مدح حضرت زینب(س)
گریز به حالات کوفه و مجلس ابن زیاد
.
.
کریم نصیری دولت آباد
.
.
ای اورکلر صفاسی یازینب
فاطمه دلرباسی یازینب
.
شهرشامه شهامتیله ووران
دین وقرآن لواسی یازینب
.
حضرت صاحب الزمان آقامون
عمۀ باحیاسی یازینب
.
دست قدرت بیچوب ازلده سنه
حجب وعفت لباسی یازینب
.
اولموسان قهرمان کرب وبلا
آدین اوللوخ فداسی یازینب
.
فلک ام المصائب ایتدی سنی
یعنی غملرآناسی یازینب
.
ای یاریم گونده غصه دن بوکولن
قد سرو ورساسی یازینب
.
ای حسینون یارالاریندان آخان
قانی زلفون حناسی یازینب
.
سنی زهرایه نائبه یارادوب
کائناتون خداسی یازینب
.
کیمدورعالمده بیرده سنتک اولا
غصه لر مبالاتی یازینب
.
آندویرّوخ سنی جوان ننوه
آل نظرده بویاسی یازینب
.
.
گلموشوق درگهینده حاجت آلاق
پرچمون سایه سینده دالدالاناق
.
.
.
.
سن حیاده بتوله مظهرسن
زینت نام شاه خیبرسن
.
شیرهمت ویروب ازلده آنان
شیر زن سن حسینه یاورسن
.
ایوی آباداولا خانم آنانوین
هرنه درس اورگدوبدی ازبرسن
.
قامتین سرو سرفکنده ایدر
ساقی کربلایه بنذرسن
.
کوفه ده کیم سسون ایشیتدی سنون
بیله فکر ایلیوبله حیدرسن
.
خطبه وه قدسیان دئیوب احسن
سوزبولنلربولور سخنورسن
.
بزم کفاره قوللاریندا رسن
چکولن کاروانه رهبرسن
.
ویردون اوغلانلارین حسینه فدا
ایکی زیبا شهیده مادرسن
.
ساناگلمزبلالری باشیوین
سن بلاکیشلر ایچره برترسن
.
تیغ بُرنده وصلابتیلن
کاخ ظلمی یخان هنرورسن
.
.
اسرایه چوخ ایتموسن امداد
ایوین آباداولاایوین آباد
.
.
.
کوفه ده سن دانشماسیدون اگر
نهضت کربلا گورردی ضرر
.
اسکتوا سسلننده ناقه سن
لال اولوب کوفیان دوروب دوه لر
.
داش وورانلارچوخی چکیلدی دالا
چوخودی بسکه سوزلرینده اثر
.
تابویوردون که مصطفادی بابام
قالدی حیرتده قوم فتنه سئیر
.
سویله دون فاطمه آنامدی منیم
زینبم مرتضایه نوربصر
.
باخمیون باغلیوبلا قوللاریم
حقی محکوم ایدوربوکوفه لیلر
.
زینبم چوخلاریز منی تانیسوز
آتیسوز داش ندن منافقلر
.
دیموشم شهریزه گلنده قوناق
ویرمویون ای گروه ظلم وشرر
.
ایندی موزدوم بودویارالی باشا
داش ورورسوزیاراسی تازه لنر
.
آیۀ کهف اوخورجداده حسین
ناقه لراوسته اهل بیتی ملر
.
.
باخمیون ظاهراًاسیرم من
شیریزدان آتامدی شیرم من
.
.
.
بزم ابن زیادسرمسته
گلدی بیردسته بالو پربسته
.
آج سوسوزناقه یورقونی بالالار
دایاننموردولار ایاق اوسته
.
بیری سسلیردی ایپ کسور قولومی
بیرایوای دئیوردی آهسته
.
گوردی زینب که خسته دوربالالار
امر ایدوب ایلشون اودلخسته
.
تاجلوس ایتدی کاروان بلا
اولدی توهین اومردکه پسته
.
خبرآلدی اودم عبیدزیاد
بواسیرانه کیمدی سردسته
.
حضرت زینبی ویروبله نشان
دیله گلدی اونانجیب هسته
.
ایستیوب زینبه شماتت ایده
یوز ویروب کبر اوشوم و بدمسته
.
شیرتک قهرمان کرب وبلا
ویردی ففوراجواب شایسته
.
بویوروب دینمه یابن مرجانه
ای حرامیله اولموش آرسته
.
.
من یامان گونده تیغ الماسم
بولمرم قورخی مثل عباسم
.
.
.
زینبم دخت بوترابم من
ظلم اوتوندا یانان کبابم من
.
من حسینون شریک نهضتیم
نطقوده آتشین خطابم من
.
منی عشق حسین اسیرایلیوب
تاوارام یارانقلابم من
.
سیندیرام سدظلمی دریایم
بیله فکرایلمه سرابم من
.
اگمرم باش سنون امیریوده
باخمیون بستۀ طنابم من
.
دخترمرتضا دیلله منه
حامی عفت وحجابم من
.
سن دیکمسن چاتورکیمه نصبون
دیمه دریا دینن حبابم من
.
چکمه جلادیوی منیم گوزومه
یوزلراهریمنه شهابم من
.
جیره خوار یزید سن کیمسن
شب پره سنسن آفتابم من
.
قدیمی غصه لر اگیبدی بیرآز
تیرمحنت گورن عقابم من
.
ناقه ده چوب محمیله باشمی
وورموشام قانیلن خضابم من
.
.
قویمارام من باتاآخان قانلار
ئولرم تا آیلسین انسالار
.
.
.
نظر دهید