحب زمان
.
اول بهشت آرزویه یول تاپان حسرت یئمز
بارگاه روضه رضوانه یا صاحب زمان
.
من گدایم درگهوندا گرقبول ائتسن منی
وئرمرم بوجاهی مین سلطانه یا صاحب زمان
.
کاسه صبریم اولوب دریای غمده غوطه ور
گلمیشیم هجران الینده جانه یا صاحب زمان
.
طاقتیم هجرانه یوخدور دوشسه دریایه ا گر
نیلسین بس دولماسین پیمانه یا صاحب زمان
.
بیر نظر قیلسان من مسکینه اوللام بی نیاز
اعتنا ائتمز گوزوم خاقانه یا صاحب زمان
.
آستانون نوکری نوکر لیگه ائتمز قبول
قیصر وکسرانی مغرورانه یاصاحب زمان
.
شیعه ی آل علی کین اهلینه اولموش دچار
جان وئریرهریئرده مظلومانه یا صاحب زمان
.
شیعه اما بیر مرام اوسته اولوبدور استوار
باش وئره ر اگمز باشین عدوانه یا صاحب زمان
.
ای جهانین جانی اولسون جانوون قربانی گل
بیر تکان وئر عالم امکانه یا صاحب زمان
.
کاخ کفر ون پی لرین پی له یداللهیله ،کفر
پی آپارسین قدرت ایمانه یا صاحب زمان
.
گل یمنده گور نئجه طغیان ائدیر آل سعود
گل” اویسین” قلبی دوندی قانه یا صاحب زمان
.
پنجه کفر ایلیب دیر زلف اسلامی پریش
بوپریشان زلفه گل وور شانه یا صاحب زمان
.
زاده بو جهل اولوبدور حاجب بیت الحرام
جیش جهل وکین گلیب جولانه یا صاحب زمان
.
کودکان بی پناهی قانه غلطان ائتدیلر
لعنت اولسون آل بو سفیانه یا صاحب زمان
.
شیعه لر اولموش بوگون آماج تیر اشقیا
قیل نظر سوریه و لبنانه یا صاحب زمان
.
دنیانین وار هر یئرینده بیر نفر آزاده مرد
گوز تیکیبدیر ملت ایرانه یا صاحب زمان
.
قویماریق عالمده بیز یاتسین ولایت پرچمین
ساخلاریق بو پرچمی مردانه یا صاحب زمان
.
اولسون عالملرفدا اوچ یوزاون اوچ سربازووا
ائت توجه کشور قرآنه یا صاحب زمان
.
بیر عموردورجدوون درگاهینین دربانیام
بیر عنایت ایله بو دربانه یا صاحب زمان
.
#مهدیه
#ایلییب_قلبیمده_هجرون_خانه_یا_صاحب_زمان
#علی_شهودی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  گل علی اصغری آل حالتی برهمدی باجی #اصغریه_هندی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی