ای تربتون دل اهلینه خاک شفا بقیع #بقیع_ستار_رزاقی

بقیع
.
.
.
ستار رزاقی تبریزی
.
.
.
ای تربتون دل اهلینه خاک شفا بقیع
حسرتده دور او تربته اهل ولا بقیع
.
سیننده دفن اولوبدی نچه در شاهوار
شان و شرف تاپیبدی اولوب پربها بقیع
.
ظاهرده گرچه خوار و فقیرانه دور یرون
باطنده لیک کل جهانه صفا بقیع
.
توپراقیوا ویریبدی بها دورد بزرگوار
هر تک تکی جهاندا گوروب چوخ جفا بقیع
.
آباد ایدوبدی یثربی الحق ایکی مکان
بیر سن و بیرده قبر رسول خدا بقیع
.
عباس آناسی ام بنین سنده دفن اولوب
آغلار او غم کشیدیه اهل وفا بقیع
.
جنتدن افضلیتی واردور همان یرین
حسرتده دور همان یره شاه و گدا بقیع
.
حاکمدی حیف اولا او دیاره وهابیلر
مظلومیدور او یرده اودور اولیا بقیع
.
الله گوروم وهابی و تکفیر و داعشی
محو ایلسون به حرمت خیرالنسا بقیع
.
تخریب ایدوبله صحن و سرای ایمه نی
ذات خدادن ایلمیوبلر حیا بقیع
.
گون سایه بان اولوبدی ایمه مزارینه
واردور یری بوغمده ایداخ آه و وا بقیع
.
زوار حسرتیله باخیب گوز یاشی توکر
سسلر بو نسگیله اولا جانلار فدا بقیع
.
عشاقیوی بو غصه ایله دلکباب ایدر
دل یاندیران غمه تاپا بیلمز دوا بقیع
.
جزیی نشانه وار هله قبر ائمه دن
شیعه همان نشانیه ایلر بکا بقیع
.
اما بیر آیری غم دل عشاقی قان ایدر
آغلار گوزون دولاندیروب ایلر صدا بقیع
.
یوخدور دیین کی مدفن زهرا هایاندادور
بیلمور بو شیعه لر گیده هاردان هارا بقیع
.
زوار حسرتیله بونوعی سوال ایدر
هاردا یاتوبدی همسر شیر خدا بقیع
.
چونکی خبرده واردی دل شبده مرتضا
ایستکلیسین او یرده قویوب تپراقا بقیع
.
الله بیلور نه نوعیله زهرادن آیریلوب
درد فراقه دوزدی نجه مرتضا بقیع
.
سسلندی جسم فاطمه مجروح و خسته دور
یاخشی مواظبت ایله مندن سورا بقیع
.
روح علی بو جسمیله توپراقدا دفن اولور
روحیم مشقته دوشه اولما رضا بقیع
.
بیرده منه وصیت ایدوب فاطمه اوزی
قوی قبره جسمیمی اونی ایله خفا بقیع
.
من فاطمه وصیتینه ایلدیم عمل
سعی ایله سنده قویما بیله اشقیا بقیع
.
.رزاقی. روزوشب چکوری انتظاریوی
تا ایلیه دوباره اویرده نوا بقیع
.
حسرتله اشک چشمین عذاره نثار ایدوب
تادرد بی دواسینه آلسون دوا بقیع
.
.
#ای_تربتون_دل_اهلینه_خاک_شفا_بقیع
#ترکی #بقیع #ستار_رزاقی
#زبدةالاشعار
.