زبانحال حضرت زینب (س) در شهادت زهرا (س)
.
✍️ زبدة الاشعار ✍️
.
🆔: @nohe_torki
.
مرحوم حاج حیدر خسروشاهی ( حزین )
.
ای باغ مهر و عاطفیه باغبان آنا
عمرون بهاری حیف اولا گوردی خزان آنا
.
عمرون باغیندا شاخه لرون گل آچان زمان
کین آفتی گوروب، پوزولوب گلستان آنا
.
اولموش غمونده شاه ولا تعزیت نشین
امّا تاپولموری اونا بیر همزبان آنا
.
نه بیر شریک غم تاپیلور نه گلوب گیدن
اولموش وطن غریبی امام زمان آنا
.
بیر لحظه قلبی غصّه لنه اولمادون رضا
اولدون انیس و همدمی ای مهربان آنا
.
ایمدی سنون گوزوندن ایراق قلب عالمین
اولموش تمام غملره قلبی مکان آنا
.
حلّال مشکلات ایله مشکل لره دوشوب
بیر کس تاپانموری ایده دردین بیان آنا
.
همدم اولوب آتامیزا دلدن یانا یانا
بزم عزا قوروب سنه قیلّوخ فغان آنا
.
یانّوق یانقلی دللریله اوخشاروق سنی
ای درد فرقتی بیزه بار گران آنا
.
عمرومجه آغلاسام سنه آزدی، سنون غمون
یاددان چخان دگل نه قدر وار جهان آنا
.
گیتدی او گونکی گون که جهاندان رسول حق
سندن چووردی یوز داخی دور زمان آنا
.
آز عمریده چوخ اولدی غم و محنتون سنون
بار غم ایتدی قامت سروون کمان آنا
.
دشمنی جفاسی، قنفذ جانی جسارتی
سالدی سنی ایاقدان ایدوب باغری قان آنا
.
مسمار ماجراسی، جماعت توکولماقی
دوشدوقجا یادیمه چکرم الامان آنا
.
آز سنّیله قوجاتدی سنی جور روزگار
حقّیمدی گر اُلونجه دیسم وای جوان آنا
.
غم منجنیقی سخدی ایله روح پاکیوی
جسمونده قالمادی داخی تاب و توان آنا
.
دویدون حیاتیدن اوزیوه ایستدون اُلوم
نوری حیاته ای شرف جاودان آنا
.
قدرون بولونمدی سنون ای گوهر شرف
قبرونده اولدی قدریوه بنزر نهان آنا
.
بیرده داخی چتیندی گوله زینبین یوزی
خوش گون ویروب زمانه یتیمه هاچان آنا
.
گیتدون اوزون ولیک منه قالدی یادگار
یانموش قاپی، قانا بویانان آستان آنا
.
بو آستانه محسنیوین قتلگاهیدور
بو آستانه دن گیده هیهات قان آنا
.
گلموش #حزین امیدیله بو باب رحمته
سن سائلی یولا الی بوش سالماسان آنا
.
هم آخرتده چشم شفاعت تیکوب سنه
هم خدمت ایتسون ایستوری طبع روان آنا
.
.
#فاطمیه_شهادت
#ای_باغ_مهر_و_عاطفیه_باغبان_آنا
#حزین_خسروشاهی
#ترکی
.
✍️ #زبدةالاشعار ✍️
.
🆔: @nohe_torki
نظر دهید