دوشموشم تپراقه قولسوز باتمشام القانه تئز گل #عباسیه_رضوی_زنجانی

استمداد حضرت ابوالفضل (ع)
..
..
رضوی زنجانی
..
..
دوشموشم تپراقه قولسوز باتمشام القانه تئز گل
آز قالوب باشیم ویریلسین نیزه ی عدوانه تئز گل
..
..
ای اولان فخر دو عالم خلقته پیرایه قارداش
من ولادتدن غلامم سن کیمی مولایه قارداش
خادمیندن قیل رضایت باشیمه سال سایه قارداش
دوشمشم دریاده الآن نوح تک طوفانه تئز گل
..
..
فاطمه دیداره گلدی چوخ یوبانما سنده قارداش
قولّاریم دوشدی بدندن یوخدی طاقت منده قارداش
قیزلارندان چوخ اوتاندیم اولمشام شرمنده قارداش
من دیمشدیم سو گتیرّم خیمه ده طفلانه تئز گل
..
..
گوزلریمی قان دوتوبدی گورمیرم من خیمه گاهی
صاف صولومی کسدی دشمن داش ویرار شامین سپاهی
دگسه گر یاره وزیره سسلنر امداده شاهی
گل اولوب سینم نشانه نیزه و پیکانه تئز گل
..
..
باشیم اوسته گلدی زهرا عرصه ی هیجاده مولا
خیمه لرده چوخ یوبانما تئزیتش فریاده مولا
مقدمینده تا ویرم جان اولمشام آماده مولا
چوخ ویروب اشرار کوفه یاره بو قربانه تئز گل
..
..
قولاریم یوخدی اگر چه چکمدیم ال پرچمیندن
سال گذارین ای برادر کربلانون علقمیندن
ناگرانم ئوز غمیمدن چوخ علی اصغر غمیندن
قلبیدن اودلانمشام من اول گل ریحانه تئز گل
..
..
بیر یارا دگدی باشمدان چکدی قاندان پرده قارداش
لخته لخته قان دایانمش بو آلا گوزلرده قارداش
باشدا گتسه گوزده گتسه گلمرم من درده قارداش
باش نه لازمدور جهاندا عاشق جانانه تئز گل
..
..
نهر علقمدن صداسین خیملرده قارداش آلدی
خیمه ی سلطانه اوندا ابر محنت سایه سالدی
كائناته حكم فرما بیر یامان احواله قالدی
زینبی سسلندی مرکب تز گتور سلطانه تئز گل
..
..
خیمدن امداده گلدی اول امام پاک و معصوم
تا یتیشدی نهرین اوسته گوردی قارداشینی مصدوم
قانیله اولموش ملبّس قولاری یوخ اولدی مهموم
فاطمه عبّاسه سؤیلر روضه ی رضوانه تئز گل
..
..
#عباسیه #رضوی_زنجانی #عباسیه_شهادت #ترکی #زبدةالاشعار