زبدةالاشعار

یاراشوب گل خزانه آغاران ساچیم اَلَندى #حسینیه_ثابت_اردبیلی

زبانحال حضرت زینب در شهادت امام حسین (ع)
.
✍️ #زبدةالاشعار ✍️
.
🆔: @nohe_torki
.
ثابت اردبیلی
.
یاراشوب گل خزانه آغاران ساچیم اَلَندى
سینون اوسته قانه قارداش باشیمون توکی بَلَندی
.
.
بو مدینه ده حسینیم سنه قورموشام عزا من
نقدر واریمدی جانیم باشا سالمشام قرا من
یانارام فراقه یاسدان اودی چخمارام اخا من
دیرم حسینیم ئولدى قانی نعشنه کفندی
.
.
یاخا بو مدینه اهلی باشنا حنا برادر
آغاران بو زلفلریمه یارانوب بو قاره معجر
دیرم حنا یاخوبدور اله کربلاده اکبر
یخلان او چولده بی سر بدنی شه زمندی
.
.
باجوون یارالی قارداش سنیلن جلالی گیتدی
آنام اوغلى اهل کوفه بیزه جوری ظلمی ایتدی
بو جهاندا هنده اوغلی گوره سن مرامه یتدی
یارالار گل آچدی قاندان دیه سن گل چمندی
.
.
وطنی گوزوندن آتدون بو بلالی چولده یاتدون
باجوی دولاندیراندان سورا اختیارین آلدون
بو قطاری کربلادن وطنه نه نوع سالدون
سنه کربلا مناسی بلورم حسین وطندی
.
.
گوزوم آختارار جمالون گوره مهربان برادر
قوری یرده جان وئروب سن شه انس و جان برادر
سنه آغلارام وطنده یانا یانه جان برادر
منه یادگار همیشه قالان اوخلی پیرهندی
.
.
گجه لر یوخی دوشوبدور باشما نوایه گلم
گورم آلتی گوشه قبری داخی کربلایه گلم
سنی گورمگه یوخومدا گجه لر منایه گلم
یانار اود کیمین حرارت دل تشنه گانه اَندی
.
.
نقدر بو جان واریمدی یازارام بو ماجرانی
قلم الده ثابت آغلار گوره بیر ده کربلانی
ائله کی محرم اولدى گیرم اوزوم قرانی
او مزاری اوسته گوزدن گوزیمون یاشی الندى
.
.
#حسینیه_ثابت_اردبیلی
#حسینیه_شهادت
#یاراشوب_گل_خزانه_آغاران_ساچیم_الندى
#ترکی

متن پیشنهادی:  جلوۀ نور کبریا قلبه صفادی فاطمه #فاطمیه_مصیبی_تبریزی

.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی