خطاب حضرت عباس (ع) به آب فرات
.
#زبدةالاشعار
.
: @nohe_torki
.
حاج اصغر فرشچی ( عدلی تبریزی)
.
ایچمرم سندن فرات تا تشنه دی آل رسول
عشقیمون نقصانیدورایچسم قبول ایتمزعقول
.
گرچه سن اوجومداسان من تشنیم میل ایتمرم
مشکیمی دولدورماسام اَخیامه بیرده گیتمرم
.
سن بوگون آل عبانی سالموسان تاب وتبه
حربۀ دشمن اولوب عباس ایدورسندن گله
.
خجلتیندن سوابولفضلین الینده اولدی آب
آخماقا رود فراته عزمیده ایتدی شتاب
.
باش اگوبدی موجه رود ایچره سالوبدی سرصدا
عذرخواه اولموشدی سقّادن اودمده برملا
.
غیرتیندن یول سالوب گلدی بیرآزمشکه دولوب
اول زمان دست ابوالفضلی اوپوب راحت اولوب
.
چگنینه سالدی سومشکین تا ایده ترک فرات
تشنه لیقدان آزقالوردی جان تاپا حال ممات
.
مرکبه اولدی سوارسقّای شاه کربلا
سویتورسون خیمه ده عطشانلارا دیلده خـدا
.
لیک شرمنده اولوب تیربلا ایتدی هدف
آخدی سومشگی یره باخدی او دریای شرف
.
سویلدی آخما حسینیمدن منی ایتمه خجل
مشگیمه گل بیرده دول ایتمه بونوعی منفعل
.
الده سوجامی گزوراخیامی اول آلعبا
منتظردورگله سقا گتوره جرعۀ ما
.
خرداقیزلارسارالوب رنگی دیوریاندیم عمو
تشنیم تیزسوگتور یاندیم الولاندیم عمو
.
بعضی سی سویلوراگرسوگتوره گلسه اَله
ایچمرم ایچمه سه سو تشنه علی اصغراُله
.
بیر وِرَن اولمادی اطفاله خبرکلک قضا
قویمادی تا گتوره سواولارا کان وفا
.
مشکین ایچره سوقالوردی غیرتیندن مختصر
جسمینی سالموشدی مشک اوسته دوباره تیردَگَر
.
قدینی دوزساخلادی شیراوغلی گورسون نه خبر
تیراوچ شعبه دگوب قانیله دولدی تا بصر
.
سوسومشکیندن گوزوندن آخدی قان درد آشنا
سن دیمه قارداشنی سسلردی گل اولدوم فنا
.
باش یارا قولاریارا گوزکاسه سینده جوی خون
آخدوقی قان ایلموشدی جسم پاکین لاله گون
.
اصغرعطشانه سو ویرسون مرامه چاتمادی
غرق اولوب دریای خجلتده دیمه سن باتمدی
.
تک قویوب قارداشنی غم تیری قلبه ساچمادی
خجلتیندن تا ابد یومدی گوزونی آچمادی
.
بوزبان حالدور(عدلی) یازوب دوربی گمان
کیم دوتا بودامنی محشرده اولمازنا گران
.
.
#عباسیه_عدلی_تبریزی
#فرات #عباسیه_شهادت
#ایچمرم_سندن_فرات_تا_تشنه_دی_آل_رسول
#ترکی
.
#زبدةالاشعار
.
: @nohe_torki
نظر دهید