ای جان نثار قرآن لایلای رقیه لایلای #حضرت_رقیه_جاهد

در شهادت حضرت رقیه سلام الله علیها
.
زبدة الاشعار
.
: @nohe_torki
.
حاج علی پور علی ( جاهد )
.
ای جان نثار قرآن لایلای رقیه لایلای
قول باغلی آج وئرن جان لایلای رقیه لایلای
.
لایلای رقیه لایلای (2)
.
.
آرام جان زینب ویرانه ده آج ئولدی
قول باغلی سینه داغلی باشدا قراتاج ئولدی
.
لایلای رقیه لایلای (2)
.
.
من زینبم الهی یاندیم غم فراقه
ئولدی بالام رقیه دوزمور اورک بوداغه
ئولدی رقیم الله قول باغلی دل پریشان
اکبر غمینده گریان اصغر غمینده نالان
.
لایلای رقیه لایلای (2)
.
.
زهرا ننم مثالی سیلی یئری یوزونده
قبره یارالی گئتدون قان لکه سی گوزونده
صیادی شل اولیدی دام ستم قوراندا
زجرین الی سینیدی سیلی سنه ووراندا
.
لایلای رقیه لایلای (2)
.
.
زینب بیبون ئولیدی آی غملی نازدانه
ویرانه شام یولوندا یوردی سنی زمانه
وحشتلی بیرگئجیدی غم صبریوی کسنده
دوشدون غم گرانه طوفان غم اسنده
.
لایلای رقیه لایلای (2)
.
.
سن ناقدن یخیلدون اسدی دیلین دوداقون
داشلار تیکانلاراوسته چالدی قابار ایاقون
غم اوجینه یتیشدی دل خسته روحی خسته
دلدن دوشوب یخیلدون داشلار تیکانلاراوسته
.
لایلای رقیه لایلای (2)
.
.
سس وئرمنه رقیه یاندیم غم فراقه
ئولم گوزوم دوشنده گوشوارسیز قولاقه
غمدن دل جهانی بولدون رقیه لایلای
ویرانه ده آجیندان ئولدون رقیه لایلای
.
لایلای رقیه لایلای (2)
.
.
غم اوج ائدوب سمایه زهرا گلوب نوایه
ئولدی باجون رقیه اکبر یتیش هرایه
تئزگل هرایه قارداش بیکس باجون آج ئولدی
سالدی یزیدی تختن باشداقراتاج ئولدی
.
لایلای رقیه لایلای (2)
.
.
.
#سبک_احوالیمیز_یاماندی … بیش از 10 سبک

.
#سبک_ای_اکبرین_مارالی
با اضافه کردن واگیر مناسب
((ای حسرت . کرب و بلا . رقیه
جانیم سنه . اولسون فدا . رقیه))
.
#حضرت_رقیه_شهادت
#ای_جان_نثار_قرآن_لایلای_رقیه_لایلای
#جاهد
#ترکی
.
#زبدةالاشعار
.
: @nohe_torki