ای مرتضی علینون قائم مقامی قارداش #عباسیه_کریمی_مراغه_ای

استمداد حضرت ابوالفضل(ع)
.
.
کریمی مراغه ای
.
.
ای مرتضی علینون قائم مقامی قارداش
گل تللین اوسته مندن آل بو سلامی قارداش
عصرین امامی قارداش
.
.
.
مدّتدی درگهونده اخلاص خدمتیم وار
اون یدی منصبیله فخریمدی شهرتیم وار
نوکر لقا حسین گر جزئی لیاقتیم وار
گل باشیم اوسته باشیم تاپسون مقامی قارداش
.
.
.
ای کاش الیم اولیدی گوز قانینی سیلیدیم
هر سمتدن گلور اوخ باری گوروب بولیدیم
ای کاش آچیدیلار یول دیداریوه گلیدیم
گورمور گوزوم ایتوردوم سمت خیامی قارداش
.
.
.
گل پیکریمده قارداش گلمز یارا شماره
قان یاره لرده گویا چشمک وورو ر ستاره
آز قالدی نعشیم اولسون میداندا پاره پاره
گل آل سپاه الیندن بو تشنه کامی قارداش
.
.
.
درس آلمیشام وفانی آغوش مرتضادن
قول دوشمینجه تندن ال چکمرم لوادن
نهر فراتی آلدیم سو ایچمدیم وفادن
سنسیز سو ایچسه نفسیم اولسون حرامی قارداش
.
.
.
من گیچمیشم بو یولدا باشدان ایکی قولومدان
گل گور نیجه ویرور قان فواره ساق صولومدان
سعی ایلدیم بو لشگر رد اولمادی یولومدان
الله خجالت ایتسون قوم ظلامی قارداش
.
.
.
دشمن اوخی اوخ اوستن باران کیمی اَلَردی
اوخ مشکیمه دگنده غم باغریمی دَلَردی
من گوز یاشی توکردیم دشمن باخوب گولردی
آلدی شماتت الدن صبر و دوامی قارداش
.
.
.
بیر پهلوانه بوندان اعظم مصیبت اولماز
دشمن ایده شماتت دعوایه قدرت اولماز
بیر آهنین عموده بیر باشدا طاقت اولماز
نوفل بو غمده قویدی آغلار آنامی قارداش
.
.
.
مداحیدور «کریمی» چوخدان بو خاندانه
قویمیش وفالی ایت تک باشین بو آستانه
ویرمز بو امتیازی مین افسر کیانه
چون خادم حسیندور وار احترامی قارداش
.
.
.