غارت خیام
.
✍️ زبدة الاشعار ✍️
?: @nohe_torki
.
مرحوم سید عظیم شیروانی
.
خیمه‌لره عمّه‌‌‌جان لشگر عدوان گلیر
الده دوتوب شمر دون خنجر بُرّان گلیر
.
عمّه یقین کی بو دم تاپدی شهادت بابام
گون دوتولور قان یاغیر ائتدی قیامت قیام
گؤر کی تمام آتلانیب لشگر قوم ظلام
ائتمگه غارت بیزی لشگر سفیان گلیر
.
هاردا قالیب عمّه‌‌‌جان اکبر یوسف لقا
بس عموم عبّاس هانی نائب شیر خدا؟
بیزلری یالقیز گؤروب بو حَشَم بی حیا
حرمله آت اوینادیر شمر رجزخوان گلیر
.
ایندی بو لشگر بیزی ایلیجک دیر اسیر
چون گؤتوروب لشگرین نی چالی شمر شریر
عمّه یاخنلاشدی کیم جمله اولاق دستگیر
دادیمیزا بس هاچان اُول شه مردان گلیر؟
.
گؤردو بو حالی او گون زینب بی اقربا
صوت جلیله دئدی یا علی المرتضی!
داده یئتیش یا علی ای شه مشکل‌گشا
آلِ علی اوستونه لشگر طغیان گلیر.
.
اولدو اسیرِ عدو جمله او مه پاره لر
غارت اولوب زینت و زیور و بیچاره لر
آلِ علی قلبینه دیدی او گون یاره لر
دوست گؤزوندن بئله ماتم ایچون قان گلیر
.
آغلا بو ماتمده ای «سیّدِ» بختِ قرا
نظم ائله بو ماتمی شوقیله صبح و مسا
اجرینی آخر وئرر پادشه کربلا
حشرده فریادیوه شافعِ خوبان گلیر
.
#غارت_خیام
#خیمه_لره_عمه_جان_لشگر_عدوان_گلیر
#سید_عظیم_شیروانی
#ترکی
.
✍️ #زبدةالاشعار ✍️
?: @nohe_torki
نظر دهید