زبدةالاشعار

گلزاریمی آماج خزان ایلمه قارداش #مصیبی_تبریزی

زبانحال حضرت زینب کبری(س) در وداع حضرت اباعبدالله الحسین (ع)
.
✍️ زبدة الاشعار ✍️

?: @nohe_torki
.
محمدعلی مصیبی تبریزی
.
گلزاریمی آماج خزان ایلمه قارداش
میدانه گئدوب قلبیمی قان ایلمه قارداش
.

تندیس خیالیم سیناجاق مقتله گئتسن
والله باجون آغلار قالاجاقدور بئله گئتسن
مخمیده رقیه ن ائده جاقدور گله ، گئتسن
میدانه گئدوب قلبیمی قان ایلمه قارداش
.

سن سیزآخارام گویده کی اولدوزلاریلان من
هم توش اولارام ال سیزایاق سیزلاریلان من
سندن صورا نیلوم بوسوسوز قیزلاریلان من
میدانه گئدوب قلبیمی قان ایلمه قارداش
.

صولدی گولومیز غملی یرین غملی یئلینده
مستغرقم آخر بو چولون قانلی سئلینده
سن سیز قالاجاقدور یخه میز شمرین الینده
میدانه گئدوب قلبیمی قان ایلمه قارداش
.

متن پیشنهادی:  گَل جان ویرورم موسم هجراندور عم اوغلی #فاطمیه_سعدی_زمان

ای کاش بیزه وعده دیدار قالیدی
میداندا سنه یار و مددکار قالیدی
عشقین علمی الده علمدار قالیدی
میدانه گئدوب قلبیمی قان ایلمه قارداش
.

دشمن سنی توپراقه ییخار زور و زر اوسته
قورخوم بودی باشون کسیله فوج شر اوسته
دشمن وورا اوندا باشیوی نیزه لر اوسته
میدانه گئدوب قلبیمی قان ایلمه قارداش
.

بلبل سارالار قالسا بیاباندا چمن سیز
آیا بو روادی کسه لر باشیوی من سیز
دشمن نئده جاق زینبیلن فکر ائله سن سیز؟
میدانه گئدوب قلبیمی قان ایلمه قارداش
.

بیر عده منافق ائلیوب گور نه جسارت
یازدی ئوزیوه قیزلاریوا نامه دعوت
ایندی دایانوب قتلیوه اما بو جماعت
میدانه گئدوب قلبیمی قان ایلمه قارداش
.

سندن صورا بو چول باجیوا دشت جنوندی
صحرا دئماق اولماز بورا دریاچه خوندی
بیکس باجیوون دشمنی قرخ مینجه قوشوندی
میدانه گئدوب قلبیمی قان ایلمه قارداش
.

متن پیشنهادی:  سنه یالواریرام خالق سبحان #مناجات #قیزیل_قلم

میدان دولی داش دی دولی سرنیزه دی اوخدی
قرخ میندی قوشون هر بیری بوقلبه بیراوخدی
سندن صورا اما باجیوین بیرکسی یوخدی
میدانه گئدوب قلبیمی قان ایلمه قارداش
.

قارداش علم نهضتیوی عالمه وورام
یازسا بیزه کیم نامه دعوت اونی جیرّام
سندن صورا امدادیمه زهرانی چاغیرّام
میدانه گئدوب قلبیمی قان ایلمه قارداش
.

تعجیلیله گئتمه جَدله صبر ائله قارداش
زینب دولانا باشیوه ائتمه گله قارداش
دنیا باجی قارداشی آییردی بئله قارداش
میدانه گئدوب قلبیمی قان ایلمه قارداش
.

ای نام دل آراسی اولان دشمنه مُنذر
باخ عترتیوه ای یوزی مه رولره منظر
پوزقون حرمین ایندی سینیق زورقه بنزر
میدانه گئدوب قلبیمی قان ایلمه قارداش
.

متن پیشنهادی:  تنها مرا نه دیده ز خون جگر تراست #کاظمیه_صافی_تبریزی

نفرین اولا بو نامه یازان قوم نفاقه
حرمت بئله ایلله مگر بیله قوناقه
سن گئتسن حسین من یانارام داغ فراقه
میدانه گئدوب قلبیمی قان ایلمه قارداش
.

وئرسیدون اجازه باشیمی بذل ائلیردیم
بو خسته بدندن بو جانی عزل ائلیردیم
یورقون جانیمی بذل ابوالفضل ائلیردیم
میدانه گئدوب قلبیمی قان ایلمه قارداش
.

یاز لوحه «مصیب» سوزیوی دللره بسله
هجران غمی بیرگون دونه جاق شاهدوصله
زینب دیلیجه بیرده بو سٶز لعلینی سسله
میدانه گئدوب قلبیمی قان ایلمه قارداش
.
#سبک_ای_باد_صبا (بیش از 7 سبک)
.
#وداع
#گلزاریمی_آماج_خزان_ایلمه_قارداش
#مصیبی_تبریزی
#ترکی
.
✍️ #زبدةالاشعار✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی