«یتمیش ایکی گون قالدی گله #عاشورا »
شعار هیئات حسینی در هفته آخر ماه شوال
.
✍️ زبدة الاشعار ✍️
?: @nohe_torki
.
محمد علی مصیبی تبریزی
.
یتمیش ایکی گون قالدی گوزه نم گلسون
روزِ دَهُمِ ماهِ مُحَرَّم گلسون
هر یرده عزا مجلسی برپا اولسون
زهرا او عزایه قامتی خم گلسون
.
یتمیش ایکی گون قالدی گویه چم دوزوله
یتمیش ایکی صهبایه می غم سوزوله
یتمیش ایکی گون قالدی گله عاشورا
یتمیش ایکی عاشق یئر ئوزوندن ئوزوله
.
یتمیش ایکی گون صورا حرملر تالانار
صحرای بلاده غم غم اوسته قالانار
اگمز باشینی دشمنه سقای حرم
قانلی باشی بیر عمودیلن پارچالانار
.
یتمیش ایکی گون قالدی علی قلبی یانا
یتمیش ایکی دلسوخته قانه بویانا
یتمیش ایکی گون قالدی علمدار یاتا
اما علم دین محمّد اویانا
.
یتمیش ایکی گوندن صوراگوللر صولاجاق
پرپر گولیلن دامن صحرا دولاجاق
اوچ شعبه لی بیر اوخ دگه جاق بیربوغازا
یتمیش ایکی گوندن صورا اصغرگوله جاق
.
یتمیش ایکی گون قالدی یره غم بورونه
صحرای بلاده شور محشر گورونه
جلاد چیخاندا شاه دین سینه سینه
تل اوستن او قتلگاهه زینب سورونه
.
یتمیش ایکی گوندن صورا زهراباش آچار
دشمن یارالی سینیه غم تیری ساچار
ذبح اولجاق حسینون باشی ؛زینب نیلر؛
مقتلدن حسین حسین دیوب تلّه قاچار
.
یتمیش ایکی گون قالدی کی غم جوشه گله
خولی قویا دالدان کسیلن باشی کوله
خم قامت ِ زهرا یارالی باشه گوره
یتمیش ایکی گوندن صورا بیرده بوکوله
.
یتمیش ایکی گون قالدی دوشه تاج ولا
یتمیش ایکی دلداده اولا دینه فدا
باشسیز قالا ناموس زمانین بدنی
قانلی باشینا مامن اولا نوک جدا
.
یتمیش ایکی گون صورا جفا قلبی دَلر
صرصر یلی صحرای ِ بلایه اسیلر
زهرا کی دوتار شام غریبان آقاما
ایوای ؛ او هنگامه ده اللر کسیلر
.
#ورود_محرم
#حسینیه_شهادت
#یتمیش_ایکی_گون_قالدی_گوزه_نم_گلسون
#یتمیش_ایکی_گون_قالدی_گله_عاشورا
#مصیبی_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید