خطاب به ارض طوس
.
✍️ زبدة الاشعار ✍️
.
🆔: @nohe_torki
.
مرحوم تائب تبریزی
.
ای جان جهان مدفنی وی خاک خراسان
جانلار سنه ده سندہ کی جانانه ده قربان
.
.
بیجادگی دنیا بویی دیللرده قالوبسان
آغوشه جگر گوشۀ زهرانی آلویسان
.
.
درد اهلینه آفاقده سن دارشفاسن
سن خوابگه ناز غریب الغرباسن
سن درگه امید شهنشاه و گداسن
نازیله یاتوب جان جهانین ئوزی سنده
علت اودی وار اهل جهانین گوزی سنده
.
.
سنسن فلکه شأن ده مین ناز ساتان یر
سنسن هامی زوار گلوب کامه چاتان یر
سنسن ضعفا ملجاء و امیدی یاتان پر
شافی دی شفا وئرمه سه ناخوش یولا سالماز
بیر سائلی عالمده الى بوش یولا سالماز
.
.
بیر بقعه دوشوب سنده وئرر فیض نفوسه
نه بقعه که جان مغربی دور شمس شموشه
اول بقعه وئروب شأن و شرف خطۀ طوسه
باش شرقدن ایستر که سحرگه وئره خورشید
هر گون دوشنر خاک درینده یره خورشید
.
.
ای خاک خراسان سنون احوالووه طوبا
واقعده اولوبسان نه گوزل عزته دارا
مدفون اولونوب سنده جگر گوشه زهرا
باس باغریوا جان تک او گوزل جان عزیزی
مسموم دی اینجیتمه او سلطان حجیزی
.
.
بیر شاه یاتوب سنده که مسموم جفادی
ئوز آدی علیدور لقب پاکی رضادی
وار دلده وطن دردی غریب الغربادی
ائیلدن آرالی دوشدی ئورکده سوزی قالدى
جان وئردی غریبانه وطنده گوزی قالدى
.
.
بیر شاه یاتوب سنده اسیر محن اولدی
دنیا اونا ایل لر بویی بیت الحزن اولدی
جبرا وطنین آتدی جلای وطن اولدی
بیر سینه ده مین لرله غمی باش باشا وئردی
دلده غم غربت گونون عمرین باشا وئردی
.
.
بیر نوگل فردوس سولوب سنده سارالدی
گلچین اجل ذوق و صفادن اونی سالدى
چوخلی دیمه لی دردی اونون سینه ده قالدى
نه محرم راز اولدی که کشف ایلیه دردین
نه تاپدی او مظلوم دل اهلی دیه در دین
.
.
غربتده او مظلومی ز بس گتدیله درده
ظلمت گئجه تک گوندوزی تار اولدی نظرده
اودلی ئورگی باغلادی قان پرده به پرده
هر لاله دلینده که اولار داغلى علامت
ایلر او یانان سینه ده کی داغی حکایت
.
.
بیر شاه یاتوب سنده غمی دللره دوشدی
نسگل لری نسگل لی سوزی دیللره دوشدی
قارداش آدی دیلده باجی سی چوللره دوشدی
افسوس که وصلت گلینی درمدی ئولدی
ایستکلی باجی قارداشینی گورمدی ئولدی
.
.
بیر شهدی که عالملر اونون باج و خراجی
علم الله اولوب فرق شریفینده کی تاجی
جان اوسته یانندا نه آنا اولدی نه باجی
سورتدى ئورگین توپراقا اول سینه یارالی
جان وئردی او شه طایفه دن ائیلدن آرالی
.
.
یثرب یری فریاد و نوائیله دولان گون
بطحا گلی ظلمیله خراساندا سولان گون
موسایه جگر گوشه سی مسموم اولان گون
جان اوسته دونوب گوزلری صاق و صولا باخدی
حسرتله اوغول آدی دیلینده یولا باخدی
.
.
عرض ائتدی خدا زهریله اودلاندی فؤادیم
جان اوسته چیخار عرشه منیم ناله و دادیم
نه گلدی باشیم اوسته گوزوم نوری جوادیم
نه گلدی باجیم منله شریک محن اولدی
قویدی منی حسرت نه یانندان گلن اولدی
.
.
بوللم غم هجریم باجیمون صبرینی آلدى
بوللم ئوزونی مندن أؤتور چوللره سالدى
درک ائتدی اجل دلده اونون حسرتی قالدى
قم شهرینه تا یتدی باجیم گون کیمی باتدی
قارداش یوزونه حسرت اولوب قبرده یاتدی
.
.
قمدا او باتوب گون کیمی بوردا باتارام من
ئوز تربتیمی تربت طوسه قاتارام من
قبر ایچره باجیم حسرتی دلده یاتارام من
زوار گلر بوردا منه قلبینی داغلار
گاهی منه گَه غصه لی معصومیه آغلار
.
.
یارب نولی بو «تائبه» بیر دعوت اولیدی
بو سینه ده رفع کدر حسرت اولیدی
اؤپماق او مزاری منه ده قسمت اولیدی
یوللاردا غباره بورونوب منده گلیدیم
زواریله باهم سورونوب منده گلیدیم
.
.
#رضویه_مدح #رضویه_شهادت
#ای_جان_جهان_مدفنی_وی_خاک_خراسان
#تائب_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید