ای باشی نی ده گون کیمی شامه گلن بابا #حضرت_رقیه_ذاکر_مراغه_ای

زبانحال حضرت رقیه (س) در خرابه شام
..
..
مرحوم ذاکر مراغه ای
..
..
ای باشی نی ده گون کیمی شامه گلن بابا
ایستی قوم اوسته نعشی قالان بیکفن بابا
..
بولمم باشون کسوب نئچه ضربتله شمر دون
سو وئرمیوب چوخ اینجیموسن بی وطن بابا
..
گلمور سایا باشوندا قلج نیزه یاره سی
گویا ویروبدی یاره نی هر بیر گَلن بابا
..
یاندیردی خیمه گاهیوی ظلمیله مشرکین
قاچدی چؤله عیال علی با محن بابا
..
آهو مثال اسیر ائلیوب اهل بیتیوی
چکدی طنابه شمر و سنان ظلمیلن بابا
..
قرخ منزلی دمشقه نه زحمتله گلمیشوخ
دوتمور دیلیم بیان ائلیم من علن بابا
..
سیلی ویروبلا گول یوزوم اولموش بنفشه تک
قوللاریمی کسوب نئجه بند رَسن بابا
..
یول گلمیشم زبس قابار اولمیش ایاقلاریم
تاب ایلیوم بو ظلمه نه نوعیله من بابا؟
..
از بس ویروبدی قمچی بو یو للاردا ساربان
اگنیمده پاره پاره اولوب پیرهن بابا
..
اللرده چنگ و نی هامی بام اوسته غرفه ده
طعنه ویرور شماتت اوزیله گَلن بابا
..
گه خارجی دیردیله گاهی اسیر روم
گه اود توکردی باشیمیزه هر گَلن بابا
..
دروازه دن خرابیه چوخ یول دَگول ولی
چکدی قطاری شمر محلّاتیلن بابا
..
گزدیردیلر یهود و نصارا محله سین
آل عبانی دیده ی خونباریلن بابا
..
آخر بابا یتیملرون غم گساریسن
قورتار منی بو غمدن امام زمن بابا
..
«ذاکر» بو آستانیه سالمیش اؤزین دخیل
رحم ائت به جان اکبر گل پیرهن بابا
..
..
#حضرت_رقیه #ذاکر_مراغه_ای #ترکی #زبدةالاشعار #حضرت_رقیه_شهادت